ವಿಜಯ್‌ ಕೋಟ್ಯಾನ್‌ ಮಂಗಳೂರು ಮಂಗಳೂರು: ಸೇರಿದಂತೆ ಯುಎಇ ವಿಮಾನ ಯಾನ ಅವಧಿ ಮೂರೂವರೆ ಗಂಟೆ. ಆದರೆ ಪ್ರಯಾಣ ಅನುಮತಿಗೆ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ತಗುಲುವ ಅವಧಿ 5 ಗಂಟೆ! ದುಬೈ, ಅರಬ್‌ ರಾಷ್ಟ್ರ ಸೇರಿದಂತೆ ವಿಮಾನ ಮೂಲಕ ಮಾಡುವವರಿಗೆ ಓಮಿಕ್ರಾನ್‌ ಹಿನ್ನೆಲೆಯಲ್ಲಿ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಬಿಗಿ ತಪಾಸಣೆ ನಡೆಸಲಾಗುತ್ತಿದೆ. ಪ್ರಯಾಣಿಕರು ವಿಮಾನ ನಿಲ್ದಾಣಕ್ಕೆ ಪ್ರವೇಶಿಸಿದ ಕೂಡಲೇ ವಿದೇಶ ಪ್ರಯಾಣ ಮಾಡುವ ವ್ಯಕ್ತಿಯ ದಾಖಲೆ ಪರಿಶೀಲನೆ ಮಾಡಲಾಗುತ್ತದೆ. ಈ ಸಂದರ್ಭ ಪ್ರವಾಸ ತೆರಳುವ ರಾಷ್ಟ್ರದ ಕ್ಯೂಆರ್‌ ಕೋಡ್‌ ಸ್ಕ್ಯಾ‌ನ್‌ ಮಾಡಲಾಗುತ್ತದೆ. ಇದಕ್ಕೆ ಸಂಬಂಧಪಟ್ಟ ರಾಷ್ಟ್ರಗಳ ಅನುಮತಿ ಸಂದೇಶವೂ ಜತೆಗಿರಬೇಕು. ಬಳಿಕ ಡಾಕ್ಯುಮೆಂಟ್‌ ಚೆಕ್‌ ಮಾಡಲಾಗುತ್ತದೆ. ಆರ್‌ಟಿಪಿಸಿಆರ್‌ಗೆ 3 ಸಾವಿರ ರೂ.!ವಿದೇಶಕ್ಕೆ ತೆರಳುವ 48 ಗಂಟೆ ಮುನ್ನ ಪ್ರಯಾಣಿಕರು ಕೋವಿಡ್‌ ತಪಾಸಣೆ ನಡೆಸಿರುತ್ತಾರೆ. ಇದು ಸಾಮಾನ್ಯವಾಗಿ ಉಚಿತ ಅಥವಾ ಖಾಸಗಿ ಆಸ್ಪತ್ರೆಯಲ್ಲಿ 500 ರೂ. ನೀಡಬೇಕು. ಆದರೆ ವಿಮಾನ ನಿಲ್ದಾಣದಲ್ಲಿ ತಪಾಸಣೆಗೆ 3 ಸಾವಿರ ರೂ. ಕಟ್ಟಬೇಕು. ಈ ಮೊತ್ತ ಪ್ರಯಾಣಿಕರಿಗೆ ಹೊರೆಯಾಗಿದ್ದು, ಸಮರ್ಪಕ ಮಾಹಿತಿ ಇಲ್ಲದೆ ಹಣಕ್ಕಾಗಿ ಹರಸಾಹಸಪಡುತ್ತಾರೆ. 6 ಗಂಟೆಯ ನಿಯಮವಿಲ್ಲ ಅರಬ್‌ ರಾಷ್ಟ್ರಗಳಿಗೆ ಪ್ರವೇಶ ಮಾಡಬೇಕಾದರೆ 6 ಗಂಟೆ ಅವಧಿಯಲ್ಲಿ ಮಾಡಿದ ತಪಾಸಣೆ ಬೇಕೆಂಬ ನಿಯಮವನ್ನೇ ವಿಧಿಸಿಲ್ಲ. ಹಾಗಿರುವಾಗ 48 ಗಂಟೆ ಅವಧಿಯಲ್ಲಿ ಕೋವಿಡ್‌ ತಪಾಸಣೆ ಮಾಡಿದ ಬಳಿಕ ವಿಮಾನ ನಿಲ್ದಾಣದಲ್ಲಿ ಮತ್ತೆ ತಪಾಸಣೆ ನಡೆಸುವುದು ಸರಿಯಲ್ಲ ಎನ್ನುವುದು ಅನಿವಾಸಿ ಭಾರತೀಯರ ಆರೋಪ. ದೇಶೀಯ ಮೊಬೈಲ್‌ ನಂಬರ್‌ಆರ್‌ಟಿಪಿಸಿಆರ್‌ ತಪಾಸಣೆ ವೇಳೆ ಮೊಬೈಲ್‌ ನಂಬರ್‌ಗೆ ಸಂದೇಶ ಬರುವ ಕಾರಣ ಪ್ರಯಾಣಿಕ ಭಾರತದ ಮೊಬೈಲ್‌ ನಂಬರ್‌ ಹೊಂದಿರಬೇಕು. ಈ ಮಾಹಿತಿಯೂ ಇಲ್ಲದ ಕಾರಣ ಕೆಲವು ಪ್ರಯಾಣಿಕರು ತೊಂದರೆ ಅನುಭವಿಸುತ್ತಿದ್ದಾರೆ. ಆರ್‌ಟಿಪಿಸಿಆರ್‌ ಸ್ಯಾಂಪಲ್‌ ಸಂಗ್ರಹ ಬಳಿಕ ವರದಿಗಾಗಿ ಹೊರಗೆಯೇ ಕಾಯಬೇಕು. ವರದಿ ಬಂದ ಬಳಿಕ ಅದರ ಕಾಪಿ ಹಿಡಿದು ವಿಮಾನ ನಿಲ್ದಾಣ ಅಧಿಕಾರಿಗಳು ತಪಾಸಣೆ ನಡೆಸುತ್ತಾರೆ. ಅದರಲ್ಲೂ ಇಂಡಿಗೋ ವಿಮಾನವಾದರೆ ವಿಮಾನ ನಿಲ್ದಾಣ ಅಧಿಕಾರಿಗಳು ಮಾತ್ರವಲ್ಲದೆ ಏರ್‌ಲೈನ್ಸ್‌ ಸಿಬ್ಬಂದಿ ಕೂಡ ತಪಾಸಣೆ ನಡೆಸುತ್ತಿದ್ದು, ಇದಕ್ಕೆ ಹೆಚ್ಚುವರಿ ಕಾಲಾವಕಾಶ ಬೇಕಾಗುತ್ತದೆ. ಬಳಿಕ ಎಮಿಗ್ರೇಷನ್‌ ಅಧಿಕಾರಿಗಳು ತಪಾಸಣೆ ನಡೆಸುತ್ತಾರೆ. 1 ಗಂಟೆಯಲ್ಲಿ ಕೌಂಟರ್‌ ಕ್ಲೋಸ್‌ ಅಂತಾರಾಷ್ಟ್ರೀಯ ವಿಮಾನಯಾನಕ್ಕೆ ಹೊರಡುವ 1 ಗಂಟೆ ಮುನ್ನ ಎಲ್ಲ ಕೌಂಟರ್‌ಗಳನ್ನು ಮುಚ್ಚಲಾಗುತ್ತದೆ. ಇದರಿಂದ ಕನಿಷ್ಠ 5 ಗಂಟೆ ತಪಾಸಣೆ ತಗುಲುತ್ತದೆ ಎನ್ನುತ್ತಾರೆ ಅನಿವಾಸಿ ಭಾರತೀಯ ಮಿಥುನ್‌ ಅಮೀನ್‌. ಮಾಹಿತಿಯೇ ನೀಡಲ್ಲ ಓಮಿಕ್ರಾನ್‌ ಹಿನ್ನೆಲೆಯಲ್ಲಿ ವಿಮಾನ ನಿಲ್ದಾಣದಲ್ಲಿರುವ ನಾನಾ ಹಂತದ ತಪಾಸಣೆಗಳು ಮತ್ತು ಬೇಕಾದ ದಾಖಲೆಗಳ ಬಗ್ಗೆ ಪ್ರಯಾಣಿಕರಿಗೆ ಸಮರ್ಪಕ ಮಾಹಿತಿ ಸಿಗುತ್ತಿಲ್ಲ. ಏರ್‌ ಟಿಕೆಟ್‌ನಲ್ಲೂ ಈ ಬಗ್ಗೆ ಉಲ್ಲೇಖವಿಲ್ಲದ ಕಾರಣ ನಿಲ್ದಾಣಕ್ಕೆ ತೆರಳಿದ ಬಳಿಕ ಪ್ರಯಾಣಿಕರು ತೊಂದರೆ ಅನುಭವಿಸುತ್ತಿದ್ದಾರೆ. 200 ಮಂದಿಗೆ ಕೇವಲ 3 ಸಿಬ್ಬಂದಿ! ಅಂತಾರಾಷ್ಟ್ರೀಯ ಪ್ರಯಾಣ ಸಂದರ್ಭ ನೆರವು ನೀಡಲು ಕೇವಲ 3ರಿಂದ 4 ಸಿಬ್ಬಂದಿ ಮಾತ್ರ ನಿಯೋಜಿಸಲಾಗುತ್ತಿದೆ. ಕೋವಿಡ್‌ ತಪಾಸಣೆ ಸೇರಿದಂತೆ ನಾನಾ ಪ್ರಕ್ರಿಯೆ ಹೇಳುವ ಜತೆ ಅವರಿಗೆ ಸಹಾಯ ಮಾಡುವಲ್ಲಿ ಈ ತಂಡ ಚೆನ್ನಾಗಿ ಕೆಲಸ ಮಾಡುತ್ತಿದೆ. ಆದರೂ 150ರಿಂದ 200 ಮಂದಿಗೆ 3 ಸಿಬ್ಬಂದಿ ಇರುವುದು ಒತ್ತಡ ಹೆಚ್ಚಿಸುತ್ತದೆ. ತಪಾಸಣೆ ಬಗ್ಗೆ ಮಾಹಿತಿ ನೀಡುವ ಯಾವುದೇ ವ್ಯವಸ್ಥೆ ವಿಮಾನ ನಿಲ್ದಾಣದಲ್ಲಿಲ್ಲ ಎನ್ನುತ್ತಾರೆ ಮಿಥುನ್‌. ದಾಖಲೆಗಳು ನಿಮ್ಮ ಜತೆಯಿರಲಿ
- 48 ಗಂಟೆಯ ಅವಧಿಯೊಳಗೆ ಮಾಡಲಾದ ಆರ್‌ಟಿಪಿಸಿಆರ್‌ ನೆಗೆಟಿವ್‌ ವರದಿ
- ಎರಡು ಲಸಿಕೆ ಪೂರ್ಣಗೊಂಡ ಸರ್ಟಿಫಿಕೆಟ್‌
- ವಿಮಾನ ಟಿಕೆಟ್‌
- ಆಯಾ ದೇಶದ ಅನುಮತಿ ಸಂದೇಶ ಮತ್ತು ಕ್ಯೂಆರ್‌ಕೋಡ್‌
- ಭಾರತೀಯ ನಂಬರ್‌ ಹೊಂದಿರುವ ಮೊಬೈಲ್‌ ಹಾಗೂ ಕೋವಿಡ್‌ ತಪಾಸಣೆಗೆ 3 ಸಾವಿರ ರೂ.
from India & World News in Kannada | VK Polls https://ift.tt/3HszLvh
