ಇಂಧೋರ್ (ಮಧ್ಯ ಪ್ರದೇಶ): ಉಲ್ಲಂಘಿಸಬೇಡಿ ಎಂದು ಜನರಿಗೆ ಎಷ್ಟು ಹೇಳಿದ್ರೂ ಕೇಳೋಕೇ ಸಿದ್ದರಿಲ್ಲ. ಕೊರೊನಾ ವೈರಸ್ ಹರಡದಂತೆ ತಡೆಯಲು ಸಾಮಾಜಿಕ ಅಂತರ ಕಾಪಾಡಬೇಕು, ಮನೆಯಿಂದ ಆದಷ್ಟೂ ಹೊರಬರದಂತೆ ಮುನ್ನೆಚ್ಚರಿಕೆ ವಹಿಸಬೇಕೆಂದು ಪೊಲೀಸರು ಪದೇ ಪದೇ ಎಚ್ಚರಿಕೆ ಕೊಡುತ್ತಲೇ ಇದ್ದಾರೆ. ಜೊತೆಯಲ್ಲೇ ಲಾಕ್ಡೌನ್ ಉಲ್ಲಂಘಿಸುವ ಮಂದಿಗೆ ಬಗೆಬಗೆಯ ಶಿಕ್ಷೆಗಳನ್ನು ನೀಡಿ ಸುದ್ದಿಯೂ ಆಗುತ್ತಿದ್ದಾರೆ..! ಲಾಕ್ಡೌನ್ ಉಲ್ಲಂಘಿಸುವ ಜನರಿಗೆ ರಸ್ತೆಯಲ್ಲಿ ವ್ಯಾಯಾಮ, ಯೋಗ ಎಲ್ಲಾ ಮಾಡಿಸಿದ್ದಾಯ್ತು. ಈಗ ಹೊಸ ಬಗೆಯ ಕೊಡೋಕೆ ಸೇನೆಯ ಅಧಿಕಾರಿ ಬಂದಿದ್ದಾರೆ. ಇಂಧೋರ್‌ನಲ್ಲಿ ನಿವೃತ್ತ ಸೇನಾ ಅಧಿಕಾರಿಯನ್ನು ಲಾಕ್ಡೌನ್ ಕಾನೂನು ಸುವ್ಯವಸ್ಥೆ ಕಾಯ್ದುಕೊಳ್ಳುವ ಕೆಲಸಕ್ಕೆ ನೇಮಿಸಲಾಗಿದೆ. ಇದೀಗ ಇವರು, ಲಾಕ್ಡೌನ್ ಉಲ್ಲಂಘಿಸುವ ಪಡ್ಡೆ ಹುಡುಗರಿಗೆ ಬಿಸಿಲಲ್ಲಿ ಬೆವರಿಳಿಸುತ್ತಿದ್ದಾರೆ. ಸೇನೆಯಲ್ಲಿ ತರಬೇತಿಗೆ ಬರುವ ಹುಡುಗರಿಗೆ, ಎನ್‌ಸಿಸಿ ಅಭ್ಯರ್ಥಿಗಳಿಗೆ ನೀಡುವ ರೀತಿಯಲ್ಲಿ ಇದೀಗ ನಡುರಸ್ತೆಯಲ್ಲಿ ಶಿಕ್ಷೆ ನೀಡುತ್ತಿದ್ದಾರೆ ನಿವೃತ್ತ ಸೇನಾಧಿಕಾರಿ..! ಇವರು ಶಿಕ್ಷೆ ನೀಡುತ್ತಿರುವ ದೃಶ್ಯ, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಬಗೆಬಗೆಯ ಶಿಕ್ಷೆಗಳನ್ನು ನೀಡುತ್ತಿರುವ ಸೇನಾಧಿಕಾರಿ, ವಿಡಿಯೋ ಮೂಲಕ ಜನರ ಮನಸ್ಸನ್ನೂ ರಂಜಿಸುತ್ತಿದ್ಧಾರೆ. ಬಸ್ಕಿ ಹೊಡೆಸುವುದು, ಲಗಾಟಿ ಹೊಡೆಸುವುದೂ ಸೇರಿದಂತೆ ಹಲವು ಕಸರತ್ತುಗಳನ್ನು ಲಾಕ್ಡೌನ್ ಉಲ್ಲಂಘಿಸುವ ಮಂದಿ ಮಾಡಬೇಕಿದೆ. ಸೇನೆಯ ಸಮವಸ್ತ್ರ ಧರಿಸಿದ ಅಧಿಕಾರಿ ರಸ್ತೆಯಲ್ಲಿ ನಿಂತು ಕಾನೂನು ಸುವ್ಯವಸ್ಥೆ ನೋಡಿಕೊಳ್ತಿರೋದಕ್ಕೆ ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಜೊತೆಯಲ್ಲೆ ಇವರು ಕೊಡುವ ಶಿಕ್ಷೆಗಳು ಕೆಲವೊಂದು ಮಾರಣಾಂತಿಕವಾಗಿವೆ ಎಂಬ ಆರೋಪಗಳೂ ಕೇಳಿ ಬರ್ತಿದೆ. ಅದನೇ ಇರಲಿ, ಲಾಕ್ಡೌನ್ ಯುಗದಲ್ಲಿ ನಿವೃತ್ತ ಸೇನಾಧಿಕಾರಿಯ ಈ ಸಿವಿಲ್ ಸರ್ವೀಸ್ ಮೆಚ್ಚಲೇ ಬೇಕು.
from India & World News in Kannada | VK Polls https://ift.tt/3aIyvDB
