ಹೊಸದಿಲ್ಲಿ: ಕೊರೊನಾ ವೈರಸ್‌ಗೆ ದೇಶದಲ್ಲೇ ದೊಡ್ಡ ಮಟ್ಟಕ್ಕೆ ತತ್ತರಿಸಿದ ನಗರಗಳೆಂದರೆ ದೆಹಲಿ ಮತ್ತು . ಆದರೆ ಈ ಎರಡೂ ನಗರಗಳಿಗಿಂತ ಹೆಚ್ಚಿನ ಸಾವಿನ ದರ ಗುಜರಾತ್‌ ರಾಜಧಾನಿ ಅಹಮದಾಬಾದ್‌ನಲ್ಲಿ ದಾಖಲಾಗಿದೆ. ದೇಶದಲ್ಲಿ 28,622 ಸೋಂಕಿತರಿದ್ದು ಇವರಲ್ಲಿ 899 ಜನರು ಸಾವನ್ನಪ್ಪಿದ್ದಾರೆ. ಅಂದರೆ ಶೇ.3.1 ರಷ್ಟು ರೋಗಿಗಳು ಕೋವಿಡ್‌-19 ನಿಂದ ಅಸುನೀಗಿದ್ದಾರೆ. ಆದರೆ ಅಹಮದಾಬಾದ್‌ನಲ್ಲಿ ಬರೋಬ್ಬರಿ ಶೇ.4.71 ರಷ್ಟು ರೋಗಿಗಳು ಸೋಂಕಿನಿಂದ ಸಾವನ್ನಪ್ಪಿದ್ದಾರೆ. ನಗರದಲ್ಲಿ 2,167 ಸೋಂಕಿತರಿದ್ದು, ಇವರಲ್ಲಿ 102 ಜನರು ಇಲ್ಲಿಯವರೆಗೆ ಅಸುನೀಗಿದ್ದಾರೆ. ಮುಂಬಯಿಯಲ್ಲಿ ಅತೀ ಹೆಚ್ಚಿನ ಅಂದರೆ 204 ಜನರು ಸಾವನ್ನಪ್ಪಿದ್ದಾರೆ. ಇಲ್ಲಿ ಒಟ್ಟು 5,407 ಸೋಂಕಿತರಿದ್ದಾರೆ. ಆದರೆ ವಾಣಿಜ್ಯನಗರಿಯಲ್ಲಿ ಸಾವಿನ ಪ್ರಮಾಣ ಶೇ. 3.77 ರಷ್ಟಿದೆ. ಇನ್ನು ದಿಲ್ಲಿಯಲ್ಲಿ 2,919 ಸೋಂಕಿತರು ಇದ್ದಾರೆಯಾದರೂ ಇಲ್ಲಿ ಸಾವಿಗೀಡಾದವರ ಸಂಖ್ಯೆ ಕೇವಲ 54. ಅಂದರೆ ಶೇ. 1.85 ರಷ್ಟು ಜನರು ಇಲ್ಲಿ ಸಾವಿಗೀಡಾಗಿದ್ದಾರೆ. ಗುಜರಾತ್‌ನಲ್ಲಿ ಕೋವಿಡ್‌-19 ಸೋಂಕಿನಿಂದ ಸಾವಿಗೀಡಾದವರಲ್ಲಿ ಶೇ. 67.5 ರಷ್ಟು ಜನರು ಅಹಮದಾಬಾದ್‌ನವರಾಗಿದ್ದಾರೆ. ರಾಜ್ಯದಲ್ಲಿ ಇಲ್ಲಿಯವರೆಗೆ 3,301 ಪಾಸಿಟಿವ್‌ ಪ್ರಕರಣಗಳು ವರದಿಯಾಗಿದ್ದರೆ, 151 ಜನರು ಸಾವನ್ನಪ್ಪಿದ್ದಾರೆ. ಇನ್ನು ರಾಜ್ಯವಾರು ಸಾವಿನ ಪ್ರಮಾಣವನ್ನು ನೋಡುವುದಾದರೆ ಮಹಾರಾಷ್ಟ್ರ ಶೇ.4.24, ರಾಜಸ್ಥಾನ ಶೇ. 2.05, ಉತ್ತರ ಪ್ರದೇಶ ಶೇ. 1.51 ಮತ್ತು ತಮಿಳುನಾಡಿನಲ್ಲಿ ಶೇ.1.24 ಆಗಿದೆ. ಈ ಎಲ್ಲಾ ರಾಜ್ಯಗಳಲ್ಲಿ 1,500 ಕ್ಕಿಂತ ಹೆಚ್ಚಿನ ಪ್ರಕರಣಗಳು ವರದಿಯಾಗಿವೆ. ಆದರೆ ಮಧ್ಯ ಪ್ರದೇಶದಲ್ಲಿ ಮಾತ್ರ ಗುಜರಾತ್‌ಗಿಂತ ಹೆಚ್ಚಿನ ಸಾವಿನ ದರ ದಾಖಲಾಗಿದೆ. ಇಲ್ಲಿ ಶೇ. 4.93 ರಷ್ಟು ರೋಗಿಗಳು ಅಸುನೀಗಿದ್ದಾರೆ. ಒಟ್ಟಾರೆ ಗುಜರಾತ್‌ನಲ್ಲಿ ಕೊರೊನಾಗೆ ಶೇ. 4.57 ರಷ್ಟು ಸೋಂಕಿತರು ಸಾವನ್ನಪ್ಪಿದ್ದಾರೆ. ಸೋಮವಾರವೂ ಗುಜರಾತ್‌ನಲ್ಲಿ ಬರೋಬ್ಬರಿ 247 ಪ್ರಕರಣಗಳು ವರದಿಯಾಗಿವೆ. ಇದರಲ್ಲಿ 197 ಕೇಸ್‌ಗಳು ಅಹಮದಾಬಾದ್‌ನಿಂದಲೇ ವರದಿಯಾಗಿವೆ.
from India & World News in Kannada | VK Polls https://ift.tt/3f0yga4
