ನವದೆಹಲಿ: ದೇಶದಲ್ಲಿ ಮುಸ್ಲಿಂ ಬಾಂಧವರು ರಂಜಾನ್ ತಿಂಗಳ ಆಚರಣೆಯನ್ನು ಆರಂಭಿಸಿದ್ದು, ಪರಿಣಾಮವಾಗಿ ಮನೆಯಲ್ಲೇ ವಿಶೇಷ ಪ್ರಾರ್ಥನೆಗಳನ್ನು ನೆರವೇರಿಸುತ್ತಿದ್ದಾರೆ. ಈ ಮಧ್ಯೆ ರಂಜಾನ್ ತಿಂಗಳ ಆಚರಣೆಗೆ ಶುಭ ಕೋರಿದ್ದು, ಈದ್ ಹಬ್ಬಕ್ಕೂ ಮೊದಲೇ ಮಾರಕ ಕೊರೊನಾ ವೈರಸ್ ಜಗತ್ತಿನಿಂದ ಕಾಲ್ಕಿತ್ತುವಂತಾಗಲಿ ಎಂದು ಹಾರೈಸಿದ್ದಾರೆ. ತಮ್ಮ 64ನೇ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಆಚರಿಸುತ್ತಿರುವ ಮುಸಲ್ಮಾನ್ ಬಾಂಧವರಿಗೆ ಶುಭ ಕೋರಿದರು. ಈ ಒಂದು ತಿಂಗಳ ಅವಧಿಯಲ್ಲೇ ಮಾರಕ ಕೊರೊನಾ ವೈರಸ್ ಈ ಜಗತ್ತಿನಿಂದ ನಿರ್ನಾಮವಾಗಿ ನಮ್ಮ ಮುಸ್ಲಿಂ ಸಹೋದರರು ಈದ್ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸುವಂತಾಗಲಿ ಎಂದು ಪ್ರಧಾನಿ ಮೋದಿ ಹಾರೈಸಿದ್ದಾರೆ. ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಇಡೀ ದೇಶ ಒಗ್ಗಟ್ಟಾಗಿದ್ದು, ಧರ್ಮದ ಗಡಿಗಳನ್ನು ಮೀರಿ ಜನ ಈ ಹೋರಾಟದಲ್ಲಿ ಒಂದಾಗಿ ಭಾಗಿಯಾಗಿದ್ದಾರೆ ಎಂದು ಪ್ರಧಾನಿ ಮೋದಿ ಸಂತಸ ವ್ಯಕ್ತಪಡಿಸಿದ್ದಾರೆ. ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಭಾರತ ತೋರಿರುವ ಏಕತೆಯ ಪ್ರದರ್ಶನವನ್ನು ಭವಿಷ್ಯದಲ್ಲಿ ಇಡೀ ವಿಶ್ವ ಸ್ಮರಿಸಲಿದೆ ಎಂದೂ ಪ್ರಧಾನಿ ಮೋದಿ ಈ ವೇಳೆ ಅಭಿಪ್ರಾಯಪಟ್ಟಿದ್ದಾರೆ.
from India & World News in Kannada | VK Polls https://ift.tt/2VWxYso
