ಸಿಯೋಲ್‌ (): ಕಳೆದ ಒಂದಿಷ್ಟು ದಿನಗಳಿಂದ ಬಿತ್ತರವಾಗುತ್ತಿರುವ ಸರ್ವಾಧಿಕಾರಿ ಸಾವಿನ ಸುದ್ದಿಯನ್ನು ದಕ್ಷಿಣ ಕೊರಿಯಾ ಅಲ್ಲಗಳೆದಿದೆ. ಕಿಮ್ ಜಾಂಗ್ ಉನ್ ಬದುಕಿದ್ದಾರೆ ಹಾಗೂ ಆರೋಗ್ಯವಾಗಿದ್ದಾರೆ ಎಂದು ದಕ್ಷಿಣ ಕೊರಿಯಾದ ಅಧ್ಯಕ್ಷ ಮೂನ್‌ ಜೇ-ಯಿನ್‌ ಅವರ ಪ್ರಮುಖ ಭದ್ರತಾ ಸಲಹೆಗಾರ ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಮೂನ್‌ ಜೇ-ಯಿನ್‌ ಅವರ ರಾಷ್ಟ್ರೀಯ ವಿಶೇಷ ಭದ್ರತಾ ಸಲಹೆಗಾರ ಮೂನ್‌ ಚೂಂಗ್‌-ಇನ್‌, ಕಿಮ್ ಜಾಂಗ್ ಉನ್ ಬದುಕಿದ್ದಾರೆ ಹಾಗೂ ಆರೋಗ್ಯವಾಗಿದ್ದಾರೆ. ಏಪ್ರಿಲ್‌ 13ರಿಂದ ಉತ್ತರ ಕೊರಿಯಾದ ಪೂರ್ವದಲ್ಲಿರುವ ರೆಸಾರ್ಟ್‌ಗಳ ನಗರ ವೋನ್ಸಾನ್‌ನಲ್ಲಿ ಕಿಮ್ ಜಾಂಗ್ ಉನ್ ನೆಲೆಸಿದ್ದಾರೆ, ಯಾವುದೇ ಸಂಶಯಾಸ್ಪದ ಘಟನೆಗಳು ವರದಿಯಾಗಿಲ್ಲ ಎಂದು ಅವರು ಹೇಳಿದರು. ಏಪ್ರಿಲ್‌ 15ರಂದು ನಡೆದ ಕಿಮ್ ಜಾಂಗ್ ಉನ್ ಅವರ ತಾತ ಕಿಮ್ ಸಂಗ್‌ ಅವರ ಜನ್ಮದಿನದ ಕಾರ್ಯಕ್ರಮಕ್ಕೆ ಗೈರಾಗಿದ್ದರಿಂದ ಜಗತ್ತಿನಲ್ಲಿ ಕಿಮ್ ಸತ್ತಿರುವ ಬಗ್ಗೆ ಕೆಲವು ದಿನಗಳಿಂದ ಸುದ್ದಿ ಓಡಾಡ್ತಿದೆ. ಈ ಜನ್ಮದಿನ ಕಾರ್ಯಕ್ರಮ ಉತ್ತರ ಕೊರಿಯಾದ ರಾಜಕೀಯ ಕ್ಯಾಲೆಂಡರ್‌ನಲ್ಲಿ ಪ್ರಮುಖವಾಗಿದೆ. ಏಪ್ರಿಲ್‌ 11ರಂದು ಕೊನೆ ಬಾರಿ ಕಾಣಿಸಿಕೊಂಡ ಬಳಿಕ ಕಿಮ್ ಜಾಂಗ್ ಉನ್ ಬಹಿರಂಗವಾಗಿ ಎಲ್ಲಿಯೂ ಕಾಣಿಸಿಕೊಂಡಿಲ್ಲ. ಇದರಿಂದ ಜಾಗತಿಕ ಮಾಧ್ಯಮಗಳಲ್ಲಿ ಕಿಮ್ ಸತ್ತಿರುವ ಬಗ್ಗೆ ಸತತವಾಗಿ ವರದಿಗಳು ಬಿತ್ತರವಾಗುತ್ತಿವೆ. ಉತ್ತರ ಕೊರಿಯಾದ ಪ್ರಮುಖ ಆನ್‌ಲೈನ್‌ ಮಾಧ್ಯಮ ಡೈಲಿ ಎನ್‌ಕೆ ವರದಿ ಮಾಡಿದಂತೆ ಕಿಮ್ ಜಾಂಗ್ ಉನ್ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ನಡುವೆ ಕಿಮ್ ಜಾಂಗ್ ಉನ್ ಹಾಗೂ ಆತನ ಕುಟುಂಬಕ್ಕೆ ಮೀಸಲಾಗಿರುವ ವಿಶೇಷ ರೈಲು ಉತ್ತರ ಕೊರಿಯಾದ ವೋನ್ಸನ್ ನಗರದಲ್ಲಿ ಕಾಣಿಸಿಕೊಂಡಿದೆ. ಈ ವಿಶೇಷ ರೈಲಿನ ಓಡಾಟದಿಂದ ಕಿಮ್ ಸಾವಿನ ಸುದ್ದಿಗಳನ್ನು ಅಲ್ಲಗಳೆದಂತಾಗಿದೆ.ಉತ್ತರ ಕೊರಿಯಾದ ಮೇಲೆ ನಿಗಾ ಇಟ್ಟಿರುವ ವಾಷಿಂಗ್ಟನ್‌ನಲ್ಲಿರುವ ಕಣ್ಗಾವಲು ಸಂಸ್ಥೆ ಮಾಹಿತಿ ನೀಡಿದ್ದು, ವಿಶೇಷ ರೈಲು ಕಳೆದ ಏ.21ರಿಂದ ಏ.23ರವರೆಗೆ ವೋನ್ಸನ್ ನಗರದಲ್ಲಿ ಪತ್ತೆಯಾಗಿದೆ ಎಂದು ವರದಿ ಮಾಡಿತ್ತು.
from India & World News in Kannada | VK Polls https://ift.tt/2zyLn2c
