ಹೊಸ ದಿಲ್ಲಿ: ಕೋವಿಡ್‌ ಮೂರನೇ ಅಲೆಯಲ್ಲಿ ದೇಶಾದ್ಯಂತ 2 ಲಕ್ಷಕ್ಕೂ ಅಧಿಕ ದೈನಂದಿನ ಪ್ರಕರಣಗಳ ನಡುವೆಯೂ ಸೋಂಕಿನ ವೇಗ ತಗ್ಗಿದೆ ಎಂದು ಅಧ್ಯಯನವೊಂದು ತಿಳಿಸಿದೆ.ಸೋಂಕಿನ ಹರಡುವಿಕೆ ವೇಗವನ್ನು ಸೂಚಿಸುವ 'ಆರ್‌-ವ್ಯಾಲ್ಯೂ' ಜನವರಿ 7 ರಿಂದ 13ರ ನಡುವಿನ ವಾರದಲ್ಲಿ ಅದರ ಹಿಂದಿನ ವಾರಕ್ಕೆ ಹೋಲಿಸಿದರೆ 2.2ಕ್ಕೆ ಇಳಿದಿದೆ ಎಂದು ಐಐಟಿ ಮದ್ರಾಸ್‌ ಅಧ್ಯಯನ ತಿಳಿಸಿದೆ.ಜತೆಗೆ, ಓಮಿಕ್ರಾನ್‌ ಸೋಂಕಿನ ಕೇಂದ್ರ ಬಿಂದುಗಳಾಗಿದ್ದ ದಿಲ್ಲಿ ಮತ್ತು ಮಹಾರಾಷ್ಟ್ರದಲ್ಲಿ ನಿತ್ಯ ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಿರುವುದು ಸಹ ಸೋಂಕಿನ ವೇಗ ತಗ್ಗಿರುವ ಸುಳಿವನ್ನು ನೀಡಿದೆ. ಈಗಾಗಲೇ ಮುಂಬಯಿ ಮತ್ತು ದಿಲ್ಲಿ ಮೂರನೇ ಅಲೆ ಉತ್ತುಂಗ ತಲುಪಿವೆ ಎಂದು ತಜ್ಞರು ಅಂದಾಜಿಸಿದ್ದಾರೆ. ಇದು ಇತರ ದೇಶಗಳ ಮಾದರಿಯಲ್ಲೇ ಭಾರತದಲ್ಲೂ 3ನೇ ಅಲೆ ಆದಷ್ಟು ಬೇಗ ಪೀಕ್‌ಗೆ ತಲುಪಿ, ಇಳಿಮುಖವಾಗುವ ಮುನ್ಸೂಚನೆ ನೀಡಿದೆ.ಕಳೆದ ಡಿಸೆಂಬರ್‌ 25ರಿಂದ ಜನವರಿ 6ರವರೆಗೆ ಭಾರತದ ಆರ್‌ - ವ್ಯಾಲ್ಯೂ 2.9ರಷ್ಟಿತ್ತು. ಇದು ಈಗ 0.6ರಷ್ಟು ಇಳಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಈ ಪ್ರಮಾಣ ಮತ್ತಷ್ಟು ಇಳಿಕೆಯಾಗುವ ಸಾಧ್ಯತೆಯಿದೆ ಎಂದು ಅಧ್ಯಯನ ತಿಳಿಸಿದೆ.ಕಳೆದ ವಾರ ಆರ್‌ - ವ್ಯಾಲ್ಯೂ ಮುಂಬಯಿನಲ್ಲಿ 1.3, ದಿಲ್ಲಿಯಲ್ಲಿ 2.5, ಚೆನ್ನೈನಲ್ಲಿ 2.4 ಮತ್ತು ಕೋಲ್ಕೊತಾದಲ್ಲಿ 1.6ರಷ್ಟಿತ್ತು. ಮೊದಲ ವಾರದಲ್ಲಿ ದೇಶದ ನಾಲ್ಕು ಮಹಾನರಗಳಲ್ಲಿ ಆರ್‌-ವ್ಯಾಲ್ಯೂ ಬಹುತೇಕ 4ಕ್ಕೆ ಮುಟ್ಟಿತ್ತು.ಕಳೆದ ಡಿಸೆಂಬರ್‌ 25ರಿಂದ ಜನವರಿ 6ರವರೆಗೆ ಭಾರತದ ಆರ್‌ - ವ್ಯಾಲ್ಯೂ 2.9ರಷ್ಟಿತ್ತು. ಇದು ಈಗ 0.6ರಷ್ಟು ಇಳಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಈ ಪ್ರಮಾಣ ಮತ್ತಷ್ಟು ಇಳಿಕೆಯಾಗುವ ಸಾಧ್ಯತೆಯಿದೆ ಎಂದು ಅಧ್ಯಯನ ತಿಳಿಸಿದೆ.
ಕೋವಿಡ್‌ ಮೂರನೇ ಅಲೆಯಲ್ಲಿ ದೇಶಾದ್ಯಂತ 2 ಲಕ್ಷಕ್ಕೂ ಅಧಿಕ ದೈನಂದಿನ ಪ್ರಕರಣಗಳ ನಡುವೆಯೂ ಸೋಂಕಿನ ವೇಗ ತಗ್ಗಿದೆ ಎಂದು ಅಧ್ಯಯನವೊಂದು ತಿಳಿಸಿದೆ.
ಸೋಂಕಿನ ಹರಡುವಿಕೆ ವೇಗವನ್ನು ಸೂಚಿಸುವ 'ಆರ್‌-ವ್ಯಾಲ್ಯೂ' ಜನವರಿ 7 ರಿಂದ 13ರ ನಡುವಿನ ವಾರದಲ್ಲಿ ಅದರ ಹಿಂದಿನ ವಾರಕ್ಕೆ ಹೋಲಿಸಿದರೆ 2.2ಕ್ಕೆ ಇಳಿದಿದೆ ಎಂದು ಐಐಟಿ ಮದ್ರಾಸ್‌ ಅಧ್ಯಯನ ತಿಳಿಸಿದೆ.
ಜತೆಗೆ, ಓಮಿಕ್ರಾನ್‌ ಸೋಂಕಿನ ಕೇಂದ್ರ ಬಿಂದುಗಳಾಗಿದ್ದ ದಿಲ್ಲಿ ಮತ್ತು ಮಹಾರಾಷ್ಟ್ರದಲ್ಲಿ ನಿತ್ಯ ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಿರುವುದು ಸಹ ಸೋಂಕಿನ ವೇಗ ತಗ್ಗಿರುವ ಸುಳಿವನ್ನು ನೀಡಿದೆ. ಈಗಾಗಲೇ ಮುಂಬಯಿ ಮತ್ತು ದಿಲ್ಲಿ ಮೂರನೇ ಅಲೆ ಉತ್ತುಂಗ ತಲುಪಿವೆ ಎಂದು ತಜ್ಞರು ಅಂದಾಜಿಸಿದ್ದಾರೆ. ಇದು ಇತರ ದೇಶಗಳ ಮಾದರಿಯಲ್ಲೇ ಭಾರತದಲ್ಲೂ 3ನೇ ಅಲೆ ಆದಷ್ಟು ಬೇಗ ಪೀಕ್‌ಗೆ ತಲುಪಿ, ಇಳಿಮುಖವಾಗುವ ಮುನ್ಸೂಚನೆ ನೀಡಿದೆ.
ಕಳೆದ ಡಿಸೆಂಬರ್‌ 25ರಿಂದ ಜನವರಿ 6ರವರೆಗೆ ಭಾರತದ ಆರ್‌ - ವ್ಯಾಲ್ಯೂ 2.9ರಷ್ಟಿತ್ತು. ಇದು ಈಗ 0.6ರಷ್ಟು ಇಳಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಈ ಪ್ರಮಾಣ ಮತ್ತಷ್ಟು ಇಳಿಕೆಯಾಗುವ ಸಾಧ್ಯತೆಯಿದೆ ಎಂದು ಅಧ್ಯಯನ ತಿಳಿಸಿದೆ.
ಕಳೆದ ವಾರ ಆರ್‌ - ವ್ಯಾಲ್ಯೂ ಮುಂಬಯಿನಲ್ಲಿ 1.3, ದಿಲ್ಲಿಯಲ್ಲಿ 2.5, ಚೆನ್ನೈನಲ್ಲಿ 2.4 ಮತ್ತು ಕೋಲ್ಕೊತಾದಲ್ಲಿ 1.6ರಷ್ಟಿತ್ತು. ಮೊದಲ ವಾರದಲ್ಲಿ ದೇಶದ ನಾಲ್ಕು ಮಹಾನರಗಳಲ್ಲಿ ಆರ್‌-ವ್ಯಾಲ್ಯೂ ಬಹುತೇಕ 4ಕ್ಕೆ ಮುಟ್ಟಿತ್ತು.
ದೇಶಾದ್ಯಂತ ಆರ್‌-ವ್ಯಾಲ್ಯೂ ಏರಿಳಿತ
2021 ಆಗಸ್ಟ್‌ : 1.17
2021 ಸೆಪ್ಟೆಂಬರ್‌: 0.92
2021 ಡಿ. 25-31: 2.9
2022 ಜ.1-6: 2.9
2022 ಜ.7-13: 2.6
ಏನಿದು ಆರ್‌-ವ್ಯಾಲ್ಯೂ?
ನಿರ್ದಿಷ್ಟ ಪ್ರದೇಶದಲ್ಲಿ ಕೋವಿಡ್‌ ಎಷ್ಟು ವೇಗವಾಗಿ ಹರಡುತ್ತಿದೆ ಮತ್ತು ಒಬ್ಬರಿಂದ ಎಷ್ಟು ಮಂದಿಗೆ ಹರಡುತ್ತಿದೆ ಎಂಬುದನ್ನು ಸೂಚಿಸುತ್ತದೆ. ಆರ್‌-ವ್ಯಾಲ್ಯೂ ಹೆಚ್ಚಿದ್ದಷ್ಟೂ ಸೋಂಕು ಹರಡುವ ವೇಗ ಮತ್ತು ಒಬ್ಬರಿಂದ ಸೋಂಕಿತರಾಗುವ ವ್ಯಕ್ತಿಗಳ ಸಂಖ್ಯೆ ಅಧಿಕವಾಗಿರುತ್ತದೆ. ಆರ್‌-ವ್ಯಾಲ್ಯೂ 1 ಅಥವಾ ಅದಕ್ಕಿಂತಲೂ ಕಡಿಮೆ ಕಂಡು ಬಂದರೆ, ಅಂತಹ ಸ್ಥಿತಿಯನ್ನು 'ಸಾಂಕ್ರಾಮಿಕದ ಅಂತ್ಯದ ಹಂತ' (ಎಂಡಾಮಿಕ್‌) ಎಂದು ಪರಿಗಣಿಸಲಾಗುತ್ತದೆ.
* 4 ದಿನಗಳಿಂದ ದಿಲ್ಲಿ, ಮುಂಬಯಿನಲ್ಲಿ ದೈನಂದಿನ ಸೋಂಕು ಇಳಿಮುಖ
* ಭಾನುವಾರ ಮುಂಬಯಿನ 7,000ಕ್ಕೆ, ದಿಲ್ಲಿಯಲ್ಲಿ 17,000ಕ್ಕೆ ಇಳಿದ ದೈನಂದಿನ ಸೋಂಕು
* ದಿಲ್ಲಿ, ಮುಂಬಯಿ ಮೂರನೇ ಅಲೆ ಪೀಕ್‌ ತಲುಪಿರಬಹುದೆಂದ ತಜ್ಞರು
* ಕರ್ನಾಟಕ ರಾಜ್ಯದಲ್ಲಿ ಭಾನುವಾರ ಒಂದೇ ದಿನ 34,000 ಕೇಸ್‌ 11 ಮಂದಿ ಬಲಿ
* ದೇಶಾದ್ಯಂತ ಒಂದೇ ದಿನ 2,71,202 ಹೊಸ ಪ್ರಕರಣ
ಲಸಿಕೆ ಅಭಿಯಾನಕ್ಕೆ ವರ್ಷ
ವಿಶ್ವದಲ್ಲೇ ಅತಿ ದೊಡ್ಡ ಲಸಿಕಾ ಅಭಿಯಾನ ಎಂಬ ಹಿರಿಮೆಗೆ ಪಾತ್ರವಾಗಿರುವ ಭಾರತದ ಕೋವಿಡ್‌-19 ಲಸಿಕಾ ಅಭಿಯಾನಕ್ಕೆ ಜನವರಿ 16ಕ್ಕೆ ಒಂದು ವರ್ಷ ತುಂಬಿದ್ದು, ಇದುವರೆಗೂ ಒಟ್ಟು 157 ಕೋಟಿಗೂ ಅಧಿಕ ಡೋಸ್‌ಗಳನ್ನು ನೀಡಲಾಗಿದೆ. ಇತ್ತ, ಕರ್ನಾಟಕದಲ್ಲೂ 99% ಜನರಿಗೆ ಮೊದಲ ಡೋಸ್‌ ಮತ್ತು 83% ಜನರಿಗೆ ಎರಡೂ ಡೋಸ್‌ ನೀಡಲಾಗಿದೆ ಎಂದು ಆರೋಗ್ಯ ಮತ್ತು ವೈದ್ಯಕೀಯ ಶಿಕ್ಷಣ ಸಚಿವ ಡಾ. ಕೆ. ಸುಧಾಕರ್‌ ಹೇಳಿದ್ದಾರೆ.
ಸೋಮವಾರ ಸಿಎಂ ಬೊಮ್ಮಾಯಿ ಸಭೆ
ಸಿಎಂ ಬಸವರಾಜ ಬೊಮ್ಮಾಯಿ ಅವರು ಕೋವಿಡ್‌-19 ಸೋಂಕಿನಿಂದ ಗುಣಮುಖರಾಗಿದ್ದಾರೆ. ರಾಜ್ಯದಲ್ಲಿ ಕೋವಿಡ್‌ ಪರಿಸ್ಥಿತಿ ಅವಲೋಕಿಸಿ ಮುಂದಿನ ಕ್ರಮಗಳ ಬಗ್ಗೆ ತೀರ್ಮಾನಿಸಲು ಸೋಮವಾರ ಮುಖ್ಯಮಂತ್ರಿಗಳ ನೇತೃತ್ವದಲ್ಲಿ ಸಭೆ ನಡೆಯಲಿದೆ.
from India & World News in Kannada | VK Polls https://ift.tt/3qwAPbK
