ತಿರುವನಂತಪುರ: ಕೇರಳದ ಇಡುಕ್ಕಿ, ಕೊಟ್ಟಾಯಂ, ಕೊಲ್ಲಂ, ತಿರುವನಂತಪುರಗಳಲ್ಲಿ ಹೊಸ ಕೊರೊನಾ ಸೋಂಕು ಪತ್ತೆಯಾಗುವುದರೊಂದಿಗೆ, ರಾಜ್ಯವು ನಿಧಾನವಾಗಿ ಅಪಾಯಕಾರಿ ಹಂತಕ್ಕೆ ಜಾರುತ್ತಿರುವ ಬಗ್ಗೆ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ ಎಲ್‌ ಸಂತೋಷ್‌ ಕಿಡಿ ಕಾರಿದ್ದಾರೆ. ಪೂರ್ತಿ ರಾಜ್ಯವೇ ರೆಡ್‌ ಝೋನ್‌ನತ್ತ ವಾಲಿದೆ. 20 ಸಾವಿರ ಕೋಟಿ ರೂ. ಪ್ಯಾಕೇಜ್‌ ಗಾಳಿಯಲ್ಲಿ ತೂರಿ ಹೋದಂತಾಗಿದೆ. ಸರಕಾರಿ ಸಿಬ್ಬಂದಿ ಸಂಬಳವನ್ನು ಹಿಡಿದಿಡಲಾಗಿದೆ. ಈ ರೀತಿ ಮಾಡುತ್ತಿರುವ ಮೊದಲ ರಾಜ್ಯ ಕೇರಳ ಎಂದು ಸಂತೋಷ್‌ ಅಸಮಾಧಾನ ವ್ಯಕ್ತ ಪಡಿಸಿದ್ದಾರೆ. ಸರಣಿ ಟ್ವೀಟ್‌ ಮಾಡಿರುವ ಬಿ ಎಲ್‌ ಸಂತೋಷ್‌ ಕೇರಳ ಸರಕಾರದ ನಡೆಗಳನ್ನು ಕಟುವಾಗಿ ಟೀಕಿಸಿದ್ದಾರೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಎಚ್ಚೆತ್ತುಕೊಳ್ಳಬೇಕು. ಪರಿಸ್ಥಿತಿಯನ್ನು ರಾಜಕೀಯಗೊಳಿಸುವುದನ್ನು ಬಿಟ್ಟು ಕೊರೊನಾ ತಡೆಗೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು. ನಿಮ್ಮ ಜೊತೆಗೆ ಕೇರಳ ಬಿಜೆಪಿ ಇದೆ. ಅತ್ಯಂತ ಕರಾರುವಾಕ್‌ ಆಗಿ ಕಾರ್ಯ ನಿರ್ವಹಿಸುವ ಬಿಜೆಪಿಯ ಸಾಮಾಜಿಕ ತಂಡ ನಿಮ್ಮೊಂದಿಗಿದೆ. ಕೇರಳಕ್ಕೆ ಉತ್ತಮ ಭವಿಷ್ಯವಿದೆ ಎಂದು ಸಲಹೆ ನೀಡಿದ್ದಾರೆ. ಪಿಣರಾಯಿ ಸರಕಾರವನ್ನು ಬಿ ಎಲ್‌ ಸಂತೋಷ್‌ ತರಾಟೆಗೆ ತೆಗೆದುಕೊಂಡಿರುವುದು ಹೀಗೆ...
- ಇಡುಕ್ಕಿ, ಕೊಟ್ಟಾಯಂ, ಕೊಲ್ಲಂ, ತಿರುವನಂತರಪುರದಲ್ಲಿ ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿವೆ. ಇಡೀ ರಾಜ್ಯವೇ ರೆಡ್‌ ಝೋನ್‌ನತ್ತ ಹೊರಳಿದೆ.
- 20,000 ಕೋಟಿ ರೂ. ಪ್ಯಾಕೇಜ್‌ ಗಾಳಿಗೆ ತೂರಿ ಹೋಗಿದೆ. ಸರಕಾರಿ ಸಿಬ್ಬಂದಿ ಸಂಬಳವನ್ನು ಹಿಡಿದಿಟ್ಟುಕೊಳ್ಳಲಾಗಿದೆ. ಹೀಗೆ ಮಾಡಿದ ಮೊದಲ ರಾಜ್ಯ ಕೇರಳ.
- ಗುರುವಾರ ನಾಲ್ಕು ಪಾಸಿಟಿವ್‌ ಪ್ರಕರಣಗಳು ದಾಖಲಾಗಿವೆ. 25 ಮಂದಿಯನ್ನು ವಾಪಸ್‌ ಪರೀಕ್ಷೆಗೆ ಕಳುಹಿಸಲಾಗಿದೆ. ಏಕೆ?
- ಕೇರಳದ ಐಎಂಎ ಸಿಎಂ ಪಿಣರಾಯಿ ವಿಜಯನ್‌ ಅವರಿಗೆ ಕಟುವಾಗಿ ಪತ್ರ ಬರೆದಿದೆ.
- ವಿತ್ತ ಸಚಿವ ಡಾ. ಥಾಮಸ್‌ ಐಸಾಕ್‌ ರಾಜ್ಯದ ಆರ್ಥಿಕತೆ ಹಳ್ಳಹಿಡಿದಿರುವ ಬಗ್ಗೆ ಸಾರ್ವಜನಿಕವಾಗಿ ಹೇಳಿ ನೀಡಿದ್ದಾರೆ. ಹಾಗಿದ್ದ ಮೇಲೆ ಪ್ಯಾಕೇಜ್‌ ಘೋಷಿಸಿದ್ದು ಏಕೆ?
- ಕರ್ನಾಟಕದಲ್ಲಿ 55,504 ಕೊರೊನಾ ವೈರಸ್‌ ಪರೀಕ್ಷೆಗಳನ್ನು ನಡೆಸಲಾಗಿದೆ. ಇದರಲ್ಲಿ 534 ಪಾಸಿಟಿವ್‌ ಕಂಡು ಬಂದಿದೆ. ಅದೇ ಕೇರಳದಲ್ಲಿ 23,980 ಪರೀಕ್ಷೆಗಳನ್ನು ನಡೆಸಲಾಗಿದೆ. ಆದರೆ 2 ಲಕ್ಷ ಪರೀಕ್ಷೆಗಳನ್ನು ನಡೆಸಲಾಗಿದೆ ಎಂದಿದೆ. ಹಾಗಿದ್ದರೆ ಅಷ್ಟು ಕೊರೊನಾ ಪರೀಕ್ಷಾ ಕಿಟ್ಸ್‌ ಅವರ ಬಳಿ ಎಲ್ಲಿವೆ?
- ರಾಜ್ಯದಲ್ಲಿರುವ 284 ತಬ್ಲಿಘಿ ಜಮಾತ್‌ ಸಭೆಯಲ್ಲಿ ಪಾಲ್ಗೊಂಡವರನ್ನು ಪತ್ತೆ ಮಾಡಲು ಇದುವರೆಗೆ ಸಾಧ್ಯವಾಗಿಲ್ಲ. ಅವರ ಫೋನ್‌ಗಳು ಸ್ವಿಚ್ಆಫ್‌ ಆಗಿವೆ ಎಂದು ಕಾರಣ ನೀಡಲಾಗುತ್ತಿದೆ.
- ಈಗಾಗಲೇ 3.5 ಲಕ್ಷ ಮಂದಿ ಗಲ್ಫ್‌ನಿಂದ ವಾಪಸಾಗುತ್ತಿದ್ದಾರೆ. ಎಚ್ಚರಗೊಳ್ಳಿ ಪಿಣರಾಯಿ ವಿಜಯನ್‌.
from India & World News in Kannada | VK Polls https://ift.tt/3aOrwJo
