- ಡಾ.ಬಿ.ಟಿ.ರುದ್ರೇಶ್‌ ಕಳೆದ ಸುಮಾರು ನಾಲ್ಕು ತಿಂಗಳಿಂದ ಚೀನಾದ ವೂಹಾನ್‌ನಿಂದ ಜಗತ್ತಿನ ವಿವಿಧೆಡೆಗಳಿಗೆ ಹಬ್ಬುತ್ತಿರುವ ಎಂಬ ವೈರಾಣು ಸೋಂಕು ಬದುಕಿನ ನೆಮ್ಮದಿಯನ್ನೇ ಕೆಡಿಸಿದೆ. ಮೊದಲು ಕೆಮ್ಮು, ಜ್ವರ ಮತ್ತು ಮೈಕೈ ನೋವಿದ್ದರೆ ಅದು ಕೊರೊನಾ ಆಗಿರಬಹುದು ಎಂದು ಹೇಳಲಾಗುತ್ತಿತ್ತು. ಆದರೆ ಎಲ್ಲ ಕೆಮ್ಮು, ಜ್ವರದ ಲಕ್ಷ ಣಗಳು ಕೊರೊನಾ ಆಗಿರಲೇಬೇಕಿಲ್ಲ ಎಂಬ ಸಮಾಧಾನದ ಮಾತುಗಳೂ ಇದ್ದವು. ಈಗ ಇದ್ಯಾವ ಲಕ್ಷ ಣಗಳೂ ಇಲ್ಲದೆ ಕೊರೊನಾ ಪ್ರಕರಣಗಳು ಪತ್ತೆಯಾಗಿರುವುದರಿಂದ ಜನಸಾಮಾನ್ಯರು ಭಯದ ನೆರಳಲ್ಲೇ ಬದುಕುವಂತಾಗಿದೆ. ಹಾಗಾದರೆ ಕೊರೊನಾ ಸೋಂಕು ಎಲ್ಲರನ್ನೂ ನುಂಗಿ ಹಾಕುತ್ತದೆಯೇ? ಖಂಡಿತ ಇಲ್ಲ. ರೋಗ ನಿರೋಧಕ ಶಕ್ತಿ ಕುಗ್ಗಿದವರಿಗಷ್ಟೇ ಈ ತೊಂದರೆ. ನಮ್ಮ ಜರ್ಜರಿತ ಮನಸ್ಸು ಕೊರೊನಾಗೆ ಆಹ್ವಾನ ನೀಡಬಹುದು. ಇದರ ಅರ್ಥ ಇಷ್ಟೇ. ಮಾನಸಿಕವಾಗಿ ದುರ್ಬಲವಾದರೆ ರೋಗನಿರೋಧಕ ಶಕ್ತಿಯೂ ಕುಗ್ಗುತ್ತದೆ. ‘‘ಮನಸ್ಸೇ ಎಲ್ಲ. ನಿಮ್ಮ ಯೋಚನೆಯಂತೆಯೇ ನಿಮ್ಮ ವ್ಯಕ್ತಿತ್ವವೂ ರೂಪುಗೊಳ್ಳುತ್ತದೆ’’ ಎಂದು ಭಗವಾನ್‌ ಬುದ್ಧ ಹೇಳಿದ್ದಾನೆ. ಮನಸ್ಸಿನಂತೆ ಮಹದೇವ ಎಂಬ ಮಾತು ನೀವೆಲ್ಲ ಕೇಳಿರುತ್ತೀರಿ. ನಾವು ಏನಾಗಬೇಕೆಂದು ಮನಸ್ಸಿನಲ್ಲಿ ಪ್ರಾಮಾಣಿಕವಾಗಿ ಬಯಸುತ್ತೇವೆಯೋ ಹಾಗೇ ಆಗುತ್ತೇವೆ. ನಮ್ಮ ಮನಸ್ಸಿನ ನಿರ್ಧಾರದಂತೆ ಇತರ ಇಂದ್ರಿಯಗಳೂ ಕಾರ್ಯ ನಿರ್ವಹಿಸುತ್ತವೆ. ಮನಸ್ಸು ಎಲ್ಲಿ ವ್ಯವಹರಿಸುವುದೋ ಅಲ್ಲಿಯೇ ಎಲ್ಲ ಇಂದ್ರಿಯಗಳು ವ್ಯವಹರಿಸುತ್ತವೆ ಎಂದು ಸಿದ್ಧಾಂತ ಶಿಖಾಮಣಿಯಲ್ಲಿ ಜಗದ್ಗುರು ರೇಣುಕಾಚಾರ್ಯರು ಹೇಳಿದ್ದಾರೆ. ಕೊರೊನಾದಿಂದ ನಮ್ಮನ್ನು ಕಾಪಾಡಿಕೊಳ್ಳಲು ಮಾನಸಿಕ ಸಮತೋಲನ ಅತ್ಯಗತ್ಯ. ಚೀನಾದ ಆರೋಗ್ಯ ಕ್ಷೇತ್ರದ ಪ್ರಮುಖ ವಿಜ್ಞಾನಿಗಳಾದ ಝೂವಾಂಗ್‌, ವಾಂಗ್‌ ಕಿಯಾಂಗ್‌ ಮತ್ತು ಹು ಕೆ ಕೂಡ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವುದಕ್ಕೆ ಮಾನಸಿಕ ಸಮತೋಲನದತ್ತ ಗಮನ ಹರಿಸಬೇಕೆಂದು ಸಲಹೆ ನೀಡಿದ್ದಾರೆ. ಮಾನಸಿಕ ಸಮತೋಲನ ಮತ್ತು ದೈಹಿಕ ಸಮತೋಲನಗಳು ಸೋಂಕುಗಳಿಂದ ರಕ್ಷ ಣೆ ಪಡೆಯುವ ನಮ್ಮ ವ್ಯವಸ್ಥೆಗೆ ವಯಸ್ಸಾಗುವುದನ್ನು ಮುಂದೂಡುತ್ತದೆ ಎಂದು ಅವರು ತಮ್ಮ ನಿಲುವನ್ನು ಸಮರ್ಥಿಸಿಕೊಂಡಿದ್ದಾರೆ. ಮಾನಸಿಕ ಸಮತೋಲನ ಸಾಧಿಸುವ ನಿಟ್ಟಿನಲ್ಲಿ ಭಾವನೆಗಳ ಸ್ವಯಂನಿಯಂತ್ರಣವನ್ನು ಅಭ್ಯಾಸ ಮಾಡಬೇಕಾಗುತ್ತದೆ. ವಿವಿಧ ರೀತಿಯಲ್ಲಿ ನಮ್ಮನ್ನು ಕಾಡುವ ನಕಾರಾತ್ಮಕ ಪ್ರಚೋದನೆಗಳಿಗೆ ತಿರಸ್ಕಾರದ ಪ್ರತಿಕ್ರಿಯೆ ನೀಡಬೇಕಾಗುತ್ತದೆ. ನಮ್ಮ ಬದುಕಿನ ಸಕಾರಾತ್ಮಕ ಚಟುವಟಿಕೆಗಳು ಮಾನಸಿಕ ಸಮತೋಲನ ಕಾಪಾಡಲು ನೆರವಾಗುತ್ತವೆ. ಈ ಹಿನ್ನೆಲೆಯಲ್ಲಿ ಆಶಾ ಭಾವನೆ, ಉಲ್ಲಾಸ ಮತ್ತು ಸಹನೆಯ ವ್ಯಕ್ತಿತ್ವ ಬೆಳೆಸಿಕೊಳ್ಳಬೇಕು. ಇದಕ್ಕಾಗಿ ಸದಾ ಹಸನ್ಮುಖಿಗಳಾಗಿರಬೇಕು. ಮನುಷ್ಯನ ಜೀವಿತಾವಧಿ ನೂರು ವರ್ಷಗಳೆಂದು ಹೇಳುತ್ತಿದ್ದರೂ ಬಹುತೇಕರು ನೂರರ ಅಂಚನ್ನೂ ತಲುಪುವ ಸಾಕಷ್ಟು ಮುನ್ನವೇ ಸಾವನ್ನಪ್ಪಿರುತ್ತಾರೆ. ಆದರೆ ಎಲ್ಲೋ ಕೆಲವರು ನೂರು ವರ್ಷಕ್ಕೂ ಹೆಚ್ಚು ಕಾಲ ಬದುಕಿ ಅಚ್ಚರಿ ಉಂಟುಮಾಡುತ್ತಿರುತ್ತಾರೆ. ಈ ಶತಾಯುಷ್ಯದ ಗುಟ್ಟೇನು? ನೂರಕ್ಕಿಂತ ಹೆಚ್ಚು ವಯಸ್ಸಿನ ಆರೋಗ್ಯವಂತ ವ್ಯಕ್ತಿಗಳಲ್ಲಿ ಕೆಲವು ಸಮಾನ ಲಕ್ಷ ಣಗಳನ್ನು ಕಾಣಬಹುದು. ಅವರೆಲ್ಲ ಮುಕ್ತ ಮನಸ್ಸಿನವರು, ಬದುಕನ್ನು ಸುಲಭವಾಗಿ ಪರಿಗಣಿಸಿ ನಿರಾತಂಕವಾಗಿ ಮುನ್ನಡೆಯುವವರು ಮತ್ತು ದಯಾಪರರು. ಕೆಲಸ ಮತ್ತು ಕ್ರೀಡೆಯನ್ನು ಪ್ರೀತಿಸುವವರು. ಇಂಥವರಲ್ಲಿ ಕ್ಷ ಮಾಗುಣವೂ ಇದೆ. ಈ ಗುಣಗಳನ್ನೇ ನಾವು ಕೂಡ ಅಭ್ಯಾಸ ಮಾಡಿಕೊಳ್ಳಬೇಕು. ಇದರ ಒಟ್ಟು ತಾತ್ಪರ್ಯ ಇಷ್ಟೇ. ಸಾಮಾಜಿಕ ಬದುಕಿನಲ್ಲಿ ಉತ್ತಮ ಸಂಬಂಧಗಳು ರೋಗ ನಿರೋಧಕ ಶಕ್ತಿ ವರ್ಧನೆ, ಉತ್ತಮ ಆರೋಗ್ಯ ಮತ್ತು ದೀರ್ಘಾಯುಷ್ಯ ನೀಡುತ್ತದೆ. ಹಾಗೇ ವೈಯಕ್ತಿಕ ಸಂಬಂಧಗಳಲ್ಲಿ ಭಾವನೆಗಳ ನಿಯಂತ್ರಣ ಅತಿ ಮುಖ್ಯ. ಈ ಗುಣಲಕ್ಷ ಣಗಳನ್ನು ರೂಢಿಸಿಕೊಳ್ಳಬೇಕಾದರೆ ಉತ್ತಮ ಸಂವಹನ ಕಲೆಯನ್ನು ಬೆಳೆಸಿಕೊಳ್ಳಬೇಕು. ಇದಕ್ಕಾಗಿ ಕೋಪ ನಿಗ್ರಹವನ್ನೂ ಅಭ್ಯಾಸ ಮಾಡಿ ಕೊಳ್ಳಬೇಕು. ಸಾಧ್ಯವಾದಷ್ಟು ಇತರರು ಮಾತಾಡುವಾಗ ನಮ್ಮ ವಾಕ್ಚಾತುರ್ಯ ಪ್ರದರ್ಶಿಸುವ ಬದಲು ಆಲಿಸುವುದನ್ನೂ ಕಲಿತುಕೊಳ್ಳಬೇಕು. ಇತರರ ಸಾಧನೆ ಬಗ್ಗೆ ಕರುಬುವ ಬದಲು ಮೆಚ್ಚುಗೆ ವ್ಯಕ್ತಪಡಿಸುವುದೂ ಅತ್ಯಗತ್ಯ ಇದರಿಂದ ರೋಗನಿರೋಧಕ ಶಕ್ತಿಯೂ ಹೆಚ್ಚುತ್ತದೆ. ನಿಮ್ಮ ಉತ್ತಮ ಮನಃಸ್ಥಿತಿ ಮುಖದಲ್ಲಿ ಪ್ರತಿಫಲಿಸುತ್ತದೆ. ಸಹಜವಾಗಿಯೇ ರೋಗ ನಿರೋಧಕ ಶಕ್ತಿಯೂ ಹೆಚ್ಚಾಗುತ್ತದೆ. ಕೊರೊನಾ ಭಯವನ್ನೂ ಓಡಿಸಿಬಿಡುತ್ತದೆ. ಮಲಿನಗೊಂಡ ಮನಸ್ಸು ದೈಹಿಕ ಆರೋಗ್ಯವನ್ನೂ ಹಾಳುಗೆಡವುತ್ತದೆ. ನಿರ್ಮಲ ಮನಸ್ಸು ಆರೋಗ್ಯವನ್ನು ಕಾಪಾಡುತ್ತದೆ. ಅಂದ ಹಾಗೆ ಹೋಮಿಯೋಪಥಿ ಪ್ರಕಾರವೂ ಮಾನಸಿಕ ಮತ್ತು ದೈಹಿಕ ಅಸಮತೋಲನವೇ ಯಾವುದೇ ಕಾಯಿಲೆಗೆ ಕಾರಣ. ಹೋಮಿಯೋಪಥಿ ಚಿಕಿತ್ಸೆಯಲ್ಲಿ ರೋಗಿಯ ಕುಟುಂಬ, ಕಾರ್ಯಕ್ಷೇತ್ರ ಮತ್ತು ಸಮಾಜಕ್ಕೆ ಸಂಬಂಧಿಸಿದ ಎಲ್ಲ ಮಾಹಿತಿ ಪಡೆದೇ ಅದರ ಆಧಾರದಲ್ಲಿ ಔಷಧ ನೀಡಲಾಗುತ್ತದೆ. ಹೋಮಿಯೋಪಥಿಯಲ್ಲಿ ಮಾನಸಿಕ ಸಮತೋಲ ನಕ್ಕೂ ಚಿಕಿತ್ಸೆ ಇದೆ, ಕೊರೊನಾ ಸೇರಿದಂತೆ ಎಲ್ಲ ಕಾಯಿಲೆಗಳಿಗೂ ಚಿಕಿತ್ಸೆ ಇದೆ. ಕರೋನ ಚಿಂತೆ ಬಿಡಿ. ಮಾನಸಿಕ ಸಮತೋಲನ ಕಾಪಾಡಿ. (ಲೇಖಕರು ಖ್ಯಾತ ಹೋಮಿಯೋಪಥಿ ವೈದ್ಯರು)
from India & World News in Kannada | VK Polls https://ift.tt/2VNMCmA
