Daily News in Kannda: ಗ್ರಾಮೀಣ ಗ್ರಂಥಾಲಯಗಳಿಗೆ ಭಾರತ ಸಂವಿಧಾನ ಪುಸ್ತಕ ಕಡ್ಡಾಯ; ಸರ್ಕಾರ ಆದೇಶ

ಗ್ರಾಮೀಣ ಗ್ರಂಥಾಲಯಗಳಿಗೆ ಭಾರತ ಸಂವಿಧಾನ ಪುಸ್ತಕ ಕಡ್ಡಾಯ; ಸರ್ಕಾರ ಆದೇಶ

ಬೆಂಗಳೂರು: ಗ್ರಾಮೀಣ (ಗ್ರಾ.ಪಂ) ಗ್ರಂಥಾಲಯದಲ್ಲಿ '' ಕಡ್ಡಾಯಗೊಳಿಸಿ ರಾಜ್ಯ ಹೊರಡಿಸಿದೆ. ಗ್ರಾಮೀಣ ಭಾಗದ ಬಡ ವಿದ್ಯಾರ್ಥಿಗಳನ್ನು ಸ್ಪರ್ಧಾತ್ಮಕ ಪರೀಕ್ಷೆಗೆ ಸಜ್ಜುಗೊಳಿಸುವ ಸಂಬಂಧ ಗ್ರಂಥಾಲಯಗಳ ಉನ್ನತೀಕರಣ, ಡಿಜಿಟಲೀಕರಣ ಸೇರಿದಂತೆ ನಾನಾ ಸುಧಾರಣೆಗೆ ಗ್ರಂಥಾಲಯಗಳನ್ನು ಒಳಪಡಿಸಲಾಗಿದೆ. ಇದರೊಂದಿಗೆ ಮೂಲಭೂತವಾಗಿ 'ಭಾರತ ಸಂವಿಧಾನ' ಪುಸ್ತಕ ಹೊಂದುವುದು ಕಡ್ಡಾಯ ಎಂದು ಸೂಚಿಸಲಾಗಿದೆ. ನಗರ ಪ್ರದೇಶದ ವಿದ್ಯಾರ್ಥಿಗಳಿಗೆ ದೊರೆಯುತ್ತಿರುವ ಉತ್ತಮ ಶೈಕ್ಷಣಿಕ ಮಾಹಿತಿ ಗ್ರಾಮೀಣ ಭಾಗದವರಿಗೂ ಒದಗಿಸುವ ಮೂಲ ಉದ್ದೇಶದಿಂದ ರಾಜ್ಯ ಸರಕಾರ ಗ್ರಂಥಾಲಯಗಳನ್ನು ಮೇಲ್ದರ್ಜೆಗೇರಿಸುತ್ತಿದೆ. ಮೊದಲ ಹಂತದಲ್ಲಿ ಭಾರತ ಸಂವಿಧಾನ ಪುಸ್ತಕ ಇರಿಸುವುದು ಕಡ್ಡಾಯಗೊಳಿಸಲಾಗಿದೆ. ಗ್ರಾ.ಪಂ ಗ್ರಂಥಾಲಯಗಳನ್ನು ಡಿಜಿಟಲ್‌ಗೆ ಪರಿವರ್ತಿಸಲಾಗುತ್ತಿದ್ದು, ಈವರೆಗೆ 1997 ಗ್ರಂಥಾಲಯಗಳನ್ನು ಪರಿವರ್ತಿಸಲಾಗಿದೆ. ಇನ್ನೂ 4000 ಗ್ರಂಥಾಲಯಗಳು ಬಾಕಿ ಇವೆ. ಡಿಜಿಟಲ್‌ಗಳಾಗಿ ಪರಿವರ್ತನೆಗೊಂಡ ಗ್ರಾಮೀಣ ಗ್ರಂಥಾಲಯಕ್ಕೆ ರಾಜ್ಯ ಸರಕಾರ ಗ್ರಂಥಾಲಯ ತಂತ್ರಾಂಶಕ್ಕೆ ಸಂಯೋಜಿಸಿದ ಪರಿಣಾಮ ಆನ್‌ಲೈನ್‌ ಮೂಲಕ ಸರಾಸರಿ 3500 ಡಿಜಿಟಲ್‌ ಮಾದರಿ ಪುಸ್ತಕಗಳು ಗ್ರಾಮೀಣ ವಿದ್ಯಾರ್ಥಿಗಳಿಗೆ ಲಭಿಸಲಿವೆ. ಇದಧಿರಿಂದ ಸ್ಪರ್ಧಾತ್ಮಕ ಪರೀಕ್ಷೆಗೆ ಸಿದ್ಧತೆ ಮಾಡಿಕೊಳ್ಳುತ್ತಿರುವ ವಿದ್ಯಾರ್ಥಿಗಳಿಗೆ ಅನುಕೂಲವಾಗಲಿದೆ. ಬ್ರೈಲ್‌ ಲೈಬ್ರರಿ ದೃಷ್ಟಿ ಸವಾಲಿಗೊಳಗಾದ ಮಕ್ಕಳಿಗೆ ಅನುಕೂಲವಾಗುವಂತೆ ತಾಲೂಕಿಗೆ ಒಂದರಂತೆ ಬ್ರೈಲ್‌ ಹಾಗೂ ಶ್ರವ್ಯ ಪುಸ್ತಕಗಳನ್ನು ಒಳಗೊಂಡ ಬೀಕನ್‌ ಗ್ರಂಥಾಲಯ ಅಭಿವೃದ್ಧಿಪಡಿಸಲು ತಾ.ಪಂಗೆ ಆದೇಶಿಸಲಾಗಿದೆ. ಜ.26ರಂದು ರಾಜ್ಯ ಸರಕಾರ ಈ ಲೈಬ್ರರಿಗಳನ್ನು ಉದ್ಘಾಟಿಸಲಿದೆ. ಸಂಪನ್ಮೂಲ ಕ್ರೋಡೀಕರಣ? ಗ್ರಂಥಾಲಯಗಳ ಉನ್ನತೀಕರಣ, ಡಿಜಿಟಲ್‌ ಮತ್ತು ಪುಸ್ತಕಗಳ ಖರೀದಿಗಾಗಿ ಸ್ವಂತ ಸಂಪನ್ಮೂಲ ಸೃಷ್ಟಿಗೆ ಸರಕಾರ ಸೂಚಿಸಿದೆ. ಸಂಗ್ರಹಿಸುವ ಆಸ್ತಿ ತೆರಿಗೆ ಮೇಲೆ 3ರಿಂದ 6 ಪೈಸೆ ಉಪಕರ ಸಂಗ್ರಹಿಸುವುದು ಮತ್ತು 15 ನೇ ಹಣಕಾಸು ಯೋಜನೆಯಲ್ಲಿ ಅನುದಾನದ ಬಳಸಲು ರಾಜ್ಯ ಸರಕಾರ ಸೂಚಿಸಿದೆ. ಇತರೆ ಕಡ್ಡಾಯ ಪುಸ್ತಕಗಳು