ವಾಷಿಂಗ್ಟನ್: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮೂಡಿ ಮನುಷ್ಯ ಎಂಬುದು ಎಲ್ಲರಿಗೂ ಗೊತ್ತು. ಆದರೆ ಇಡೀ ಟ್ರಂಪ್ ಆಡಳಿತವೇ ಮೂಡಿಯಾಗಿದೆ ಎಂಬುದು ಬಹುತೇಕರಿಗೆ ಗೊತ್ತಿಲ್ಲ. ಇದಕ್ಕೆ ಪುಷ್ಠಿ ಎಂಬಂತೆ ಕೇವಲ ಮೂರು ವಾರಗಳ ಹಿಂದೆ ಅವರನ್ನು ಅಕೌಂಟ್‌ನ್ನು ಫಾಲೋ ಮಾಡಲು ಆರಂಭಿಸಿದ್ದ ಅಮೆರಿಕದ , ಇದೀಗ ಪ್ರಧಾನಿ ಮೋದಿ ಅವರನ್ನು ಅನ್‌ಫಾಲೋ ಮಾಡಿ ಗಮನ ಸೆಳೆದಿದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮನವಿ ಮೇರೆಗೆ ಭಾರತ ಮೇಲೆರಿಯಾ ರೋಗಕ್ಕೆ ನೀಡುವ ಔಷಧಿ ಮತ್ತು ಮಾತ್ರೆಗಳನ್ನು ಅಮೆರಿಕಕ್ಕೆ ಕಳುಹಿಸಿಕೊಟ್ಟಿತ್ತು. ಮಾತ್ರೆಗಳನ್ನು ಸ್ವೀಕರಿಸಿದ ಟ್ರಂಪ್ ಭಾರತದ ಸಹಾಯವನ್ನು ಎಂದೂ ಮರೆಯವುದಿಲ್ಲ ಎಂದೆಲ್ಲಾ ಕೊಂಡಾಡಿದ್ದರು. ಇದಾದ ಕೆಲವೇ ದಿನಗಳಲ್ಲಿ ಅಮೆರಿಕದ ಶ್ವೇತಭವನ ತನ್ನ ಅಧಿಕೃತ ಟ್ವಿಟ್ಟರ್ ಅಕೌಂಟ್‌ ಮೂಲಕ ಪ್ರಧಾನಿ ಮೋದಿ, ಪ್ರಧಾನಿ ಕಚೇರಿ, ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಹಾಗೂ ರಾಷ್ಟ್ರಪತಿ ಭವನ, ಅಮೆರಿಕದಲ್ಲಿರುವ ಭಾರತದ ರಾಯಭಾರ ಕಚೇರಿ ಹಾಗೂ ಭಾರತದಲ್ಲಿರುವ ಅಮೆರಿಕದ ರಾಯಭಾರ ಕಚೇರಿಯನ್ನು ಫಾಲೋ ಮಾಡತೊಡಗಿತು. ಭಾರತದ ಈ ಪ್ರಮುಖ ಆರು ಅಕೌಂಟ್‌ಗಳನ್ನು ಫಾಲೋ ಮಾಡಿದ ಪರಿಣಾಮವಾಗಿ ಶ್ವೇತಭವನದ ಟ್ವಿಟ್ಟರ್ ಅಕೌಂಟ್‌ಗೆ 21.5 ಮಿಲಿಯನ್ ಹೊಸ ಫಾಲೋವರ್ಸ್‌ಗಳು ಸೇರ್ಪಡೆಗೊಂಡಿದ್ದರು. ಅಲ್ಲದೇ ಶ್ವೇತಭವನ ಫಾಲೋ ಮಾಡುತ್ತಿದ್ದ ವಿದೇಶಿ ಅಕೌಂಟ್‌ಗಳ ಸಂಖ್ಯೆ 19 ಕ್ಕೆ ಏರಿಕೆಯಾಗಿತ್ತು. ಆದರೆ ಇದೀಗ ತಾನು ಫಾಲೋ ಮಾಡುವ ವಿದೇಶಿ ನಾಯಕರ ಸಂಖ್ಯೆಯನ್ನು13ಕ್ಕೆ ಇಳಿಸಿಕೊಂಡಿರುವ ಶ್ವೇತಭವನ ತನ್ನ ಫಾಲೋವರ್ಸ್‌ಗಳ ಸಂಖ್ಯೆಯನ್ನು 0.5 ಮಿಲಿಯನ್‌ಗೆ ಕಡಿತ ಮಾಡಿಕೊಂಡಿದೆ. ಅಂದರೆ ಪ್ರಧಾನಿ ಮೋದಿ ಅವರನ್ನೂ ಸೇರಿಸಿ ಒಟ್ಟು ಆರು ಅಕೌಂಟ್‌ಗಳನ್ನು ಶ್ವೇತಭವನ ಅನ್‌ಫಾಲೋ ಮಾಡಿದೆ. ಆದರೆ ಶ್ವೇತಭವನವೇಕೆ ಪ್ರಧಾನಿ ಮೋದಿ ಸೇರಿದಂತೆ ಒಟ್ಟು ಆರು ಟ್ವಿಟ್ಟರ್ ಅಕೌಂಟ್‌ಗಳನ್ನು ಅನ್‌ಫಾಲೋ ಮಾಡಿದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.
from India & World News in Kannada | VK Polls https://ift.tt/2VKeF6G
