ಹೈದರಾಬಾದ್‌: 2024ರ ಸಾರ್ವತ್ರಿಕ ಚುನಾವಣೆಗೆ ಪ್ರಾದೇಶಿಕ ಪಕ್ಷಗಳ ಸಂಯುಕ್ತ ಒಕ್ಕೂಟ ರಚನೆಗೆ ಭೂಮಿಕೆ ಸಿದ್ಧವಾಗುವ ಲಕ್ಷಣ ಕಾಣುತ್ತಿದೆ. ತೆಲಂಗಾಣ ಮುಖ್ಯಮಂತ್ರಿ ಅವರು ಇದ್ದಕ್ಕೆ ಪೀಠಿಕೆ ಹಾಕುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ತಮಿಳುನಾಡು ಮುಖ್ಯಮಂತ್ರಿ ಹಾಗೂ ಡಿಎಂಕೆ ಪಕ್ಷದ ಮುಖ್ಯಸ್ಥ ಎಂ.ಕೆ ಸ್ಟಾಲಿನ್‌ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದ ಕೆ. ಚಂದ್ರಶೇಖರ್‌ ರಾವ್‌ ಇದೀಗ, ಬಿಹಾರದ ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ಅವರನ್ನು ಭೇಟಿ ಮಾಡಿದ್ದಾರೆ. ಈ ಬೆಳವಣಿಗೆಗಳು ಪ್ರಾದೇಶಿಕ ಪಕ್ಷಗಳ ಒಕ್ಕೂಟ ರಚನೆಯ ಭಾಗವಾಗಿ ಇಂಥ ಭೇಟಿ, ಮಾತುಕತೆಗಳು ನಡೆಯುತ್ತಿದೆ ಎನ್ನಲಾಗಿದೆ. ಪಕ್ಷದ ಹಿರಿಯ ನಾಯಕರೊಂದಿಗೆ ಬುಧವಾರ ಬಿಹಾರದಿಂದ ಹೈದರಾಬಾದ್‌ಗೆ ಬಂದಿದ್ದ ತೇಜಸ್ವಿ ಯಾದವ್‌, ಅವರನ್ನು ಭೇಟಿ ಮಾಡಿ ಹಲವು ವಿಷಯಗಳ ಬಗ್ಗೆ ಮಾತುಕತೆ ನಡೆಸಿದ್ದಾರೆ. ರಾಷ್ಟ್ರೀಯ ಪಕ್ಷಗಳನ್ನು ಹೊರೆತು ಪಡಿಸಿ ಪ್ರಾದೇಶಿಕ ಪಕ್ಷಗಳ ನಾಯಕರ ನಡುವೆ ವಿಶ್ವಾಸ ವೃದ್ಧಿಗೆ ಈ ಭೇಟಿ ನಿಗದಿಯಾಗಿತ್ತು ಎಂದು ಹೇಳಲಾಗಿದೆ. ಇದೇ ವೇಳೆ ತೇಜಸ್ವಿ ಸಮ್ಮುಖದಲ್ಲಿ ಅವರ ತಂದೆ ಲಾಲೂ ಪ್ರಸಾದ್‌ ಯಾದವ್‌ ಅವರಿಗೆ ಫೋನ್‌ ಕರೆ ಮಾಡಿದ ಕೆಸಿಆರ್, ಅವರ ಆರೋಗ್ಯ ವಿಚಾರಿಸಿದರು. ಅಲ್ಲದೇ ಸಕ್ರಿಯ ರಾಜಕಾರಣಕ್ಕೆ ಮರಳಿ, ರಾಷ್ಟ್ರ ರಾಜಕಾರಣದಲ್ಲಿ ಪ್ರಮುಖ ಪಾತ್ರ ವಹಿಸಬೇಕು ಎಂದು ವಿನಂತಿಸಿಕೊಂಡರು. ಅಲ್ಲದೇ ನಿಮ್ಮ ಅನುಭವ ಹಾಗೂ ಕಾರ್ಯಕರ್ತರ ಪಡೆ ಹೊಸ ರಾಜಕೀಯ ಒಕ್ಕೂಟಕ್ಕೆ ಅವಶ್ಯವಾಗಿದೆ ಎಂದು ಲಾಲೂ ಅವರೊಂದಿಗೆ ಕೆಸಿಆರ್ ಹೇಳಿದ್ದಾಗಿ ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. ಇದೇ ವೇಳೆ ಬಿಜೆಪಿಯನ್ನು ಕಟ್ಟಿ ಹಾಕುವ ಕೆಸಿಆರ್ ಅವರ ಪ್ರಯತ್ನವನ್ನು ಲಾಲೂ ಪ್ರಶಂಸಿದ್ದಾರೆ. ಅಲ್ಲದೇ ಬಿಜೆಪಿ ಮುಕ್ತ, ಜಾತ್ಯಾತೀತ ಹಾಗೂ ಪ್ರಜಾಸತಾತ್ಮಕ ಒಕ್ಕೂಟ ರಚಿಸುವ ಕೆಸಿಆರ್ ಅವರ ಪ್ರಯತ್ನವನ್ನೂ ಲಾಲೂ ಶ್ಲಾಘಿಸಿದ್ದಾರೆ. ಪ್ರತ್ಯೇಕ ತೆಲಂಗಾಣ ರಾಜ್ಯ ರಚನೆಗೆ ಕೆಸಿಆರ್ ಪಣ ತೊಟ್ಟಿದ್ದು ಹಾಗೂ ಅದನ್ನು ಸಾಧಿಸಿಕೊಂಡದ್ದನ್ನೂ ಲಾಲೂ ಹೊಗಳಿದ್ದಾರೆ. ಬಿಹಾರದ ಮಾಜಿ ಸಚಿವ ಅಬ್ದುಲ್‌ ಬಾರಿ ಸಿದ್ದೀಖಿ ಹಾಗೂ ಮಾಜಿ ಶಾಸಕರಾದ ಸುನೀಲ್‌ ಸಿಂಗ್‌ ಹಾಗೂ ಭೋಲಾ ಯಾದವ್‌ ಅವರೊಂದಿಗೆ ವಿಶೇಷ ವಿಮಾನದಲ್ಲಿ ಹೈದರಾಬಾದ್‌ಗೆ ಬಂದು ಕೆಸಿಆರ್ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ. ಬಿಜೆಪಿಯನ್ನು ಮಣಿಸಲು ಒಂದಾಗಿ ರಣತಂತ್ರ ರೂಪಿಸುವ ಬಗ್ಗೆ ಸುದೀರ್ಘ ಮಾತುಕತೆ ನಡೆದಿದೆ ಎಂದು ಗೊತ್ತಾಗಿದೆ. ಈ ಸಭೆಯಲ್ಲಿ ಕೆಸಿಆರ್ ಅವರ ಪುತ್ರ ಹಾಗೂ ತೆಲಂಗಾಣದ ಮಾಹಿತಿ ತಂತ್ರಜ್ಞಾನ ಸಚಿವ ಕೆಟಿ ರಾಮರಾವ್‌, ರಾಜ್ಯಸಭಾ ಸಂಸದ ಜೋಗಿನಪಲ್ಲಿ ಸಂತೋಷ್‌ ಅವರು ಕೂಡ ಈ ಸಭೆಯಲ್ಲಿ ಉಪಸ್ಥಿತರಿದ್ದರು. ಇನ್ನು ತೆಲಂಗಾಣದಲ್ಲಿ ನಡೆದ ಎಡ ಪಕ್ಷಗಳ ಸಮಾರಂಭದಲ್ಲಿ ಭಾಗವಹಿಸಲು ಬಂದಿದ್ದ ಸಿಪಿಐ ಹಾಗೂ ಸಿಪಿಎಂ ಪಕ್ಷದ ನಾಯಕರನ್ನೂ ಕೆಸಿಆರ್ ಭಾನುವಾರ ಪ್ರತ್ಯೇಕವಾಗಿ ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು. 2024 ಚುನಾವಣೆಗೆ ಇನ್ನೂ ಎರಡು ವರ್ಷಗಳು ಬಾಕಿ ಇರುವಾಗಲೇ ಪ್ರಾದೇಶಿಕ ಪಕ್ಷಗಳ ಮೈತ್ರಿಕೂಟ ರಚನೆ ಮಾಡುವ ಮಾತುಕತೆಗಳು ಆರಂಭವಾಗಿದೆ. 2019ರ ಲೋಕಸಭಾ ಚುನಾವಣೆಗೂ ಮುನ್ನ ಇಂಥ ಪ್ರಯತ್ನ ಮಾಡಿದ್ದ ಕೆಸಿಆರ್, 2018 ಹಲವು ಪ್ರಾದೇಶಿಕ ಪಕ್ಷಗಳ ನಾಯಕರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು. ಆದರೆ ಪ್ರಾದೇಶಿಕ ಪಕ್ಷಗಳ ನಡುವಿನ ಭಿನ್ನತೆಯಿಂದಾಗಿ ಮೈತ್ರಿಕೂಟ ರಚನೆಯಾಗಲೇ ಇಲ್ಲ.
from India & World News in Kannada | VK Polls https://ift.tt/3K6b9e3
