ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಆರ್ಭಟ ತಣ್ಣಗಾದಂತೆ ಕಂಡಿದ್ದರೂ ಮತ್ತೆ 9 ಪಾಸಿಟಿವ್‌ ಕೇಸ್‌ಗಳು ಪತ್ತೆಯಾಗಿವೆ. ಈ ಮೂಲಕ ಸೋಂಕಿತರ ಸಂಖ್ಯೆ 532ಕ್ಕೆ ಏರಿದೆ. ಕಲಬುರಗಿಯಲ್ಲಿಯೇ 8 ಕೊರೊನಾ ಸೋಂಕಿತರು ಕಂಡುಬಂದಿದ್ದು, ಮತ್ತೊಂದು ಪ್ರಕರಣ ಬೆಳಗಾವಿಯಲ್ಲಿ ಕಾಣಿಸಿದೆ. ಮಂಗಳವಾರ ಸಂಜೆ 5 ರಿಂದ ಬುಧವಾರ ಮಧ್ಯಾಹ್ನ 12ರವರೆಗಿನ ಮಾಹಿತಿಯನ್ನು ಆರೋಗ್ಯ ಇಲಾಖೆ ನೀಡಿದೆ. ಮಂಗಳವಾರ 11 ಪ್ರಕರಣಗಳು ವರದಿಯಾಗಿದ್ದರೆ, ಸೋಮವಾರ 9 ಮಂದಿಗೆ ಕೊರೊನಾ ಇರುವುದು ದೃಢಪಟ್ಟಿತ್ತು. ಇನ್ನು, ಭಾನುವಾರ ಕೇವಲ ಮೂರೇ ಮೂರು ಪ್ರಕರಣಗಳು ಕಂಡುಬಂದಿದ್ದವು. ಕಲಬುರಗಿಯಲ್ಲಿ ಕೊರೊನಾ ಅಬ್ಬರ ಮುಂದುವರೆದಿದ್ದು, ಮಂಗಳವಾರ 8 ಪ್ರಕರಣಗಳು ಕಂಡುಬಂದಿದ್ದು, ಬಿಸಿಲ ನಾಡಿನ ಜನರನ್ನು ಮತ್ತಷ್ಟು ಆತಂಕಕ್ಕೆ ದೂಡಿದೆ. ಇನ್ನೊಂದು ಪ್ರಕರಣ ಬೆಳಗಾವಿ ಜಿಲ್ಲೆಯ ಹುಕ್ಕೇರಿಯಲ್ಲಿ ಕಾಣಿಸಿಕೊಂಡಿದೆ. ಇದುವರೆಗೂ ರಾಜ್ಯದಲ್ಲಿ 532 ಕೊರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ. ಅದರಲ್ಲಿ 215 ಜನ ಗುಣಮುಖರಾಗಿದ್ದರೆ, 20 ಜನ ಕೊರೊನಾಗೆ ಬಲಿಯಾಗಿದ್ದಾರೆ. ಹೊಸ ಕೊರೊನಾ ಸೋಂಕಿತರ ವಿವರ * ರೋಗಿ ಸಂಖ್ಯೆ 524: 12 ವರ್ಷದ ಬಾಲಕ. ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 293ರ ಸಂಪರ್ಕ. * ರೋಗಿ ಸಂಖ್ಯೆ 525: 4.6 ವರ್ಷದ ಬಾಲಕಿ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 395ರ ಸಂಪರ್ಕ. * ರೋಗಿ ಸಂಖ್ಯೆ 526: 28 ವರ್ಷದ ಪುರುಷ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 515ರ ಸಂಪರ್ಕ. * ರೋಗಿ ಸಂಖ್ಯೆ 527: 14 ವರ್ಷದ ಬಾಲಕಿ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 425ರ ಸಂಪರ್ಕ. * ರೋಗಿ ಸಂಖ್ಯೆ 528: 22 ವರ್ಷದ ಯುವಕ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 205ರ ಸಂಪರ್ಕ. * ರೋಗಿ ಸಂಖ್ಯೆ 529: 40 ವರ್ಷದ ಮಹಿಳೆ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 425ರ ಸಂಪರ್ಕ. * ರೋಗಿ ಸಂಖ್ಯೆ 530: 20 ವರ್ಷದ ಯುವಕ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 205ರ ಸಂಪರ್ಕ. * ರೋಗಿ ಸಂಖ್ಯೆ 531: 17 ವರ್ಷದ ಯುವತಿ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 425ರ ಸಂಪರ್ಕ. * ರೋಗಿ ಸಂಖ್ಯೆ 532: 12 ವರ್ಷದ ಬಾಲಕಿ. ಕಲಬುರಗಿ ನಿವಾಸಿ ಹಾಗೂ ರೋಗಿ ಸಂಖ್ಯೆ 425ರ ಸಂಪರ್ಕ.
from India & World News in Kannada | VK Polls https://ift.tt/2zGLuc3
