ಲಖನೌ (ಉತ್ತರ ಪ್ರದೇಶ): ಕೆಲ ವರ್ಷಗಳ ಹಿಂದೆ ಉತ್ತರ ಪ್ರದೇಶದಲ್ಲಿ , ತಮ್ಮದೇ ಆಟ ಆಡುತ್ತಿದ್ದರು. ಆದರೆ, ಯೋಗಿ ಆದಿತ್ಯನಾಥ್‌ ಅವರು ಆದ ಬಳಿಕ ಅಪರಾಧಿಗಳ ಜತೆಗೆ ಜೈಲಿನ ಆಟ ಆಡುತ್ತಿದ್ದಾರೆ ಎಂದು ಹೇಳಿದ್ದಾರೆ. ಮೀರತ್‌ ಜಿಲ್ಲೆಯ ಸರ್ಧಾನ ಪಟ್ಟಣದ ಹೊರ ವಲಯದಲ್ಲಿ ಮೇಜರ್‌ ಧ್ಯಾನ್‌ಚಂದ್‌ ಕ್ರೀಡಾ ವಿಶ್ವ ವಿದ್ಯಾಲಯ ನಿರ್ಮಾಣಕ್ಕೆ ಶಂಕುಸ್ಥಾಪನೆ ನೆರವೇರಿಸಿದ ಬಳಿಕ ಮಾತನಾಡಿದ ಮೋದಿ ಅವರು, ಎಸ್‌ಪಿ ಹಾಗೂ ಕಾಂಗ್ರೆಸ್‌ ಆಡಳಿತ ಕಾರ್ಯಶೈಲಿಯನ್ನು ಕುಟುಕಿದರು. 'ಬಿಜೆಪಿಯೇತರ ಪಕ್ಷಗಳು ರಾಜ್ಯದಲ್ಲಿ ಸರಕಾರ ರಚಿಸಿದಾಗ ಅಕ್ರಮ ದಂಧೆಗಳ ಪೈಕಿ ಭೂ ಕಬಳಿಕೆ ಭಾರಿ ಪ್ರಮಾಣದಲ್ಲಿ ನಡೆದಿದೆ. ಹೆಣ್ಣು ಮಕ್ಕಳ ಬಗ್ಗೆ ಅವಾಚ್ಯ ಶಬ್ದ ಬಳಕೆ ಮಾಡುವಂಥವರು ಪೊಲೀಸರ ಭಯವಿಲ್ಲದೇ ಆರಾಮಾಗಿ ಓಡಾಡಿಕೊಂಡಿದ್ದರು. ಮೀರತ್‌ ಸುತ್ತಮುತ್ತಲ ಜನರಿಗೆ ಅವರ ಮನೆಗಳ ಮೇಲೆ ನಡೆಸಲಾಗುತ್ತಿದ್ದ ದಾಳಿಯ ನೆನಪು ಇನ್ನೂ ಮಾಸಿಲ್ಲ. ಆದರೆ ಸಿಎಂ ಯೋಗಿ ಆದಿತ್ಯನಾಥ್‌ ಅವರು ಕಳೆದ ಐದು ವರ್ಷಗಳಲ್ಲಿ ಹೆಣ್ಣು ಮಕ್ಕಳು ಸಂಜೆ ವೇಳೆ ಧೈರ್ಯವಾಗಿ ಮನೆಗಳಿಂದ ಹೊರಕ್ಕೆ ಹೋಗುವಂತಹ ಸುರಕ್ಷಿತ ವಾತಾವರಣವನ್ನು ಕಲ್ಪಿಸಿದ್ದಾರೆ. ಹದಗೆಟ್ಟಿದ್ದ ಕಾನೂನು ವ್ಯವಸ್ಥೆ ಸುಧಾರಣೆ ಮಾಡಿದ್ದಾರೆ. ಹಿಂದಿನ ಸರಕಾರಗಳಲ್ಲಿ ಯುವಕರು ಅಪರಾಧ ಎಸಗಿದರೆ, ಗಂಡು ಮಕ್ಕಳು ತಪ್ಪು ಮಾಡುವುದು ಸಾಮಾನ್ಯ ಎಂದು ಆಡಳಿತಾರೂಢ ಪಕ್ಷದ ನಾಯಕರೇ ಸಮರ್ಥನೆ ಮಾಡಿಕೊಳ್ಳುತ್ತಿದ್ದರು. ಅವೆಲ್ಲಕ್ಕೂ ಸಿಎಂ ಯೋಗಿ ಅಂಕುಶ ಹಾಕಿದ್ದಾರೆ' ಎಂದು ಮೋದಿ ಅವರು ಪರೋಕ್ಷವಾಗಿ ಎಸ್‌ಪಿ ವರಿಷ್ಠ ಮುಲಾಯಂ ಸಿಂಗ್‌ ಯಾದವ್‌ ಅವರ ಕೆಲ ವರ್ಷಗಳ ಹಿಂದಿನ ವಿವಾದಿತ ಹೇಳಿಕೆಗೆ ಕುಟುಕಿದರು. ಮೀರತ್‌ನ ಕುಖ್ಯಾತ ಸೊಟಿಗಂಜ್‌ ಮಾರ್ಕೆಟ್‌ನಲ್ಲಿ ಕಳ್ಳತನ ಮಾಡಲಾದ ಕಾರುಗಳ ಬಿಡಿ ಭಾಗಗಳನ್ನು ಮಾರಾಟ ಮಾಡುವ ದೊಡ್ಡ ಜಾಲವೇ ಇತ್ತು. ಅದಕ್ಕೆ ಅಂತ್ಯ ಹಾಡುವ ಮೂಲಕ ಇನ್ಮುಂದೆ ಕ್ರೀಡಾ ವಿವಿಯಲ್ಲಿ ಯುವ ಸಮುದಾಯ ಭಾಗಿಯಾಗುವಂತೆ ಸಿಎಂ ಯೋಗಿ ಮಾಡಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಪ್ರತಿ ವರ್ಷ ಮೀರತ್‌ನ ಕ್ರೀಡಾ ವಿವಿಯಿಂದ ಒಟ್ಟಾರೆ 1 ಸಾವಿರ ಯುವಕರು ಮತ್ತು ಯುವತಿಯರು ದೇಶದ ಕೀರ್ತಿ ಎತ್ತಿ ಹಿಡಿಯುವ ನುರಿತ ಕ್ರೀಡಾಳುಗಳಾಗಿ ಹೊರ ಬರಲಿದ್ದಾರೆ ಎಂಬ ವಿಶ್ವಾಸವನ್ನು ಮೋದಿ ವ್ಯಕ್ತಪಡಿಸಿದ್ದಾರೆ. 700 ಕೋಟಿ ರೂ. ವೆಚ್ಚದಲ್ಲಿ ಸರ್ಧಾನದ ಸಾಲಾವ ಮತ್ತು ಕೈಲಿ ಗ್ರಾಮಗಳಲ್ಲಿ ಕ್ರೀಡಾ ವಿಶ್ವ ವಿದ್ಯಾಲಯವು ಅಂತಾರಾಷ್ಟ್ರೀಯ ಗುಣಮಟ್ಟದ ವಿಶೇಷತೆಗಳೊಂದಿಗೆ ನಿರ್ಮಾಣಗೊಳ್ಳಲಿದೆ. ಸಿಂಥೆಟಿಕ್‌ ಹಾಕಿ ಕ್ರೀಡಾಂಗಣ, ಫುಟ್ಬಾಲ್‌, ಬ್ಯಾಸ್ಕೆಟ್‌ಬಾಲ್‌, ಹ್ಯಾಂಡ್‌ಬಾಲ್‌, ಕಬಡ್ಡಿ, ಲಾನ್‌ ಟೆನ್ನಿಸ್‌ ಕೋರ್ಟ್‌, ಜಿಮ್ನೇಷಿಯಂ ಹಾಲ್‌, ಸ್ವಿಮ್ಮಿಂಗ್‌ ಪೂಲ್‌, ಸೈಕ್ಲಿಂಗ್‌ ವೆಲೊಡ್ರೋಮ್‌, ಶೂಟಿಂಗ್‌, ವೇಟ್‌ಲಿಫ್ಟಿಂಗ್‌ ಸೌಲಭ್ಯಗಳು ವಿವಿಯಲ್ಲಿ ನಿರ್ಮಾಣಗೊಳ್ಳಲಿವೆ. ಮೋದಿ ಜಿಮ್‌ ಕಸರತ್ತು ಶಂಕುಸ್ಥಾಪನೆ ನೆರವೇರಿಸಿದ ಬಳಿಕ ಕ್ರೀಡಾ ವಿವಿಯ ಆವರಣದಲ್ಲಿ ನಿರ್ಮಾಣಗೊಂಡಿರುವ ಜಿಮ್‌ ವೀಕ್ಷಣೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಉತ್ತರ ಪ್ರದೇಶ ಡಿಸಿಎಂ ಕೇಶವ್‌ ಪ್ರಸಾದ್‌ ಮೌರ್ಯ ಅವರ ಜತೆಗೆ ಭೇಟಿ ನೀಡಿದರು. ಈ ವೇಳೆ ಜಿಮ್‌ ತರಬೇತುದಾರರ ಬಳಿ ಅವರು ವ್ಯಾಯಾಮ ಕಸರತ್ತಿನ ಜಿಮ್‌ ಸಾಧನವೊಂದರ ಬಗ್ಗೆ ವಿಚಾರಿಸಿ, ಸಾಧನದಲ್ಲಿ ಕುಳಿತು ವ್ಯಾಯಾಮ ಕೂಡ ಮಾಡಿದರು. ಮೋದಿ ಅವರ ಜಿಮ್‌ ಕಸರತ್ತಿನ ಈ ವಿಡಿಯೋ ಭಾರಿ ವೈರಲ್‌ ಆಗಿದೆ.
from India & World News in Kannada | VK Polls https://ift.tt/3495Z05
