ಹೊಸದಿಲ್ಲಿ: ಭಾರತ ತಂಡದಲ್ಲಿ ಅವಕಾಶ ಕಳೆದುಕೊಂಡ ಬಗ್ಗೆ ಮಾಜಿ ನಾಯಕ ವಿರುದ್ಧ ನಾನು ದೂರುವುದಿಲ್ಲ. ಏಕೆಂದರೆ ಅವರು ಆ ವರ್ಷಗಳಲ್ಲಿ ನನಗೆ ಅತ್ಯುತ್ತಮ ಸ್ನೇಹಿತರಾಗಿದ್ದರು ಎಂದು ಮಾಜಿ ಸ್ಪಿನ್ನರ್‌ ಹೇಳಿದ್ದಾರೆ. 2007ರ ಐಸಿಸಿ ಟಿ20 ವಿಶ್ವಕಪ್ ಹಾಗೂ 2011ರ ವಿಶ್ವಕಪ್ ವಿಜೇತ ಭಾರತ ತಂಡದ ಸದಸ್ಯರಾಗಿದ್ದ ಹರ್ಭಜನ್ ಸಿಂಗ್‌ 2021ರ ಡಿಸೆಂಬರ್‌ 24 ರಂದು ಎಲ್ಲಾ ಸ್ವರೂಪದ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದರು. ಅಂದಹಾಗೆ 2016ರಲ್ಲಿ ಕೊನೆಯ ಬಾರಿ ಭಜ್ಜಿ ಭಾರತ ತಂಡವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಪ್ರತಿನಿಧಿಸಿದ್ದರು. ಒಬ್ಬ ಆಟಗಾರನಾಗಿ ಅತ್ಯುತ್ತಮ ಲಯದಲ್ಲಿದ್ದಾಗ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ತಮಗೆ ಹೆಚ್ಚಿನ ಬೆಂಬಲ ನೀಡಿರಲಿಲ್ಲ. ವೃತ್ತಿ ಬದುಕಿನ ಉತ್ತುಂಗದಲ್ಲಿರುವಾಗ ಹಾಗೂ ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾಗ ಆಟಗಾರನಿಗೆ ಕ್ರಿಕೆಟ್ ಮಂಡಳಿ ಬೆಂಬಲ ತುಂಬಾ ಅತ್ಯಗತ್ಯ. ಆದರೆ ಈ ವಿಷಯದಲ್ಲಿ ನನಗೆ ಬಿಸಿಸಿಐನಿಂದ ಯಾವುದೇ ಸಹಕಾರ ಸಿಗಲಿಲ್ಲ ಎಂದು ಹರ್ಭಜನ್ ಸಿಂಗ್‌ ಬೇಸರ ವ್ಯಕ್ತಪಡಿಸಿದ್ದಾರೆ. ರಾಷ್ಟ್ರೀಯ ತಂಡದಲ್ಲಿ ಅವಕಾಶ ಕಳೆದುಕೊಂಡ ಬಗ್ಗೆ ಎಂಎಸ್ ಧೋನಿ ವಿರುದ್ಧ ಏನಾದರೂ ದೂರು ಇದೆಯೇ ಎಂದು ನ್ಯೂಸ್‌18 ಹರ್ಭಜನ್ ಸಿಂಗ್‌ಗೆ ಪ್ರಶ್ನೆ ಕೇಳಿತು. ಇದಕ್ಕೆ ಮಾಜಿ ಆಫ್‌ ಸ್ಪಿನ್ನರ್‌, ಎಂಎಸ್ ಧೋನಿ ವಿರುದ್ಧ ನಾನು ದೂರುವುದಿಲ್ಲ. ಅವರು ಆ ವರ್ಷಗಳಲ್ಲಿ ನನಗೆ ಉತ್ತಮ ಸ್ನೇಹಿತರಾಗಿದ್ದರು ಎಂದರು. "ಇಲ್ಲವೇ, ಇಲ್ಲ. ಎಂಎಸ್ ವಿರುದ್ಧ ನನ್ನಿಂದ ದೂರು ಇಲ್ಲ. ಅಂದಹಾಗೆ ಆ ವರ್ಷಗಳಲ್ಲಿ ಅವರು ನನಗೆ ಉತ್ತಮ ಸ್ನೇಹಿತರಾಗಿದ್ದರು. ಆದರೆ ವಿರುದ್ಧ ನನ್ನಿಂದ ದೂರು ಇದೆ. ಏಕೆಂದರೆ ಆ ಸಂದರ್ಭದಲ್ಲಿ ಬಿಸಿಸಿಐ ಒಂದು ರೀತಿ ಸರ್ಕಾರವಾಗಿತ್ತು. ಹಾಗಾಗಿ ಬಿಸಿಸಿಐ ಅನ್ನು ನಾನು ಸರ್ಕಾರ ಎಂದು ಕರೆಯುತ್ತೇನೆ. ಆಗಿನ ಸಂದರ್ಭದಲ್ಲಿ ಸೆಲೆಕ್ಟರ್‌ಗಳು ತಮ್ಮ ಕೆಲಸಕ್ಕೆ ನ್ಯಾಯ ಒದಗಿಸಿರಲಿಲ್ಲ ಹಾಗೂ ಅವರು ತಂಡವನ್ನು ಒಗ್ಗೂಡಿಸಲು ಬಿಟ್ಟಿರಲಿಲ್ಲ," ಎಂದರು. "ಹಿರಿಯ ಆಟಗಾರರು ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಉತ್ತುಂಗದಲ್ಲಿರುವ ವೇಳೆ ಹೊಸ ಆಟಗಾರರನ್ನು ತಂಡಕ್ಕೆ ಕರೆ ತರುವ ಅಗತ್ಯವೇನಿತ್ತು? ಈ ಬಗ್ಗೆ ನಾನು ಒಮ್ಮೆ ಸೆಲೆಕ್ಟರ್‌ಗಳ ಬಳಿ ಮಾತನಾಡಿದ್ದೆ, ಇದಕ್ಕೆ ಅವರು ಇದು ನಮ್ಮ ಕೈಯಲ್ಲಿ ಇಲ್ಲ ಎಂದು ಉತ್ತರ ನೀಡಿದ್ದರು. ಮತ್ತೇ ನೀವು ಏಕೆ ಸೆಲೆಕ್ಟರ್‌ಗಳಾಗಿದ್ದೀರಿ ಎಂದು ನಾನು ಅವರಿಗೆ ಮರು ಪ್ರಶ್ನೆ ಕೇಳಿದ್ದೆ," ಎಂದು ಈ ಹಿಂದಿನ ಸೆಲೆಕ್ಟರ್‌ಗಳ ವಿರುದ್ಧ ಭಜ್ಜಿ ಆಕ್ರೋಶ ವ್ಯಕ್ತಪಡಿಸಿದರು. "ನೋಡಿ, ಒಬ್ಬೊಬ್ಬರು ಒಂದೊಂದು ರೀತಿಯ ಹೇಳಿಕೆ ನೀಡುತ್ತಾರೆ. 2012ರ ನಂತರ ಬಹಳಷ್ಟು ವಿಷಯಗಳು ಉತ್ತಮವಾಗಿರಬಹುದೆಂದು ನಾನು ತಿಳಿಸಲು ಬಯಸುತ್ತೇನೆ. ಸೆಹ್ವಾಗ್‌, ನಾನು, ಯುವರಾಜ್‌, ಗಂಭೀರ್ ಸೇರಿದಂತೆ ಹಲವು ಸ್ಟಾರ್‌ ಆಟಗಾರರು ಐಪಿಎಲ್‌ನಲ್ಲಿ ಸಕ್ರಿಯರಾಗಿದ್ದರಿಂದ ಭಾರತ ತಂಡದ ಪರ ಆಡುವಾಗಲೇ ವೃತ್ತಿ ಬದುಕಿಗೆ ವಿದಾಯ ಹೇಳಬಹುದಿತ್ತು. 2011ರ ವಿಶ್ವಕಪ್ ಗೆದ್ದಿದ್ದ ಈ ಆಟಗಾರರು ಮತ್ತೆ ತಂಡದಲ್ಲಿ ಒಂದಾಗಲು ಸಾಧ್ಯವಾಗಲೇ ಇಲ್ಲ. ಏಕೆ? ಇದರಲ್ಲಿ ಕೆಲವರು ಮಾತ್ರ 2015ರ ವಿಶ್ವಕಪ್ ಟೂರ್ನಿಯಲ್ಲಿ ಕಾಣಿಸಿಕೊಂಡಿದ್ದರು. ಏಕೆ?' ಎಂದು ಹರ್ಭಜನ್ ಸಿಂಗ್‌ ಪ್ರಶ್ನೆ ಮಾಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/6ehyPikSO
