ಅಗರ್ತಲಾ: ಮಾರಕ ಕೊರೊನಾ ವೈರಸ್ ಹರಡುವಿಕೆ ಪ್ರಮಾಣ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಬೆನ್ನಲ್ಲೇ, ದೇಶದ ಸಣ್ಣ ರಾಜ್ಯಗಳು ಗಮನಾರ್ಹ ಸಾಧನೆ ಮಾಡುತ್ತಿರುವುದು ಸಕಾರಾತ್ಮಕ ಬೆಳೆವಣಿಗೆಯಾಗಿದೆ. ಕೊರೊನಾ ವೈರಸ್ ಮುಕ್ತವಾಗಿರುವುದಾಗಿ ಈಗಾಗಲೇ ಗೋವಾ ರಾಜ್ಯ ಘೋಷಿಸಿದ್ದು,ಇದೀಗ ಮುಖ್ಯಮಂತ್ರಿ ಕೂಡ ರಾಜ್ಯ ಸಂಪೂರ್ಣವಾಗಿ ಕೊರೊನಾ ವೈರಸ್ ಮುಕ್ತವಾಗಿದೆ ಎಂದು ಘೋಷಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಬಿಪ್ಲಬ್ ಕುಮಾರ್, ತಾಯಿ ತ್ರಿಪುರಸುಂದರಿಯ ಆಶೀರ್ವಾದ ಹಾಗೂ ಪ್ರಧಾನಿ ಮೋದಿ ಅವರ ಸೂಕ್ತ ಮಾರ್ಗದರ್ಶನದ ಪರಿಣಾಮವಾಗಿ ತ್ರಿಪುರಾ ಕೊರೊನಾ ವೈರಸ್ ಮುಕ್ತವಾಗಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ. ಇಡೀ ರಾಜ್ಯದಲ್ಲಿ ಎರಡೇ ಕೊರೊನಾ ವೈರಸ್ ಪಾಸಿಟಿವ್ ಪ್ರಕರಣ ದಾಖಲಾಗಿದ್ದವು. ಇದೀಗ ಎರಡೂ ಪ್ರಕರಣಗಳಲ್ಲಿ ನೆಗೆಟಿವ್ ಫಲಿತಾಂಶ ಬಂದಿದ್ದು, ಈ ಹಿನ್ನೆಲೆಯಲ್ಲಿ ರಾಜ್ಯವನ್ನು ಕೊರೊನಾ ವೈರಸ್ ಮುಕ್ತ ಎಂದು ಘೋಷಿಸುತ್ತಿರುವುದಾಗಿ ಬಿಪ್ಲಬ್ ಕುಮಾರ್ ಸ್ಪಷ್ಟಪಡಿಸಿದ್ದಾರೆ. ಅದಾಗ್ಯೂ ವವೈರಾಣು ಪ್ರಸರಣದ ಮೇಲೆ ತೀವ್ರ ನಿಗಾ ಇರಿಸಲಾಗಿದ್ದು, ಕೇಂದ್ರ ಸರ್ಕಾರದ ಮಾರ್ಗಸೂಚಿಗಳನ್ನು ಪಾಲಿಸುವ ಮೂಲಕ ವೈರಸ್ ಮತ್ತೆ ದಾಳಿ ಮಾಡದಂತೆ ನೋಡಿಕೊಳ್ಳಲಾಗುವುದು ಎಂದು ಬಿಪ್ಲಬ್ ಭರವಸೆ ನೀಡಿದ್ದಾರೆ. ಸದ್ಯ ಕೊರೊನಾ ವೈರಸ್‌ನಿಂದ ತ್ರಿಪುರಾ ಮುಕ್ತವಾಗಿದ್ದು, ಶೀಘ್ರದಲ್ಲೇ ಇಡೀ ದೇಶ ಈ ಮಾರಕ ವೈರಾಣುವಿನಿಂದ ಮುಕ್ತವಾಗಲಿ ಎಂದು ಮುಖ್ಯಮಂತ್ರಿ ಬಿಪ್ಲಬ್ ಕುಮಾರ್ ಪ್ರಾರ್ಥಿಸಿದ್ದಾರೆ.
from India & World News in Kannada | VK Polls https://ift.tt/3eLMQlH
