ಬೆಂಗಳೂರು: ಕರ್ನಾಟಕ ಸೇರಿದಂತೆ ದೇಶದ ಅನೇಕ ರಾಜ್ಯಗಳಲ್ಲಿ ತಳಿ ಸೋಂಕು ಪ್ರಸರಣ ಹೆಚ್ಚುತ್ತಿದ್ದಂತೆಯೇ ರಾತ್ರಿ ಕರ್ಫ್ಯೂ ಮತ್ತು ಸೇರಿದಂತೆ ಅನೇಕ ನಿರ್ಬಂಧಗಳನ್ನು ಜಾರಿಗೆ ತರಲಾಗಿತ್ತು. ಆದರೆ ಈ ನಿರ್ಬಂಧಗಳು ಸೋಂಕು ತಡೆಗೆ ಎಷ್ಟರಮಟ್ಟಿಗೆ ಸಹಕಾರಿ ಎಂಬ ಚರ್ಚೆ ನಡೆದಿತ್ತು. ಸದ್ಯ ರಾಜ್ಯದಲ್ಲಿ ಮತ್ತು ವೀಕೆಂಡ್ ಕರ್ಫ್ಯೂ ರದ್ದುಗೊಳಿಸಲಾಗಿದೆ. ಬೆಂಗಳೂರು ನಗರವನ್ನು ಗುರಿಯಾಗಿರಿಸಿಕೊಂಡು ನಡೆಸಿದ ಅಧ್ಯಯನವೊಂದು, ಓಮಿಕ್ರಾನ್ ಹರಡುವಿಕೆಯನ್ನು ನಿಧಾನಗೊಳಿಸುವುದರಲ್ಲಿ ಹಾಗೂ ವಿಳಂಬ ಮಾಡುವುದರಲ್ಲಿ ನೈಟ್ ಕರ್ಫ್ಯೂ ಮತ್ತು ವೀಕೆಂಡ್ ಕರ್ಫ್ಯೂ ಸಾಕಷ್ಟು ನೆರವಾಗಿದೆ ಎಂದು ಹೇಳಿದೆ. 'ನಿರ್ಬಂಧಗಳು ಇಲ್ಲದೆ ಇದ್ದಿದ್ದರೆ ಓಮಿಕ್ರಾನ್ ಹೆಚ್ಚು ತ್ವರಿತವಾಗಿ ಹರಡುತ್ತಿತ್ತು ಮತ್ತು ಜನತೆಗೆ ಹೆಚ್ಚು ಬಾಧಿಸುತ್ತಿತ್ತು' ಎಂದು ಇಂಡಿಯನ್ ಸ್ಟಾಟಿಸ್ಟಿಕಲ್ ಇನ್‌ಸ್ಟಿಟ್ಯೂಟ್, ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ ಮತ್ತು ಯುನಿವರ್ಸಿಟಿ ಆಫ್ ವರ್ಜೀನಿಯಾ ಬಯೋಕಾಂಪ್ಲೆಕ್ಸಿಟಿ ಸಂಸ್ಥೆಯ ಪರಿಣತರು ನಡೆಸಿದ ಅಧ್ಯಯನ ವರದಿ ತಿಳಿಸಿದೆ. ಜನವರಿ ಮೊದಲ ವಾರದಲ್ಲಿ ದೇಶಾದ್ಯಂತ ಕೋವಿಡ್ ಸೋಂಕುಗಳ ಸಂಖ್ಯೆ ಹೆಚ್ಚಳವಾಗಿತ್ತು. ಹೀಗಾಗಿ ವೀಕೆಂಡ್ ಲಾಕ್‌ಡೌನ್, ನೈಟ್ ಕರ್ಫ್ಯೂದಂತಹ ನಿರ್ಬಂಧಗಳನ್ನು ಮರಳಿ ಜಾರಿಗೆ ತರಲಾಗಿತ್ತು. ಕೆಲವು ರಾಜ್ಯಗಳಲ್ಲಿ ಈ ನಿರ್ಬಂಧಗಳು ಇನ್ನೂ ಮುಂದುವರಿದಿವೆ. ಆದರೆ ಅನೇಕ ತಜ್ಞರು ಈ ನಿರ್ಬಂಧಗಳು ಸೋಂಕು ಹರಡುವುದನ್ನು ನಿಯಂತ್ರಿಸಲು ಹೇಗೆ ಪರಿಣಾಮಕಾರಿ ಎಂದು ಪ್ರಶ್ನಿಸಿದ್ದಾರೆ. ಗೂಗಲ್ ಪ್ರಕಟಿಸಿದ ಸಮುದಾಯ ಚಲನಶೀಲತೆ ವರದಿಗಳನ್ನು ಬಳಸಿಕೊಂಡಿದ್ದು, ಬಳಿಕ ಸಿಮ್ಯುಲೇಷನ್ ಅಧ್ಯಯನ ಮೂಲಕ ಅಂತಹ ನಿರ್ಬಂಧಗಳ ಪರಿಣಾಮವನ್ನು ಅಂದಾಜಿಸಿರುವುದಾಗಿ ಸಂಶೋಧಕರು ತಿಳಿಸಿದ್ದಾರೆ. ನಿರ್ಬಂಧಗಳು ಇಲ್ಲದೆ ಹೋಗಿದ್ದರೆ ಓಮಿಕ್ರಾನ್ ಹರಡುವಿಕೆಯಿಂದ ಸೋಂಕು ತಗುಲಬಹುದಾಗಿದ್ದ ಜನರ ಸಂಖ್ಯೆಯನ್ನು ಈ ನಿರ್ಬಂಧಗಳು ನಿಯಂತ್ರಿಸಿವೆ ಎಂದು ಅಧ್ಯಯನ ತಿಳಿಸಿದೆ. ಜನರ ಓಡಾಟ ನಿರ್ಬಂಧಗಳು ಕೋವಿಡ್ ಪ್ರಕರಣಗಳು ಏಕಾಏಕಿ ಉತ್ತುಂಗಕ್ಕೆ ಏರುವುದನ್ನು ತಡೆದಿದೆ ಮತ್ತು ಅದರ ಪ್ರಮಾಣವನ್ನು ತಗ್ಗಿಸಿದೆ ಎಂದು ಅಧ್ಯಯನ ಖಚಿತಪಡಿಸಿದೆ. ಒಮ್ಮೆ ಕೋವಿಡ್ ಸೋಂಕು ಪ್ರಮಾಣ ಕೆಳಕ್ಕಿಳಿದ ಬಳಿಕ ಆಸ್ಪತ್ರೆ ಹಾಸಿಗೆಗಳ ದೈನಂದಿನ ಬೇಡಿಕೆ ಕೂಡ ಕುಸಿದಿದೆ. ಒಮ್ಮೆ ಕೋವಿಡ್ ಅಲೆಯು ತನ್ನ ಉತ್ತುಂಗದ ಅವಧಿಯನ್ನು ದಾಟಿದರೆ, ನಿರ್ಬಂಧಗಳ ಅನುಕೂಲತೆಯು ಸೀಮಿತಗೊಳ್ಳುತ್ತದೆ ಎಂದು ಹೇಳಿದೆ. ಕರ್ನಾಟಕದಲ್ಲಿನ ಪ್ರಕರಣಗಳ ಪಥವು ದಕ್ಷಿಣ ಆಫ್ರಿಕಾದ ಟ್ರೆಂಡ್ ಅನುಸರಿಸಿದರೆ ಮತ್ತು ಚೆನ್ನಾಗಿ ಲಸಿಕೆ ಸಾಧನೆ ಮಾಡಿದ ದೇಶಗಳ ಆಸ್ಪತ್ರೆ ದಾಖಲೀಕರಣದಂತೆ ಇದ್ದರೆ, ಪ್ರಕರಣಗಳ ಸಂಖ್ಯೆ ತುತ್ತ ತುದಿಗೆ ಹೋದಾಗ ಅದರ ಸಾಮರ್ಥ್ಯದ ಒಳಗೇ ಆರೋಗ್ಯ ವ್ಯವಸ್ಥೆ ಅಗತ್ಯಗಳು ಇರುವ ಸಾಧ್ಯತೆ ಇದೆ. ಇದು ಜನರ ಓಡಾಟ ನಿರ್ಬಂಧ ಅಥವಾ ನಿರ್ಬಂಧಗಳು ಇಲ್ಲದೆ ಇದ್ದರೂ ಸಾಧ್ಯ ಎಂದು ಸಂಶೋಧಕರು ತಿಳಿಸಿದ್ದಾರೆ. ರಾಜ್ಯದಲ್ಲಿ ಜನವರಿ 31ರಿಂದ ರಾತ್ರಿ ಕರ್ಫ್ಯೂಗಳು ತೆರವಾಗುತ್ತಿವೆ. ಬೆಂಗಳೂರಿನಲ್ಲಿ ಶಾಲೆಗಳು ಮರು ಆರಂಭವಾಗುತ್ತಿವೆ.
from India & World News in Kannada | VK Polls https://ift.tt/ynLAt2m5f
