ಬೆಂಗಳೂರು: ನಿಯಂತ್ರಣಕ್ಕಾಗಿ ಲಾಕ್‌ಡೌನ್‌ ಜಾರಿಗೊಳಿಸಿದ ಬಳಿಕ ತಮ್ಮದಲ್ಲದ ನಾಡಿನಲ್ಲಿ ಸಿಕ್ಕಿಹಾಕಿಕೊಂಡಿರುವವರಿಗೆ ತವರಿಗೆ ಮರಳಲು ಒಂದು ಅವಕಾಶ ಸಿಕ್ಕಿದೆ. ಆದರೆ ಈ ಪ್ರಯಾಣ ಒಂದು ಬಾರಿ ಮಾತ್ರವಾಗಿದೆ. ಊರಿಗೆ ಮರಳಿದ ಬಳಿಕ ಲಾಕ್‌ಡೌನ್‌ ಸಂಪೂರ್ಣ ತೆರವುಗೊಳ್ಳುವ ವರೆಗೆ ವಾಪಸ್‌ ಆಗುವಂತಿಲ್ಲ. ಒಂದು ಬಾರಿ ಪ್ರಯಾಣಿಸಲು ಅವಕಾಶ ನೀಡಲಾಗಿರುವ ಪ್ರಯಾಣದ ಬಗೆಗಿನ ಪ್ರಮುಖಾಂಶಗಳು ಹೀಗಿವೆ. - ರಾಜ್ಯದಲ್ಲಿ ಸಿಕ್ಕಿಕೊಂಡಿರುವ ಕಾರ್ಮಿಕರು, ವಿದ್ಯಾರ್ಥಿಗಳು ಹಾಗೂ ಇತರರು ಅವರ ಸ್ವಂತ ರಾಜ್ಯಕ್ಕೆ ಪ್ರಯಾಣ ಬೆಳೆಸಬಹುದು. ಆದರೆ, ಅಲ್ಲಿಂದ ವಾಪಸ್‌ ಬರುವಂತಿಲ್ಲ. - ನಮ್ಮ ರಾಜ್ಯದೊಳಗೂ ಜಿಲ್ಲೆಯಿಂದ ಜಿಲ್ಲೆಗೆ ಒಮ್ಮೆ ಮಾತ್ರ ಪ್ರಯಾಣಿಸಬಹುದು. ಈ ಪ್ರಯಾಣಕ್ಕೆ ಮುನ್ನ ತಪಾಸಣೆ ಮಾಡಿಸಿಕೊಂಡಿರಬೇಕು. - ಪ್ರಯಾಣದ ಖರ್ಚನ್ನು ಜನರೇ ಭರಿಸಿಕೊಳ್ಳಬೇಕಾಗುತ್ತದೆ. ವಾಹನ ಬೇಕಾದರೆ ಕೆಎಸ್‌ಆರ್‌ಟಿಸಿ ಬಸ್‌ ವ್ಯವಸ್ಥೆ ಮಾಡಬಹುದು. - ಹೆಚ್ಚು ಜನರು ಇಲ್ಲದಿದ್ದರೆ ಟ್ಯಾಕ್ಸಿ, ಇನ್ನಿತರ ಲಘು ವಾಹನ ಮಾಡಿಕೊಂಡು ಹೋಗಲು ಪರವಾನಗಿ ನೀಡಲಾಗುತ್ತದೆ. - ಇದೇ ರೀತಿ ಬೇರೆ ರಾಜ್ಯದಲ್ಲಿ ಸಿಲುಕಿಕೊಂಡವರೂ ಒಂದು ಬಾರಿಗೆ ಅನ್ವಯವಾಗುವಂತೆ ನಮ್ಮ ರಾಜ್ಯಕ್ಕೆ ಬರಬಹುದು. - ಉದ್ಯಮದ ಸಂಬಂಧ ಜಿಲ್ಲೆಯಿಂದ ಜಿಲ್ಲೆಗೆ ಒಂದಕ್ಕಿಂತ ಹೆಚ್ಚು ಬಾರಿ ಪ್ರಯಾಣ ಮಾಡಬೇಕಿರುವ ಪ್ರತಿನಿಧಿಗಳಿಗೆ ಮಾತ್ರ ಷರತ್ತುಬದ್ಧವಾಗಿ ಅನುಮತಿ.
from India & World News in Kannada | VK Polls https://ift.tt/3f6s68D
