ಹೊಸದಿಲ್ಲಿ: ಇಡೀ ವಿಶ್ವದಲ್ಲಿ ಸೋಂಕು ವ್ಯಾಪಕವಾಗಿ ಹರಡುತ್ತಿದೆ. ಅಮೆರಿಕದಲ್ಲಂತೂ ಕೆಟ್ಟ ಪರಿಣಾಮ ಬೀರಿದ್ದು, ಅತಿ ಹೆಚ್ಚು ಸಾವು ನೋವುಗಳು ಸಂಭವಿಸಿದೆ. ಕೊರೊನಾ ವೈರಸ್‌ಗೆ ಇದುವರೆಗೆ ಔಷಧಿಯನ್ನು ಕಂಡು ಹುಡುಕಿಲ್ಲ. ಈ ನಿಟ್ಟಿನಲ್ಲಿ ಸಮರೋಪಾದಿಯಲ್ಲಿ ಅಧ್ಯಯಗಳು ನಡೆಯುತ್ತಿದೆ. ಈ ಮಧ್ಯೆ ಶುಭ ಸುದ್ದಿಯೊಂದನ್ನು ಬಿತ್ತರಿಸಿರುವ ಅಮೆರಿಕದ ಖ್ಯಾತ ವೈದ್ಯ, ಆಂಥೊನಿ ಫೌಸಿ, ಕೊರೊನಾ ವೈರಸ್ ತಡೆಗಟ್ಟುವ ಮದ್ದು ಉತ್ತಮ ಫಲಿತಾಂಶವನ್ನು ಬೀರುತ್ತಿದೆ ಎಂದು ಹೇಳಿದ್ದಾರೆ. ಇದು ಹೆಚ್ಚಿನ ನಿರೀಕ್ಷೆಗಳನ್ನು ಹುಟ್ಟು ಹಾಕಿದೆ. ಕೊರೊನಾ ವೈರಸ್ ಡ್ರಗ್ ಟ್ರಯಲ್ ಟೆಸ್ಟಿಂಗ್ ಗಿಲಿಯಾಡ್ ಸಯನ್ಸ್ ಸಾಕಷ್ಟು ಒಳ್ಳೆಯ ಸುದ್ದಿಯನ್ನು ಬಿತ್ತರಿಸಿದೆ. ಇದು ಕೋವಿಡ್ ರೋಗಿಗಳಿಗೆ ಮತ್ತಷ್ಟು ಗುಣಮಟ್ಟದ ಚಿಕಿತ್ಸೆ ನೀಡಲು ನೆರವಾಗಲಿದೆ ಎಂದು ಶ್ವೇತಭವನದ ಆರೋಗ್ಯ ಸಲಹೆಗಾರನಾಗಿರುವ ಡಾ. ಆಂಥೊನಿ ಫೌಸಿ ತಿಳಿಸಿದರು. ಈ ಬಗ್ಗೆ ವೈಟ್‌ಹೌಸ್‌ನಲ್ಲಿ ವರದಿಗಾರರೊಂದಿಗೆ ಮಾತನಾಡಿದ ಫೌಸಿ, ಪ್ರಯೋಗಾಲಯದಲ್ಲಿ ಪ್ರಯೋಗ ಮಾಡಿದ ಅಂಕಿಅಂಶಗಳಿಂದ ಚೇತರಿಸಿಕೊಳ್ಳುವ ಸಮಯದಲ್ಲಿ ಸಕಾರಾತ್ಮಕ ಪರಿಣಾಮವನ್ನು ಬೀರಿದೆ ಎಂದು ಹೇಳಿದ್ದಾರೆ. ಈಗಿನ ಚೇತರಿಕೆ ಸಮಯ 15 ದಿನಗಳಿಗೆ ಹೋಲಿಸಿದರೆ ಈ ಔಷಧಿಯ ಚೇತರಿಕೆಯ ಸಮಯ 11 ದಿನಗಳಾಗಿದೆ. ಅಲ್ಲದೆ ಈ ಮೂಲಕ ಸಾವಿನ ಪ್ರಮಾಣವನ್ನು ಕಡಿಮೆ ಮಾಡಲು ಸಾಧ್ಯವಾಗಲಿದೆ ಎಂದು ಉಲ್ಲೇಖಿಸಿದ್ದಾರೆ. ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಅಲರ್ಜಿ ಆ್ಯಂಡ್ ಇನ್ಫೆಕ್ಸಿಯಸ್ ಡಿಸೀಸ್ ನಿರ್ದೇಶಕರಾಗಿರುವ ಆಂಥೊನಿ ಫೌಸಿ, ಇದು ಆರೈಕೆಯ ಮಾನದಂಡವಾಗಿದ್ದು, ಕೊರೊನಾ ವೈರಸ್ ತಡೆಗಟ್ಟಲು ಸಾಧ್ಯವಾಗಲಿದೆ ಎಂಬುದನ್ನು ಸಾಬೀತುಪಡಿಸಿದೆ ಎಂಬುದನ್ನು ಸ್ಪಷ್ಟವಾಗಿ ಉಲ್ಲೇಖಿಸಿದ್ದಾರೆ. ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಅಲರ್ಜಿ ಆ್ಯಂಡ್ ಇನ್ಫೆಕ್ಸಿಯಸ್ ಡಿಸೀಸ್ ನಡೆಸಿದ ಮದ್ದಿನ ಪ್ರಯೋಗದ ಸಂಪೂರ್ಣ ಫಲಿತಾಂಶಗಳನ್ನು ಅಮೆರಿಕ ಆರೋಗ್ಯ ಅಧಿಕಾರಿಗಳು ಬಿಡುಗಡೆ ಮಾಡಲಿದ್ದಾರೆ.
from India & World News in Kannada | VK Polls https://ift.tt/35lWcAC
