ಬೆಂಗಳೂರು: ಕೇಂದ್ರದ ಮಾರ್ಗಸೂಚಿಯನ್ನು ನಿರೀಕ್ಷಿಸಿ ರೆಡ್‌ ಝೋನ್‌ ಹೊರತು ಪಡಿಸಿ ಇತರ ವಲಯದಲ್ಲಿ ಕೈಗಾರಿಕೆ ಪ್ರಾರಂಭಕ್ಕೆ ಅನುಮತಿ ನೀಡಲು ಸಚಿವ ಸಂಪುಟ ಸಭೆ ನಿರ್ಧರಿಸಿದೆ. ಹಾಗೆಯೇ ಕಾರ್ಮಿಕರು, ವಿದ್ಯಾರ್ಥಿಗಳು, ಇತರ ಉದ್ಯೋಗಿಗಳು ಒಂದು ಬಾರಿಗೆ ಅಂತಾರಾಜ್ಯ ಹಾಗೂ ಅಂತರ್‌ ಜಿಲ್ಲಾ ಪ್ರಯಾಣ ಕೈಗೊಳ್ಳಲು ಒಪ್ಪಿಗೆ ನೀಡಲೂ ತೀರ್ಮಾನಿಸಿದೆ. ಸಿಎಂ ಬಿ.ಎಸ್‌.ಯಡಿಯೂರಪ್ಪ ಅಧ್ಯಕ್ಷತೆಯಲ್ಲಿಗುರುವಾರ ನಡೆದ ಸಂಪುಟ ಸಭೆಯಲ್ಲಿಈ ಬಗ್ಗೆ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕೈಗಾರಿಕೆ ಆರಂಭಕ್ಕೆ ಹಸಿರುವ ವಲಯದಲ್ಲಿನೀಡಿದ್ದ ಅವಕಾಶವನ್ನು ಇದೀಗ ರೆಡ್‌ ಝೋನ್‌ ಬಿಟ್ಟು ಉಳಿದ ಕಡೆಗೂ ವಿಸ್ತರಿಸಲಾಗಿದೆ ಎಂದು ಕೈಗಾರಿಕೋದ್ಯಮಿಗಳ ಜತೆಗಿನ ಸಭೆಯ ಬಳಿಕ ತಿಳಿಸಿದರು. ಮೇ 3ರ ಬಳಿಕ ಕೇಂದ್ರದಿಂದ ಬರುವ ಮಾರ್ಗಸೂಚಿ ಆಧರಿಸಿ ಇನ್ನಷ್ಟು ಸಡಿಲಿಕೆ, ಉತ್ತೇಜನಾ ಕ್ರಮಗಳನ್ನು ಕೈಗೊಳ್ಳುವ ಭರವಸೆ ನೀಡಿದ್ದಾರೆ. ಈ ನಡುವೆಯೂ ಮದ್ಯ ಮಾರಾಟ, ಹೋಟೆಲ್‌ ಉದ್ಯಮ ಆರಂಭ ಹಾಗೂ ಸೆಲೂನ್‌ ಶಾಪ್‌ ತೆರೆಯುವುದರ ಬಗ್ಗೆ ಮೇ 3ರ ಬಳಿಕವೇ ತೀರ್ಮಾನ ಕೈಗೊಳ್ಳಲಾಗುತ್ತದೆ. ಈ ನಿಟ್ಟಿನಲ್ಲಿ ಕೇಂದ್ರದ ಮಾರ್ಗಸೂಚಿಗೆ ಕಾಯಲಾಗುತ್ತಿದೆ. ಕಾನೂನು ಸಚಿವ ಜೆ.ಸಿ.ಮಾಧುಸ್ವಾಮಿ ಸಂಪುಟ ಸಭೆಯ ಮಾಹಿತಿ ನೀಡಿದರು. ನಿಯಂತ್ರಣ ವಲಯ ಮಾತ್ರ ಸೀಲ್‌ ನಿಯಂತ್ರಣ ವಲಯ ಹೊರತು ಪಡಿಸಿ ಇತರ ಎಲ್ಲಾ ಕಡೆ ಕೈಗಾರಿಕೆ ಪ್ರಾರಂಭಿಸುವುದಕ್ಕೂ ಸಂಪುಟ ಒಲವು ತೋರಿದೆ. ಸಂಪುಟ ಸಭೆ ಬಳಿಕ ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಿಎಂ ಬಿ.ಎಸ್‌.ಯಡಿಯೂರಪ್ಪ, ''ನಿಯಂತ್ರಣ ವಲಯವೊಂದನ್ನು ಹೊರತು ಪಡಿಸಿ ಉಳಿದೆಲ್ಲಕಡೆಯೂ ಮೇ 4ರ ಬಳಿಕ ಕೈಗಾರಿಕೆಗೆ ಅನುಮತಿ ನೀಡುವ ಉದ್ದೇಶವಿದೆ. ಒಂದು ರೀತಿಯಲ್ಲಿ ಕೋವಿಡ್‌ ಕಾಟ ನಿಯಂತ್ರಣಕ್ಕೆ ಬರುತ್ತಿದೆ ಎಂದು ಎನಿಸುತ್ತಿದೆ. ಬೆಂಗಳೂರಿನಲ್ಲಿ ಕಳೆದ 3-4 ದಿನದಿಂದ ಹೆಚ್ಚು ಪ್ರಕರಣಗಳು ಪತ್ತೆಯಾಗಿಲ್ಲ. ಹಾಗಾಗಿ ಬೆಂಗಳೂರು ಮತ್ತು ಸುತ್ತಮುತ್ತವೂ ಕೈಗಾರಿಕೆ ಆರಂಭಿಸಲು ಅನುಕೂಲವಾಗಬಹುದು. ಈ ದಿಕ್ಕಿನಲ್ಲಿ ಇನ್ನೊಂದೆರಡು ದಿನ ಕಾಯ್ದು ನೋಡಲಾಗುವುದು,'' ಎಂದು ಹೇಳಿದರು. ಪಾರ್ಸೆಲ್‌ ಕೊಡಬಹುದುಮದ್ಯ ಮಾರಾಟ, ಹೋಟೆಲ್‌ ಆರಂಭ, ಸೆಲೂನ್‌ ಶಾಪ್‌ ಆರಂಭಿಸುವ ಬಗ್ಗೆ ನಿರ್ಧರಿಸಿಲ್ಲ. ಮೇ 3ರ ಬಳಿಕ ಸೂಕ್ತ ತೀರ್ಮಾನ ತೆಗೆದುಕೊಳ್ಳಲಾಗುವುದು. ಆದರೆ, ಹೋಟೆಲ್‌ಗಳಲ್ಲಿ ಊಟ, ತಿಂಡಿ ಪಾರ್ಸೆಲ್‌ ಕೊಡಬಹುದು ಎಂದು ಸಿಎಂ ಬಿ.ಎಸ್‌.ಯಡಿಯೂರಪ್ಪ ತಿಳಿಸಿದರು. 3-4 ತಿಂಗಳು ಇದ್ದೀತುಕೋವಿಡ್‌ ಸಮಸ್ಯೆ ಇನ್ನೂ 3-4 ತಿಂಗಳು ಇದ್ದರೆ ಅಚ್ಚರಿಯಿಲ್ಲ. ಹಾಗಾಗಿ ಕೋವಿಡ್‌ ನಿರ್ವಹಣೆ ಮತ್ತು ಆರ್ಥಿಕ ಚಟುವಟಿಕೆ ಒಟ್ಟೊಟ್ಟಿಗೆ ಹೋಗಬೇಕು. ಇದು ಪ್ರಧಾನಿಯವರ ಆಶಯವೂ ಆಗಿದೆ. ಕೇಂದ್ರದಿಂದ ಬರುವ ಮಾರ್ಗಸೂಚಿ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತದೆ. - ಬಿ.ಎಸ್‌.ಯಡಿಯೂರಪ್ಪ, ಸಿಎಂ
from India & World News in Kannada | VK Polls https://ift.tt/2yV3dfB
