ಹೊಸದಿಲ್ಲಿ: ಭಾರತೀಯ ಕ್ರಿಕೆಟ್ನ ಸಾರ್ವಕಾಲಿಕ ಶ್ರೇಷ್ಠ ನಾಯಕ ಹಾಗೂ ಆಲ್ರೌಂಡರ್ಗಳಲ್ಲಿ ಪ್ರಮುಖರಾಗಿರುವ ಕಪಿಲ್ ದೇವ್ ಅವರಿಗೆ ಇಂದು 63ನೇ ಜನುಮ ದಿನದ ಸಂಭ್ರಮ. 1959ರಲ್ಲಿ ಇದೇ ದಿನದಂದು ಚಂಡೀಗಢದಲ್ಲಿ ಜನಿಸಿದ್ದ 1983ರಲ್ಲಿ ತಮ್ಮ ನಾಯಕತ್ವದಲ್ಲಿ ಭಾರತಕ್ಕೆ ಚೊಚ್ಚಲ ವಿಶ್ವಕಪ್ ತಂದುಕೊಟ್ಟಿದ್ದರು. ಮಧ್ಯಮ ವೇಗಿ ಹಾಗೂ ಹಾರ್ಡ್ ಹಿಟ್ಟಿಂಗ್ ಬ್ಯಾಟ್ಸ್ಮನ್ ಆಗಿದ್ದ ಕಪಿಲ್ ದೇವ್ ಸಾಕಷ್ಟು ಪಂದ್ಯಗಳಲ್ಲಿ ಭಾರತ ತಂಡವನ್ನು ಗೆಲ್ಲಿಸಿದ್ದಾರೆ. ಅದರಲ್ಲೂ ವಿಶೇಷವಾಗಿ ಭಾರತಕ್ಕೆ ಮೊಟ್ಟ ಮೊದಲ ವಿಶ್ವಕಪ್ ತಂದುಕೊಟ್ಟ ಮೊದಲ ಭಾರತೀಯ ನಾಯಕ ಹಾಗೂ ವಿಶ್ವಕಪ್ ಗೆದ್ದ ಅತ್ಯಂತ ಕಿರಿಯ ನಾಯಕ ಎಂಬ ಕೀರ್ತಿಗೂ ಕಪಿಲ್ ದೇವ್ ಭಾಜನರಾಗಿದ್ದಾರೆ. ತಮ್ಮ ನಾಯಕತ್ವದಲ್ಲಿ ಭಾರತ ವಿಶ್ವಕಪ್ ಗೆದ್ದಾಗ ಕಪಿಲ್ ದೇವ್ ಅವರ ವಯಸ್ಸು ಕೇವಲ 24 ಆಗಿತ್ತು. ಕ್ರಿಕೆಟ್ ಸಾಧನೆಗೆ 2002ರಲ್ಲಿ 'ವಿಸ್ಡನ್ ಆಫ್ ದಿ ಸೆಂಚುರಿ' ಎಂಬ ಕೀರ್ತಿಗೆ ಕಪಿಲ್ ದೇವ್ ಪಾತ್ರರಾಗಿದ್ದರು. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡರಲ್ಲೂ ಹಲವು ಬಾರಿ ನಿರ್ಣಾಯಕ ಪ್ರದರ್ಶನ ತೋರಿರುವ ಕಪಿಲ್ ದೇವ್ ಹಲವು ದಾಖಲೆಗಳನ್ನು ಬರೆದಿದ್ದಾರೆ. 1994ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳುವ ಸಮಯದಲ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ದಾಖಲೆ ಕಪಿಲ್ ದೇವ್ ಹೆಸರಿನಲ್ಲಿಯೇ ಇತ್ತು. ನಂತರ, 2000ರಲ್ಲಿ ಕಪಿಲ್ ದೇವ್ ಅವರ ಈ ದಾಖಲೆಯನ್ನು ಕರ್ಟ್ನಿ ವಾಲ್ಷ್ ಮುರಿದಿದ್ದರು. ತಮ್ಮ ಕ್ರಿಕೆಟ್ ದಿನಗಳಲ್ಲಿ ಟೆಸ್ಟ್ ಹಾಗೂ ಓಡಿಐ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಕಬಳಿಸಿದ್ದ ಭಾರತೀಯ ಆಟಗಾರರಾಗಿದ್ದರು. 200 ಓಡಿಐ ವಿಕೆಟ್ಗಳನ್ನು ಕಬಳಿಸಿದ ಮೊದಲ ಆಟಗಾರ ಎಂಬ ಸಾಧನೆ ಕೂಡ ಕಪಿಲ್ ಹೆಸರಿನಲ್ಲಿದೆ. ಅಷ್ಟೇ ಅಲ್ಲದೆ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿಯೇ 400ಕ್ಕೂ ಹೆಚ್ಚು ವಿಕೆಟ್ ಹಾಗೂ 5000ಕ್ಕೂ ಹೆಚ್ಚಿನ ರನ್ ಗಳಿಸಿದ ಮೊದಲ ಆಟಗಾರರಾಗಿದ್ದಾರೆ. ಆ ಮೂಲಕ ವಿಶ್ವ ಕ್ರಿಕೆಟ್ನಲ್ಲಿ ಶ್ರೇಷ್ಠ ಆಲ್ರೌಂಡರ್ಗಳಲ್ಲಿ ಕಪಿಲ್ ದೇವ್ ಒಬ್ಬರಾಗಿದ್ದಾರೆ. ತಮ್ಮ ಟೆಸ್ಟ್ ಕ್ರಿಕೆಟ್ ವೃತ್ತಿ ಜೀವನದಲ್ಲಿ 131 ಟೆಸ್ಟ್ ಪಂದ್ಯಗಳಾಡಿರುವ ಕಪಿಲ್ ದೇವ್ 31.1ರ ಸರಾಸರಿಯಲ್ಲಿ 5248 ರನ್ ಹಾಗೂ 434 ವಿಕೆಟ್ಗಳನ್ನು ಕಬಳಿಸಿದ್ದಾರೆ ಹಾಗೂ ಓಡಿಐ ವೃತ್ತಿ ಬದುಕಿನಲ್ಲಿ 225 ಪಂದ್ಯಗಳಿಂದ 23.8 ರ ಸರಾಸರಿಯಲ್ಲಿ 3783 ರನ್ ಮತ್ತು 253 ವಿಕೆಟ್ಗಳನ್ನು ಪಡೆದುಕೊಂಡಿದ್ದಾರೆ. ಒಟ್ಟಾರೆ ಎಲ್ಲಾ ಸ್ವರೂಪದಲ್ಲಿಯೂ ಅವರು 9 ಸೆಂಚುರಿ ಹಾಗೂ 41 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. ಆ ಮೂಲಕ ಭಾರತೀಯ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3F1ay9s
