ಬೆಂಗಳೂರು: ರಾಜ್ಯದಲ್ಲಿ ಸ್ವಲ್ಪ ಮಟ್ಟಿಗೆ ತಣ್ಣಗಾಗಿದ್ದ ಗುರುವಾರ ಮತ್ತೆ ಆರ್ಭಟಿಸಿದೆ. ಕಳೆದ ನಾಲ್ಕು ದಿನಗಳಲ್ಲಿ ಕರ್ನಾಟಕದಲ್ಲಿ ಕೇವಲ 34 ಪ್ರಕರಣಗಳು ವರದಿಯಾಗಿದ್ದವು. ಆದರೆ ಗುರುವಾರ ಒಂದೇ ದಿನ ಅದೂ ಮಧ್ಯಾಹ್ನ ಮೊದಲೇ 22 ಪ್ರಕರಣಗಳು ದೃಢಪಟ್ಟಿವೆ. ಈ ಮೂಲಕ ರಾಜ್ಯದ ಒಟ್ಟು ಕೋವಿಟ್‌-19 ಪ್ರಕರಣಗಳ ಸಂಖ್ಯೆ 557ಕ್ಕೆ ಏರಿಕೆಯಾಗಿದೆ. ಹೊಸದಾಗಿ ಪತ್ತೆಯಾಗಿರುವ ಪ್ರಕರಣಗಳಲ್ಲಿ 14 ಜಿಲ್ಲೆಯೊಂದರಿಂದಲೇ ವರದಿಯಾಗಿವೆ. ಇನ್ನು ವಿಜಯಪುರದಲ್ಲಿ 2 ಮತ್ತು ನಗರದಲ್ಲಿ 3 ಪ್ರಕರಣಗಳು ದೃಢಪಟ್ಟಿವೆ. ಕೋವಿಡ್‌-19 ತಣ್ಣಗಾಗಿದ್ದ ದಕ್ಷಿಣ ಕನ್ನಡ, ತುಮಕೂರು ಮತ್ತು ದಾವಣಗೆರೆಯಲ್ಲಿ ತಲಾ 1 ಪ್ರಕರಣಗಳು ಖಚಿತವಾಗಿವೆ. ಈ ಮೂರೂ ಜಿಲ್ಲೆಗಳು ಒಂದು ಹಂತದಲ್ಲಿ ಕೊರೊನಾ ಮುಕ್ತ ಜಿಲ್ಲೆಯಾಗುವ ಹಾದಿಯಲ್ಲಿದ್ದವು. ಆದರೆ ಇದೀಗ ನಿರಂತರ ಒಂದೊಂದೇ ಪ್ರಕರಣಗಳು ವರದಿಯಾಗಲು ಆರಂಭವಾಗಿವೆ. ಅದರಲ್ಲೂ ದಾವಣಗೆರೆಯಲ್ಲಿ ಬುಧವಾರ ಬರೋಬ್ಬರಿ 34 ದಿನಗಳ ನಂತರ ಮೊದಲ ಪ್ರಕರಣ ವರದಿಯಾಗಿತ್ತು. ಇದೀಗ ಗುರುವಾರ ಇಲ್ಲಿ ಒಬ್ಬರ ಕೊರೊನಾ ವರದಿ ಪಾಸಿಟಿವ್‌ ಬಂದಿದೆ. ದಕ್ಷಿಣ ಕನ್ನಡದಲ್ಲಿ ಕೊರೊನಾ ವೈರಸ್‌ ರೋಗಿಯ ಸಂಪರ್ಕದಲ್ಲಿದ್ದ 58 ವರ್ಷದ ಮಹಿಳೆಯಲ್ಲಿ ಸೋಂಕು ಕಾಣಿಸಿಕೊಂಡಿದ್ದರೆ, ವಿಜಯಪುರದಲ್ಲೂ ಸೋಂಕಿತರೊಂದಿಗೆ ಸಂಪರ್ಕದಲ್ಲಿದ್ದ 62 ವರ್ಷ ಪುರುಷ ಮತ್ತು 33 ವರ್ಷದ ಮಹಿಳೆಯಲ್ಲಿ ಸೋಂಕು ಕಾಣಿಸಿಕೊಂಡಿದೆ.
ಬೆಳಗಾವಿಯ 14 ಸೋಂಕಿತರಲ್ಲಿ 12 ಜನರು ಹಿರೇಬಾಗೇವಾಡಿಯವರಾಗಿದ್ದಾರೆ. ಇವರಲ್ಲಿ 8 ವರ್ಷದ ಬಾಲಕಿ ಮತ್ತು 16 ಹಾಗೂ 18 ವರ್ಷ ಬಾಲಕರೂ ಸೇರಿದ್ದಾರೆ. ಇನ್ನಿಬ್ಬರು ಸೋಂಕಿತರು ಹುಕ್ಕೇರಿಯವರಾಗಿದ್ದು ಇವರಲ್ಲಿ ಓರ್ವ 9 ವರ್ಷದ ಬಾಲಕನಾಗಿದ್ದಾನೆ. ತುಮಕೂರಿನಲ್ಲಿ 65 ವರ್ಷದ ಮಹಿಳೆ ಮತ್ತು ದಾವಣಗೆರೆಯಲ್ಲಿ 69 ವರ್ಷದ ಪುರುಷರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಇವರಲ್ಲಿ ದಾವಣಗೆರೆಯ ವ್ಯಕ್ತಿ ತೀವ್ರ ಉಸಿರಾಟದ ಸಮಸ್ಯೆ ಎದುರಿಸುತ್ತಿದ್ದಾರೆ. ಇನ್ನು ಬೆಂಗಳೂರಿನಲ್ಲಿ ಪತ್ತೆಯಾಗಿರುವ ಮೂರು ಪ್ರಕರಣಗಳಲ್ಲಿ ಇಬ್ಬರು ಪಾದರಾಯನಪುರ ವಾರ್ಡ್‌ನ ಸಂಪರ್ಕಿತರಾಗಿದ್ದಾರೆ. ಇನ್ನೊಬ್ಬರು 63 ವರ್ಷದ ಪುರುಷರಾಗಿದ್ದು ತೀವ್ರ ಉಸಿರಾಟದ ಸಮಸ್ಯೆ (SARI) ಯಿಂದ ಬಳಲುತ್ತಿದ್ದಾರೆ. 7 ಜನರು ಗುಣಮುಖ ಇದೇ ಅವಧಿಯಲ್ಲಿ ರಾಜ್ಯದಲ್ಲಿ ಕೊರೊನಾ ವೈರಸ್‌ ಸೋಂಕಿನಿಂದ 7 ಜನರು ಗುಣಮುಖರಾಗಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ ಸೋಂಕಿನಿಂದ ಚೇತರಿಸಿಕೊಂಡವ ಸಂಖ್ಯೆ 227ಕ್ಕೆ ಏರಿದೆ. ಇನ್ನು ಕೋವಿಡ್‌-19ನಿಂದ 21 ಜನರು ಸಾವಿಗೀಡಾಗಿದ್ದರೆ, ರೋಗಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಮೂಲಕ ರಾಜ್ಯ 22 ಕೊರೊನಾ ಸೋಂಕಿತರನ್ನು ಕಳೆದುಕೊಂಡಿದೆ.
from India & World News in Kannada | VK Polls https://ift.tt/3cW8cuU
