Daily News in Kannda: ಮುಂಗಾರಿನಲ್ಲಿ ರೈತರಿಗೆ ವಂಚಿಸಲು ಸಂಚು ಹೂಡಿರುವ ಆಂಧ್ರದ ನಕಲಿ ಬಿತ್ತನೆ ಬೀಜ ಜಾಲ!

ಮುಂಗಾರಿನಲ್ಲಿ ರೈತರಿಗೆ ವಂಚಿಸಲು ಸಂಚು ಹೂಡಿರುವ ಆಂಧ್ರದ ನಕಲಿ ಬಿತ್ತನೆ ಬೀಜ ಜಾಲ!

- ಯಮನಪ್ಪ ಪವಾರ, ಬಳ್ಳಾರಿ ಬೆಂಗಳೂರು: ರಾಜ್ಯದ ನಾನಾ ಕಡೆ ನಡೆದ ದಾಳಿ ಬಳಿಕ ಮೂಲ ಕೆದಕಿದ ಅಧಿಕಾರಿಗಳಿಗೆ ಆಂಧ್ರದಿಂದ ರಾಜ್ಯಕ್ಕೆ ಹಬ್ಬಿರುವುದು ಖಚಿತವಾಗಿದ್ದು, ಇವರೊಂದಿಗೆ ಸ್ಥಳೀಯ ಪ್ರಭಾವಿ ವರ್ತಕರು ಶಾಮೀಲಾಗಿರುವುದು ಪತ್ತೆಯಾಗಿದೆ. ಪ್ರತಿಷ್ಠಿತ ಕಂಪನಿಗಳ ದುಬಾರಿ ಬೆಲೆಯ ಬಿತ್ತನೆ ಬೀಜಗಳೆಂದು ನಂಬಿಸಿ ಅದರಲ್ಲಿ ನಕಲಿ ಬೀಜ ತುಂಬಿ ಕೋಟ್ಯಂತರ ರೂ.ಲಾಭ ಗಳಿಸುವುದು ಈ ಜಾಲದ ಹುನ್ನಾರವಾಗಿತ್ತು. ಕಳೆದೊಂದು ವಾರದಲ್ಲಿ ಮಿಂಚಿನ ಕಾರ್ಯಾಚರಣೆ ನಡೆಸಿದ ನಾನಾ ಜಿಲ್ಲೆಗಳ ಅಧಿಕಾರಿಗಳ ತಂಡದಿಂದ ಏ.26ರವರೆಗಿನ ಲೆಕ್ಕದಂತೆ 8,500 ಕ್ವಿಂಟಲ್‌ ನಕಲಿ ಪತ್ತೆಯಾಗಿದೆ. ಬೀಜೋಪಚಾರ ಮಾಡಿದ ನಂತರ ವಿತರಣೆಗೆ ಸಜ್ಜುಗೊಳಿಸಿದ ನೂರಾರು ನಕಲಿ ಬಿತ್ತನೆ ಬೀಜಗಳಾಗಿವೆ. ಈವರೆಗೆ 10 ಕೇಸ್‌ ದಾಖಲಿಸಲಾಗಿದ್ದು, ಈ ಮಾಫಿಯಾದಲ್ಲಿ ಭಾಗಿಯಾಗಿದ 72 ಆರೋಪಿಗಳ ಮೇಲೆ ಪ್ರಕರಣ ದಾಖಲಿಸಲಾಗಿದೆ. ಸಚಿವ ಬಿ.ಸಿ. ಪಾಟೀಲ್‌ ಅವರ ತವರು ಜಿಲ್ಲೆ ಹಾವೇರಿಯಲ್ಲೇ 7389.05 ಕ್ವಿಂಟಾಲ್‌ ವಶಪಡಿಸಿಕೊಳ್ಳಲಾಗಿದೆ. ಮೆಕ್ಕೆಜೋಳ ಬಿತ್ತನೆ ಬೀಜವನ್ನು ಕೋಲ್ಡ್‌ ಸ್ಟೋರೇಜ್‌ನಲ್ಲಿಇಡುವುದಿಲ್ಲ. ದಾಳಿಯಿಂದ ಬಚಾವ್‌ ಮಾಡಲು, ಗೌಪ್ಯತೆ ಕಾಪಾಡಾಲು ಇಂಥ ಉಗ್ರಾಣಗಳನ್ನೇ ದಂಧೆಕೋರರು ಆಯ್ದುಕೊಂಡಿದ್ದರು ಎಂಬುದು ಗಮನಾರ್ಹ. ನಕಲಿ ಮಾಡ್ತಿರೋದು ಹೇಗೆ? ಪ್ರಖ್ಯಾತ ಕಂಪನಿಯ ಸೀಡ್ಸ್‌ ಲೈನ್‌ ಕದ್ದವರು ಹಾಗೂ ಕಂಪನಿಗಳೊಂದಿಗೆ ಬೀಜೋತ್ಪಾದನೆ ಮಾಡಿ ಸರಬರಾಜು ಮಾಡಲು ಒಪ್ಪಂದ ಮಾಡಿಕೊಂಡವರು ಅದೇ ಕಂಪನಿಗೆ ಬಿತ್ತನೆ ಬೀಜ ಮಾರಾಟ ಮಾಡದೇ ನಕಲಿ ಜಾಲದ ಮೂಲಕ ಸಕ್ರಿಯವಾಗಿತ್ತು. ಆಂಧ್ರ ಪ್ರದೇಶದಲ್ಲಿಈ ದಂಧೆಯಲ್ಲಿಯಶಸ್ವಿಯಾಗಿದ್ದ ಜಾಲ ರಾಜ್ಯದಲ್ಲೂ ನೆಲಯೂರಿತ್ತು. ದಾವಣಗೆರೆ, ಚಿತ್ರದುರ್ಗ, ಶಿವಮೊಗ್ಗ, ಹಾವೇರಿ, ಬಳ್ಳಾರಿ, ಭಾಗಶಃ ಕೊಪ್ಪಳ ಜಿಲ್ಲೆಯಲ್ಲಿ ಮಾರಾಟಗಾರರೊಂದಿಗೆ ನಂಟು ಬೆಳೆಸಿದ್ದರು. ಸದ್ಯ ಜಪ್ತಿಯಾದ ದಾಸ್ತಾನಿನ ಮೌಲ್ಯವೇ 12-15 ಕೋಟಿ ರೂ. ಎನ್ನಲಾಗಿದೆ. ಈ ಜಾಲದ ಪ್ರಭಾವಿಗಳು ರಾಜ್ಯದಲ್ಲಿ ಮಾರಾಟ ಮಾಡಿ ವಾರ್ಷಿಕ ಕೋಟ್ಯಂತರ ರೂ.ವ್ಯವಹಾರ ನಡೆಸುತ್ತಿದ್ದರು. ರಾಜ್ಯದಲ್ಲಿಈವರೆಗೆ ಕೃಷಿ ಇಲಾಖೆಯಿಂದ 500 ಕ್ವಿಂಟಲ್‌ ನಷ್ಟು ನಕಲಿ ಬಿತ್ತನೆ ಬೀಜ ಪತ್ತೆ ಮಾಡಿದ ಪ್ರಕರಣವೇ ದೊಡ್ಡದಾಗಿತ್ತು. ಕಂಪನಿಯ ಕೆಲ ಪ್ರತಿನಿಧಿಗಳು, ಕೆಲವು ಮಾರಾಟಗಾರರು ಶಾಮೀಲಾಗಿ ರೈತರಿಗೆ ಮತ್ತು ಕಂಪನಿಗಳಿಗೆ ಟೋಪಿ ಹಾಕಿ ಹಣ ಬಾಚುತ್ತಿದ್ದರು. ಆದರೆ, ಇಳುವರಿ ವ್ಯತ್ಯಾಸ, ಬೆಳೆ ನಷ್ಟವಾದರೆ ಯಾವುದೇ ರಸೀದಿ ಇಲ್ಲದ ಇಂಥ ಬಿತ್ತನೆ ಬೀಜ ಖರೀದಿಸಿದ ರೈತರು ಬೆಳೆನಷ್ಟ ಪರಿಹಾರದಿಂದ ವಂಚಿತರಾಗುವುದು ಸಾಮಾನ್ಯವಾಗಿದೆ. ಕೃಷಿ ಇಲಾಖೆಯ ಆಯಾ ಜಿಲ್ಲೆಯ ಜಾಗೃತ ಕೋಶದ ಅಧಿಕಾರಿಗಳ ತಂಡ ಭಾರಿ ವಿಷ ವರ್ತುಲವನ್ನು ಭೇದಿಸಿದೆ. ಕೃಷಿ ಇಲಾಖೆಯ ಸ್ಥಳೀಯ ಅಧಿಕಾರಿಗಳ ಸಹಕಾರದ ಮೂಲಕ ಕೆಲವು ಕಡೆ ದಾಳಿಯಾಗಿದ್ದು, 10 ಕೇಸ್‌ ದಾಖಲಾಗಿವೆ. 8,500 ಕ್ವಿಂಟಲ್‌ ನಕಲಿ ಬೀಜ ಪತ್ತೆಯಾಗಿದ್ದು, ಸರಕಾರದ ನಿರ್ದೇಶನದ ಅನ್ವಯ ಮುಂದಿನ ತನಿಖೆ ನಡೆದಿದೆ. - ಶಿವನಗೌಡ ಪಾಟೀಲ್‌, ಜಂಟಿ ನಿರ್ದೇಶಕರು, ಜಾಗೃತ ಕೋಶ, ಕೃಷಿ ಇಲಾಖೆ 8500 ಕ್ವಿಂಟಲ್‌ - ಜಪ್ತಿಯಾದ ನಕಲಿ ಬಿತ್ತನೆ ಬೀಜದ ಪ್ರಮಾಣ. 72 - ಪ್ರಕರಣಗಳಲ್ಲಿ ಗುರುತಿಸಲಾದ ಆರೋಪಿಗಳ ಸಂಖ್ಯೆ 10 - ನಡೆದ ದಾಳಿಗಳ ಸಂಖ್ಯೆ ಯಾವ್ಯಾವ ಜಿಲ್ಲೆಗಳಲ್ಲಿ ಪತ್ತೆ?