ಬೆಂಗಳೂರು: ಲಾಕ್‌ ಡೌನ್‌ ದಿನಗಳಲ್ಲಿ ಕುಟುಂಬದವರೊಟ್ಟಿಗೆ ಅದ್ಭುತ ಸಮಯ ಕಳೆಯುತ್ತಿರುವ ತಂಡದ ಸ್ಟಾರ್ ಓಪನರ್‌ , ತಮ್ಮ ಟಿಕ್‌ ಟಾಕ್‌ ವಿಡಿಯೋಗಳ ಮೂಲಕ ಅಭಿಮಾನಿಗಳಿಗೆ ಭರಪೂರ ಮನೋರಂಜನೆ ನೀಡುತ್ತಿದ್ದಾರೆ. ಇದೇ ತಿಂಗಳು ಅಧಿಕೃತವಾಗಿ ಟಿಕ್‌ಟಾಕ್‌ ಸೋಷಿಯಲ್‌ ಮೀಡಿಯಾ ಆಪ್‌ಗೆ ಪದಾರ್ಪಣೆ ಮಾಡಿದ್ದ ಎಡಗೈ ಬ್ಯಾಟ್ಸ್‌ಮನ್ ವಾರ್ನರ್‌, ತಮ್ಮ ಸೃಜನಶೀಲತೆಯನ್ನು ನಾನಾ ರೀತಿಯಲ್ಲಿ ಅನಾವರಣ ಪಡಿಸುವ ಮೂಲಕ ಅಭಿಮಾನಿಗಳ ಮನಸ್ಸಿಗೆ ಮತ್ತಷ್ಟು ಹತ್ತಿರವಾಗಿದ್ದಾರೆ. ಇನ್ನು ಐಪಿಎಲ್‌ನಲ್ಲಿ ತಮ್ಮ ನಾಯಕತ್ವದ ಸನ್‌ರೈಸರ್ಸ್‌ ಹೈದರಾಬಾದ್‌ ತಂಡದ ಅಭಿಮಾನಿಗಳ ಸಲುವಾಗಿ ವಾರ್ನರ್‌ ತೆಲುಗಿನ ಜನಪ್ರಿಯ ನಟ ಅಲ್ಲು ಅರ್ಜುನ್‌ ಮತ್ತು ಕನ್ನಡತಿ ಪೂಜಾ ಹೆಗ್ಡೆ ನಟಿಸಿರುವ ಅಲಾ ವೈಕುಂಠಪುರಮುಲೋ ಸಿನಿಮಾದ ಫೇಮಸ್‌ ಹಾಡು ''ಗೆ ಸಖತ್‌ ಸ್ಟೆಪ್‌ ಹಾಕಿ ಮಿಂಚಿದ್ದಾರೆ. ಪತ್ನಿ ಮತ್ತು ಮಗಳು ಐವೀ ವಾರ್ನರ್‌ ಕೂಡ ಡೇವಿಡ್‌ ಜೊತೆ ಕೈಜೋಡಿಸಿದ್ದಾರೆ. "ಈಗ ಟಿಕ್‌ ಟಾಕ್‌ ಟೈಮ್‌. ನಿಮ್ಮ ಕಂಫರ್ಟ್‌ ವಲಯದಿಂದ ಹೊರಗೆ ಬನ್ನಿ. ಕ್ಯಾಂಡೀಸ್‌ ವಾರ್ನರ್‌," ಎಂದು ಸಂದೇಶ ಬರೆಯುವುದರೊಂದಿಗೆ 'ಬುಟ್ಟ ಬೊಮ್ಮ' ಹಾಡಿಗೆ ಸ್ಟೆಪ್‌ ಹಾಕಿರುವ ಟಿಕ್‌ಟಾಕ್‌ ವಿಡಿಯೋವನ್ನು ವಾರ್ನರ್‌ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆ ಮೂಲಕ ಹಂಚಿಕೊಂಡಿದ್ದಾರೆ. ಪತ್ನಿ ಕ್ಯಾಂಡೀಸ್‌ ವಾರ್ನರ್‌ ಕೂಡ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಅದೇ ವಿಡಿಯೋವನ್ನು ಶೇರ್‌ ಮಾಡಿದ್ದಾರೆ. ಇದಕ್ಕೂ ಮುನ್ನ ವಾರ್ನರ್‌ ಮತ್ತೊಂದು ವಿಡಿಯೋ ಹಂಚಿಕೊಂಡಿದ್ದರು. ಅದರಲ್ಲಿ ಸ್ಮಿಮ್‌ ಸೂಟ್‌ ತೊಟ್ಟು, ಪತ್ನಿಗೆ ತಮ್ಮ ಕ್ರಿಕೆಟ್ ಸಮವಸ್ತ್ರ ತೊಡಿಸಿ ಪಾತ್ರ ಬದಲಾವಣೆಯನ್ನು ಪ್ರದರ್ಶಿಸಿದ್ದರು. ಇನ್ನು ಮುದ್ದಿನ ಮಗಳು ಐವೀ ಸಲುವಾಗಿಯೇ ಟಿಕ್‌ಟಾಕ್‌ಗೆ ಕಾಲಿಟ್ಟಿರುವ ವಾರ್ನರ್‌, ಮಗಳೊಟ್ಟಿಗೆ ಕಟ್ರೀನಾ ಕೈಫ್‌ ಅವರ ಸೂಪರ್‌ ಹಿಟ್‌ 'ಶೀಲಾ ಕಿ ಜವಾನಿ' ಹಾಡಿಗೆ ಸ್ಟೆಪ್‌ ಹಾಕಿ ಅಭಿಮಾನಿಗಳಿಂದ ಮೆಚ್ಚುಗೆ ಗಿಟ್ಟಿಸಿದ್ದರು. ಇನ್ನು ಎಲ್ಲವೂ ಸರಿಯಿದಿದ್ದರೆ ಈ ಹೊತ್ತಿಗೆ ಐಪಿಎಲ್‌ 2020 ಟೂರ್ನಿಯಲ್ಲಿ ಡೇವಿಡ್‌ ವಾರ್ನರ್‌, ಸನ್‌ರೈಸರ್ಸ್‌ ಹೈದರಾಬಾದ್‌ ತಂಡವನ್ನು ಮುನ್ನಡೆಸುತ್ತಿದ್ದರು. ಆದರೆ, ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿ ಮಾರ್ಚ್‌ 29ಕ್ಕೆ ಶುರುವಾಗಬೇಕಿದ್ದ ಟೂರ್ನಿಯನ್ನು ಮುಂದಿನ ಆದೇಶದವರೆಗೆ ರದ್ದು ಪಡಿಸಲಾಗಿದೆ. ಪರಿಸ್ಥಿತಿ ಸುಧಾರಿಸಿ ಸುರಕ್ಷಿತ ವಾತಾವರಣ ನಿರ್ಮಾಣವಾದ ಬಳಿಕವಷ್ಟೇ ಟೂರ್ನಿ ಆಯೋಜಿಸಲಾಗುವುದು ಎಂದು ಬಿಸಿಸಿಐ ಹೇಳಿಕೆ ನೀಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3f7Fl8Q
