ತಿರುವನಂತಪುರ: ಕೇರಳದಲ್ಲಿ ತೆಂಗಿನಕಾಯಿ ಬೆಲೆ ಸರಕಾರ ನಿಗದಿ ಪಡಿಸಿದ ಬೆಂಬಲ ಬೆಲೆಗಿಂತ ಕಡಿಮೆಯಾದ ಹಿನ್ನೆಲೆಯಲ್ಲಿ ರಾಜ್ಯ ಸರಕಾರ ಕೇರಫೆಡ್, ತೆಂಗು ಅಭಿವೃದ್ಧಿ ನಿಗಮದ ಮೂಲಕ ಹಸಿ ತೆಂಗಿನಕಾಯಿ ಸಂಗ್ರಹಕ್ಕೆ ಬುಧವಾರ ಚಾಲನೆ ನೀಡಿದ್ದರೂ ತೆಂಗು ಬೆಳೆಗಾರರು ಈ ಕುರಿತು ಮಾಹಿತಿ ವಿಚಾರಿಸಿದ್ದಲ್ಲದೆ ಹಸಿ ತೆಂಗಿನಕಾಯಿ ಮಾರಾಟಕ್ಕೆ ಮುಂದಾಗಿಲ್ಲ. ರಾಜ್ಯದ ಏಳು ಜಿಲ್ಲೆಗಳ ಆಯಾ ಕೇರ ಫೆಡ್ ಸಂಗ್ರಹ ಕೇಂದ್ರಗಳಲ್ಲಿ ಹಸಿ ತೆಂಗಿನಕಾಯಿ ಸಂಗ್ರಹಿಸಲು ರಾಜ್ಯ ಸರಕಾರ ತೀರ್ಮಾನಿಸಿತ್ತು. ಅದರಂತೆ ಖರೀದಿ ಪ್ರಕ್ರಿಯೆಗೆ ಚಾಲನೆ ನೀಡಿದ್ದರೂ ಕಳೆದೆರಡು ದಿನಗಳಲ್ಲಿ ಹಸಿ ತೆಂಗಿನಕಾಯಿಯೊಂದಿಗೆ ಈ ಕೇಂದ್ರಗಳಿಗೆ ಯಾರೂ ತಲುಪಿಲ್ಲ. ಆದರೆ ಬಹುತೇಕ ಬೆಳೆಗಾರರು ತೆಂಗಿನಕಾಯಿ ಸಂಗ್ರಹ ಬಗೆಗಿನ ಮಾಹಿತಿಯನ್ನು ವಿಚಾರಿಸಿದ್ದಾರೆ. ಅಲ್ಲದೆ ಸಂಗ್ರಹಣೆ ಕೇಂದ್ರಗಳ ಫೋನ್ ಸಂಖ್ಯೆ ಸೇರಿದಂತೆ ಮಾಹಿತಿಗಳು ಬೆಳೆಗಾರರ ನಡುವೆ ವ್ಯಾಪಕವಾಗಿ ಹರಿದಾಡಿವೆ. ಸಂಗ್ರಹ ಕೇಂದ್ರಗಳ ಹೆಚ್ಚಳಕ್ಕೆ ತೀರ್ಮಾನಕಾಸರಗೋಡು, ಕಣ್ಣೂರು, ಕೋಝಿಕ್ಕೋಡ್, ಮಲಪ್ಪುರಂ, ತ್ರಿಶೂರ್, ಕೊಲ್ಲಂ, ತಿರುವನಂತಪುರ ಜಿಲ್ಲೆಗಳ ಕೇರಫೆಡ್ ಕೇಂದ್ರಗಳಲ್ಲಿ ಹಸಿ ತೆಂಗಿನಕಾಯಿ ಸಂಗ್ರಹ ಆರಂಭಿಸಲು ನಿರ್ಧರಿಸಲಾಗಿತ್ತು.ಆದರೆ ಎಲ್ಲಾ ಜಿಲ್ಲೆಗಳಲ್ಲಿ ಸಂಗ್ರಹಣೆಗೆ ಆರಂಭಿಸಿದರೆ ಮಾತ್ರ ಬೆಳೆಗಾರರಿಗೆ ಅನುಕೂಲವಾಗಲಿದೆ ಎಂಬ ಅಭಿಪ್ರಾಯ ಬೆಳೆಗಾರರ ವಲಯದಲ್ಲಿ ವ್ಯಕ್ತವಾಗಿದೆ.ಕೇವಲ ಒಂದು ಕೇಂದ್ರದಲ್ಲಿ ಮಾತ್ರ ಸಂಗ್ರಹ ಆರಂಭಿಸಿದರೆ ಆಸುಪಾಸಿನ ಬೆಳೆಗಾರರಿಗೆ ಅನುಕೂಲವಾದರೂ ದೂರದ ಬೆಳೆಗಾರರಿಗೆ ಪ್ರಯೋಜನ ಲಭಿಸದು. ಈ ಹಿನ್ನೆಲೆಯಲ್ಲಿ ಮುಂದಿನ ವಾರದಿಂದ ಹೆಚ್ಚು ಸಂಗ್ರಹಣೆ ಕೇಂದ್ರಗಳನ್ನು ತೆರೆಯುವ ಬಗ್ಗೆ ಪರಿಗಣಿಸುವುದಾಗಿ ಕೇರ್ಫೆಡ್ ವ್ಯವಸ್ಥಾಪಕ ನಿರ್ದೇಶಕ ಆರ್.ಅಶೋಕ್ ತಿಳಿಸಿದ್ದಾರೆ. ಸಹಕಾರಿ ಸಂಘಗಳು, ತೆಂಗಿನಕಾಯಿ ಉತ್ಪನ್ನ ತಯಾರೀ ಕಂಪನಿಗಳ ಮೂಲಕ ಹೆಚ್ಚಿನ ಪ್ರಮಾಣದಲ್ಲಿ ತೆಂಗಿನಕಾಯಿ ಸಂಗ್ರಹಿಸುವ ಯೋಜನೆ ಇರಿಸಲಾಗಿದೆ. ಹಸಿ ತೆಂಗಿನಕಾಯಿ ಕೆಜಿಗೆ 32 ರೂ.ಗಿಂತ ಕಡಿಮೆಯಿರುವ ಎಲ್ಲಾ ಜಿಲ್ಲೆಗಳಲ್ಲಿ ಮುಂದಿನ ವಾರದೊಳಗೆ ಸಂಗ್ರಹ ವ್ಯವಸ್ಥೆ ಆರಂಭಿಸಲು ತೀರ್ಮಾನಿಸಲಾಗಿದೆ. ಉಂಡೆ ಕೊಬ್ಬರಿ ಬೆಲೆಯಲ್ಲೂ ಕುಸಿತಹಸಿ ತೆಂಗಿನಕಾಯಿ, ಕೊಬ್ಬರಿ ಬೆಲೆ ಕುಸಿದಿದ್ದರೂ ಉಂಡೆ ಕೊಬ್ಬರಿ, ಗೋಟು ತೆಂಗಿನಕಾಯಿ ಬೆಲೆ ದೊಡ್ಡ ಮಟ್ಟಿಗೆ ಕುಸಿಯದೆ ಸ್ಥಿರವಾಗಿದ್ದು ತೆಂಗು ಬೆಳೆಗಾರರು ಸಮಾಧಾನ ಪಟ್ಟಿದ್ದರು. ಆದರೆ ಕಳೆದ ಒಂದು ವಾರದಲ್ಲಿ ಉಂಡೆ ಕೊಬ್ಬರಿ ಬೆಲೆ ಕ್ವಿಂಟಾಲ್ ಗೆ 1,750ರೂ.ಮತ್ತು ಗೋಟು ತೆಂಗಿನಕಾಯಿ ಬೆಲೆ 1,000 ರೂ. ಕುಸಿದಿದೆ. ಪ್ರತಿ ಕ್ವಿಂಟಾಲ್ ಗೆ 17,500 ರೂ. ವರೆಗೆ ಖರೀದಿಯಾಗಿದ್ದ ಉಂಡೆ ಕೊಬ್ಬರಿ ಬೆಲೆ ಇದೀಗ 15,750ರೂ. ಹಾಗೂ ಗೋಟು ತೆಂಗಿನಕಾಯಿ ಬೆಲೆ 13,000ದಿಂದ 12,000ಕ್ಕೆ ಇಳಿದಿದೆ.
from India & World News in Kannada | VK Polls https://ift.tt/34lYx1M
