ಮಲಪ್ಪುರಂ (): ನಿಯಂತ್ರಣಕ್ಕಾಗಿ ಘೋಷಿಸಿರುವ ಲಾಕ್‌ಡೌನ್‌ನ್ನು ಕಟ್ಟುನಿಟ್ಟಿನ ಜಾರಿಗಾಗಿ ಮನೆಯಲ್ಲಿಯೇ ಇರಿ ಚಿನ್ನ ಗೆಲ್ಲಿ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ. ಕೇರಳದ ಗ್ರಾಮ ಪಂಚಾಯತಿಯೊಂದು ಜಾರಿಗಾಗಿ ವಿನೂತನ ಐಡಿಯಾ ಕಂಡುಕೊಂಡಿದ್ದು, ಜನರು ಹೊರಬರುವುದನ್ನು ತಡೆಯಲು ಸ್ಪರ್ಧೆ ಆಯೋಜಿಸಿ, ಗೆದ್ದವರಿಗೆ ಬಂಗಾರ ನೀಡುತ್ತಿದೆ. ಹೌದು, ಮಲಪ್ಪುರಂ ಜಿಲ್ಲೆಯ ಥಾಜೆಕ್ಕೊಡೆ ಗ್ರಾಮ ಪಂಚಾಯತಿಯಿಂದ ಸ್ಪರ್ಧೆ ನಡೆಯುತ್ತಿದ್ದು, ಮನೆಯಿಂದ ಯಾರು ಹೊರಬರುವುದಿಲ್ಲವೋ ಅಂತಹ ಕುಟುಂಬಗಳಿಗೆ ಬಹುಮಾನ ನೀಡುವುದಾಗಿ ಘೋಷಿಸಿದೆ. ಬಹುಮಾನಕ್ಕಾಗಿಯಾದರೂ ಜನ ಮನೆಯೊಳಗಡೆ ಇರುತ್ತಾರೆ ಎಂಬುದು ಪಂಚಾಯತಿ ಆಡಳಿತ ಮಂಡಳಿಯ ಚಿಂತನೆಯಾಗಿದೆ. ಪ್ರಥಮ ಬಹುಮಾನವಾಗಿ ಬಂಗಾರದ ನಾಣ್ಯ, ದ್ವಿತೀಯ ಬಹುಮಾನವಾಗಿ ರೆಫ್ರಿಜರೇಟರ್‌, ಮೂರನೇ ಬಹುಮಾನವಾಗಿ ವಾಷಿಂಗ್‌ ಮಷೀನ್‌ನ್ನು ಪಂಚಾಯತಿ ನೀಡುತ್ತಿದೆ. ಇದರ ಜೊತೆ 50 ಸಮಾಧಾನಕಾರ ಬಹುಮಾನಗಳನ್ನು ನೀಡುವುದಾಗಿ ಪಂಚಾಯತಿ ಘೋಷಿಸಿದೆ. ಈ ಬಗ್ಗೆ ಗ್ರಾಮ ಪಂಚಾಯತಿ ಅಧ್ಯಕ್ಷ ಎ.ಕೆ.ನಾಸರ್‌ ಹೇಳುವುದು ಹೀಗೆ, ಸರಕಾರದ ಮಾರ್ಗಸೂಚಿಗಳನ್ನು ಪಾಲಿಸುವವರಿಗೆ ಏನಾದರೂ ನೀಡಬೇಕು ಎಂದನಿಸಿದಾಗ ಈ ಯೋಚನೆ ಬಂತು. ಏಪ್ರಿಲ್‌ 6ರಂದು ಇದರ ಬಗ್ಗೆ ನಿರ್ಧಾರವಾಗಿ ಮರುದಿನದಿಂದಲೇ ಸ್ಪರ್ಧೆ ಜಾರಿಯಾಯ್ತು. ಪಂಚಾಯತಿ ವ್ಯಾಪ್ತಿಯಲ್ಲಿ 10 ಸಾವಿರ ಕುಟುಂಬಗಳಿವೆ ಎಂದು ತಿಳಿಸಿದರು. ಜನ ಸುರಕ್ಷಿತವಾಗಿ ಮನೆಯಲ್ಲಿಯೇ ಇರುವುದು ನಮಗೆ ಬೇಕಾಗಿತ್ತು. ಅದಕ್ಕಾಗಿ ಬಹುಮಾನ ನೀಡುವ ನಿರ್ಧಾರಕ್ಕೆ ಬಂದೇವು. ಇದಕ್ಕಾಗಿ ನಾವು ಒಂದಿಷ್ಟು ಜನರನ್ನು ನಿಯೋಜಿಸಿದ್ದು, ಮನೆಯಿಂದ ಹೊರಬರುವ ಜನರ ಮೇಲೆ ಕಣ್ಣೀಡಿ ಎಂದು ಸೂಚಿಸಿದ್ದೇವೆ. ಮನೆಯಿಂದ ಹೊರಬಂದ ವ್ಯಕ್ತಿಯ ಕುಟುಂಬ ಸ್ಪರ್ಧೆಯಿಂದ ಹೊರಬೀಳುತ್ತದೆ ಎಂದು ಹೇಳಿದರು. ಲಾಕ್‌ಡೌನ್‌ ವಿಸ್ತರಣೆಯಾಗಿದ್ದರಿಂದ ಸ್ಪರ್ಧೆಯು ಮುಂದುವರೆದಿದೆ. ಮೇ 3ಕ್ಕೆ ಈ ಸ್ಪರ್ಧೆ ಅಂತ್ಯವಾಗಬಹುದು ಎಂದು ಅಂದುಕೊಂಡಿದ್ದೇವೆ. ಇದನ್ನು ನಮ್ಮ ಪಂಚಾಯತಿ ನಿರ್ಧರಿಸುತ್ತದೆ. ಸ್ಪರ್ಧೆ ಅಂತ್ಯಗೊಂಡ ನಂತರ ಕುಟುಂಬಗಳು ಮನೆಯಿಂದ ಹೊರಬಂದಿಲ್ಲ ಎಂದು ಅಫಿಡವಿಟ್‌ ಸಲ್ಲಿಸಬೇಕಾಗುತ್ತದೆ. ಅಂತಹ ಕುಟುಂಬಗಳಿಗೆ ಕೂಪನ್‌ಗಳನ್ನು ನೀಡಿ, ಲಕ್ಕಿ ಡ್ರಾ ಮೂಲಕ ಅದೃಷ್ಟವಂತರನ್ನು ಆಯ್ಕೆ ಮಾಡಲಾಗುವುದು ಎಂದು ನಾಸರ್‌ ವಿವರಿಸಿದರು.
from India & World News in Kannada | VK Polls https://ift.tt/2W8ZMKd
