ಬೆತುಲ್‌ (ಮಧ್ಯಪ್ರದೇಶ): ಹೈದರಾಬಾದ್‌ನಲ್ಲಿ ಪಶುವೈದ್ಯೆಯ ಮೇಲೆ ನಡೆದ ಗ್ಯಾಂಗ್‌ ರೇಪ್ ಘಟನೆ ಮಾಸುವ ಮುನ್ನವೇ ಮಧ್ಯಪ್ರದೇಶದಲ್ಲಿ 18 ವರ್ಷದ ಯುವತಿಯ ಮೇಲೆ 7 ಜನ ನಡೆದಿದೆ. ಅತ್ಯಾಚಾರದಲ್ಲಿ ಮೂವರು ಅಪ್ರಾಪ್ತರು ಕೂಡ ಭಾಗಿಯಾಗಿರುವುದು ಜನರನ್ನು ಬೆಚ್ಚಿ ಬೀಳಿಸಿದೆ. ತನ್ನ ಅಣ್ಣನ ಜೊತೆ ಊರಿಗೆ ಮರಳುತ್ತಿದ್ದಾಗ ಬುಧವಾರ ರಾತ್ರಿ ಯುವತಿಯ ಮೇಲೆ ಅತ್ಯಾಚಾರ ಎಸಗಲಾಗಿದೆ. ಅತ್ಯಾಚಾರಕ್ಕೂ ಮುನ್ನ ಆಕೆಯ ಅಣ್ಣನನ್ನು ಬಾವಿಗೆ ದುಷ್ಕರ್ಮಿಗಳು ಎಸೆದಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಮೂವರು ಅಪ್ರಾಪ್ತರು ಸೇರಿ ಐವರನ್ನು ಪೊಲೀಸರು ವಶಪಡಿಸಿಕೊಂಡಿದ್ದು, ಇಬ್ಬರು ಆರೋಪಿಗಳು ಕಣ್ತಪ್ಪಿಸಿಕೊಂಡಿದ್ದಾರೆ. ಬುಧವಾರ ರಾತ್ರಿ ಯುವತಿ 21 ವರ್ಷದ ಅಣ್ಣನ ಜೊತೆ ಮೋಟಾರ್‌ ಬೈಕ್‌ನಲ್ಲಿ ಮರಳುವಾಗ ಅತ್ಯಾಚಾರ ನಡೆದಿದೆ ಎಂದು ಕೋಟ್ವಾಲಿ ಪೊಲೀಸ್‌ ಠಾಣೆಯ ಅಧಿಕಾರಿ ರಾಜೇಂದ್ರ ಧುರ್ವೆ ಘಟನೆಯ ಬಗ್ಗೆ ಮಾಹಿತಿ ನೀಡಿದ್ದಾರೆ. ಬುಧವಾರ ರಾತ್ರಿ 8.30ರ ಹೊತ್ತಿಗೆ ಮೋಟಾರ್‌ ಬೈಕ್‌ನ್ನು ಕೆಡವಿದ ದುಷ್ಕರ್ಮಿಗಳು ಯುವತಿಯ ಅಣ್ಣನನ್ನು ಬಾವಿಗೆ ಎಸೆದಿದ್ದಾರೆ. ಅಲ್ಲಿಂದ ಬೆಳಗ್ಗೆ 2 ಗಂಟೆಯವರೆಗೂ ಯುವತಿ ಮೇಲೆ ಆರೋಪಿಗಳು ಅತ್ಯಾಚಾರ ಎಸಗಿದ್ದಾರೆ ಎಂದು ಧುರ್ವೆ ಹೇಳಿದ್ದಾರೆ. ಅತ್ಯಾಚಾರದ ನಂತರ ಯುವತಿ ತನ್ನ ಅಣ್ಣನನ್ನು ರಕ್ಷಿಸಿಕೊಂಡು ಊರಿಗೆ ಹೋಗಿದ್ದು, ಗುರುವಾರ ಬೆಳಗ್ಗೆ ಬಂದು ದೂರು ನೀಡಿದ್ದಾರೆ. ಇಬ್ಬರು ಬಂಧಿತ ಆರೋಪಿಗಳನ್ನು ಶುಭಂ ಬೆಲೆ ಹಾಗೂ ಸಂದೀಪ್‌ ಖಾಟಿಯಾ ಎಂದು ಗುರುತಿಸಲಾಗಿದೆ. ನಾಪತ್ತೆಯಾದವರನ್ನು ಲೋಕೇಶ್‌ ಸೋನಿ, ಪವನ್‌ ಬೆಲೆ ಎಂದು ಗುರುತಿಸಿದ್ದು, ಅವರ ಪತ್ತೆಗೆ ಬಲೆ ಬೀಸಿದ್ದಾರೆ. ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್‌ 376 (ಅತ್ಯಾಚಾರ), 365 (ಕಿಡ್ನಾಪ್‌) ಮತ್ತು 307 (ಕೊಲೆ ಯತ್ನ) ಪ್ರಕರಣಗಳನ್ನು ದಾಖಲಿಸಲಾಗಿದೆ.
from India & World News in Kannada | VK Polls https://ift.tt/2So2fzi
