ನಾಗರಾಜು ಅಶ್ವತ್ಥ್, ಬೆಂಗಳೂರು ಗ್ರಾಮಾಂತರಬೆಂಗಳೂರು ಗ್ರಾಮಾಂತರ: ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೊರ ಜಿಲ್ಲೆಗಳಿಂದ ಆಗಮಿಸುವ ಪ್ರಯಾಣಿಕರಿಗೆ ನೀಡುವ ಉದ್ದೇಶದಿಂದಾಗಿ ಕರ್ನಾಟಕ ರಸ್ತೆ ಅಭಿವೃದ್ಧಿ ನಿಗಮ(ಕೆಆರ್‌ಡಿಸಿಎಲ್‌)ನಿಂದ 2020ರಲ್ಲಿ ಆರಂಭಗೊಂಡ ಕಾಮಗಾರಿಗೆ ನಾನಾ ವಿಘ್ನಗಳು ಎದುರಾಗುತ್ತಿವೆ. ಈ ವೇಳೆಗೆ ಸಾರ್ವಜನಿಕರ ಬಳಕೆಗೆ ಸಿಗಬೇಕಿದ್ದ ಬೈಪಾಸ್‌ ಕಾಮಗಾರಿ ವಿಳಂಬಗೊಳ್ಳುತ್ತಿದ್ದು, ನಿತ್ಯ ನೆಲಮಂಗಲ-ದೊಡ್ಡಬಳ್ಳಾಪುರ ನಡುವೆ ಸಂಚರಿಸುವ ಸವಾರರಿಗೆ ತೀವ್ರ ಸಮಸ್ಯೆಯಾಗುತ್ತಿದೆ. 39 ಕಿಮೀ ಅಂತರದಲ್ಲಿ ನೆಲಮಂಗಲದಿಂದ ಕೋಡಿಪಾಳ್ಯ, ಕೋಡಿಪಾಳ್ಯದಿಂದ ರಾಜಾನುಕುಂಟೆ, ರಾಜಾನುಕುಂಟೆಯಿಂದ ವಿಮಾನ ನಿಲ್ದಾಣದ ನಡುವೆ 310ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾಗಬೇಕಿದ್ದ ಈ ಹೆದ್ದಾರಿ ನಿರ್ಮಾಣವಾದರೆ ಹಾಸನ, ತುಮಕೂರು ಸೇರಿದಂತೆ ರಾಜ್ಯದ ನಾನಾ ಜಿಲ್ಲೆಗಳಿಂದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತಲುಪಬೇಕಾದ ಪ್ರಯಾಣಿಕರಿಗೆ ಸಾಕಷ್ಟು ಅನುಕೂಲವಾಗಲಿದೆ. ಬೆಂಗಳೂರಿನ ಟ್ರಾಫಿಕ್‌ ಕಿರಿಕಿರಿಯಿಲ್ಲದೆ, ಗ್ರಾಮಾಂತರ ಜಿಲ್ಲೆಯ ಮೂಲಕ ಬೈಪಾಸ್‌ನಲ್ಲಿ ಶೀಘ್ರ ಮುಟ್ಟಲು ಈ ಹೆದ್ದಾರಿ ವರದಾನವಾಗಲಿದೆ. ಹೀಗಾಗಿ, ತ್ವರಿತವಾಗಿ ವಿಘ್ನಗಳೆಲ್ಲಾ ಬಗೆಹರಿದು ಜನರಿಗೆ ಹೆದ್ದಾರಿ ಸಿಗುವಂತಾಗಲಿ ಎನ್ನುವುದು ಪ್ರಯಾಣಿಕರ ಹೆಬ್ಬಯಕೆಯಾಗಿದೆ. ಮರಗಳ ಟ್ರಾನ್ಸ್‌ಪ್ಲಾಂಟ್‌ಬೈಪಾಸ್‌ ಹೆದ್ದಾರಿ ವಿಳಂಬಕ್ಕೆ ಪ್ರಮುಖ ಕಾರಣವೇ ಮರಗಳ ಸ್ಥಳಾಂತರ ಎನ್ನಲಾಗುತ್ತಿದೆ. ನೆಲಮಂಗಲ-ದೊಡ್ಡಬಳ್ಳಾಪುರ ರಾಜ್ಯಹೆದ್ದಾರಿ-74ರಲ್ಲಿ ಸಾವಿರಾರು ಸಾಲು ಮರಗಳಿದ್ದವು. ಆದರೆ, ಅರಣ್ಯ ಇಲಾಖೆ ಕ್ಲಿಯರೆನ್ಸ್‌ನಿಂದಾಗಿ ಈ ಮರಗಳನ್ನು ತ್ವರಿತವಾಗಿ ಕಡಿಯಲಾಯಿತು. ಆದರೆ, ರಾಜ್ಯಹೆದ್ದಾರಿಯಿಂದ ರಾಜಾನುಕುಂಟೆಗೆ ಸಂಪರ್ಕ ನೀಡುವ ರಸ್ತೆಯಲ್ಲಿನ 1002 ಮರಗಳಿಗೆ ಸಂಬಂಧಿಸಿದಂತೆ ಪರಿಸ್ಥಿತಿ ಬೇರೆಯದ್ದೇ ಆಗಿದೆ. ಈ ಮರಗಳನ್ನು ಟ್ರಾನ್ಸ್‌ಪ್ಲಾಂಟ್‌ ಮಾಡಿಕೊಡುವ ಹಿನ್ನೆಲೆ ಕೋರ್ಟ್‌ನಿಂದ ಆದೇಶವಿದ್ದು, ಕೆಆರ್‌ಡಿಸಿಎಲ್‌ ಸಾವಿರ ಮರಗಳನ್ನು ಕಡ್ಡಾಯವಾಗಿ ಸ್ಥಳಾಂತರ ಮಾಡಿಕೊಡಬೇಕಿದೆ. ಜತೆಗೆ, ಈ ಮಾರ್ಗದಲ್ಲಿನ ಭೂಸ್ವಾಧೀನ ಪ್ರಕ್ರಿಯೆಗಳಿನ್ನೂ ಅಂತಿಮಗೊಳ್ಳದ ಹಿನ್ನೆಲೆ ಕಾಮಗಾರಿ ವಿಳಂಬಗೊಳ್ಳುತ್ತಿದೆ. ಸ್ಥಳೀಯರಿಗೆ ಕಿರಿಕಿರಿಕಳೆದೆರಡು ವರ್ಷಗಳಿಂದ ಕುಂಟುತ್ತ ಸಾಗುತ್ತಿರುವ ಈ ಹೆದ್ದಾರಿ ನಿರ್ಮಾಣ ಕಾಮಗಾರಿಯಿಂದಾಗಿ ದೊಡ್ಡಬಳ್ಳಾಪುರ-ನೆಲಮಂಗಲ ನಡುವಿನ ಪ್ರಯಾಣಿಕರಿಗೆ ತೀವ್ರ ಕಿರಿಕಿರಿ ಸೃಷ್ಟಿಯಾಗಿದೆ. ನಿರ್ಮಾಣ ಹಂತದ ಈ ರಸ್ತೆಯ ದುಸ್ಥಿತಿಯಿಂದಾಗಿ ಪ್ರಯಾಣದ ಅವಧಿ ವಿಸ್ತರಣೆಯಾಗಿದ್ದು, ಧೂಳಿನ ಗೋಳು ಜತೆಯಾಗಿದೆ. ಇತ್ತೀಚಿಗೆ ಕೆಆರ್‌ಡಿಸಿಎಲ್‌ನಿಂದ ಧೂಳಿನಿಂದ ಮುಕ್ತಿ ನೀಡಲು ಟ್ರ್ಯಾಕ್ಟರ್‌ ಮೂಲಕ ನೀರನ್ನು ಹಾಕಲಾಗುತ್ತಿದ್ದರೂ, ನಿತ್ಯ ಸಂಚಾರ ದೊಡ್ಡ ಪಜೀತಿಯಾಗಿದೆ ಎನ್ನುತ್ತಿದ್ದಾರೆ ಸ್ಥಳೀಯ ನಿವಾಸಿ ಚೇತನ್‌ಕುಮಾರ್‌. ಬೈಪಾಸ್‌ ಬಜೆಟ್‌ ಲೆಕ್ಕಾಚಾರ ನೆಲಮಂಗಲ-ಏರ್‌ಪೋರ್ಟ್‌ ಸಿಗ್ನಲ್‌ಫ್ರೀ ಬೈಪಾಸ್‌ ರಸ್ತೆ39ಕಿಮೀ ಹೆದ್ದಾರಿ, 310ಕೋಟಿ ಬಜೆಟ್‌30ತಿಂಗಳು(2.5ವರ್ಷ) ಕಾಲಮಿತಿ ಎಲ್ಲಿಂದ ಎಲ್ಲಿಗೆ ಎಷ್ಟೆಷ್ಟು? ನೆಲಮಂಗಲದಿಂದ ಮಧುರೆ(ಕೋಡಿಪಾಳ್ಯ) - 15ಕಿಮೀ - 150ಕೋಟಿ ಅನುದಾನಮಧುರೆ(ಕೋಡಿಪಾಳ್ಯ)ಯಿಂದ ರಾಜಾನುಕುಂಟೆ- 15ಕಿಮೀ- 150ಕೋಟಿರಾಜಾನುಕುಂಟೆಯಿಂದ ವಿಮಾನನಿಲ್ದಾಣ- 9ಕಿಮೀ - 10ಕೋಟಿ ಮೇಲ್ಸೇತುವೆಗಳ ವಿವರ
- ನಾರಾಯಣಪುರದ ಬಳಿ ರೈಲ್ವೆ ಮೇಲ್ಸೇತುವೆ
- ರಾಜಾನುಕುಂಟೆ ಬಳಿ ಹಾಲಿ ರೈಲ್ವೆ ಮೇಲ್ಸೇತುವೆ ವಿಸ್ತರಣೆ
- ಮಧುರೆ ಕೆರೆ ಕೋಡಿ ವಿಸ್ತರಣೆ
- ಮರಗಳ ಟ್ರಾನ್ಸ್‌ಪ್ಲಾಂಟೇಶನ್‌ ಪ್ರಕ್ರಿಯೆಯಿಂದ ವಿಳಂಬ
- ಭೂಸ್ವಾಧೀನ ಪ್ರಕ್ರಿಯೆ ಬಾಕಿ
- ಕೋವಿಡ್‌ ಹೊಡೆತ
from India & World News in Kannada | VK Polls https://ift.tt/3fdJVnB
