ಗುಜರಾತ್‌: ಕೊರೊನಾ ವೈರಸ್‌ ಅಟ್ಟಹಾಸದ ಹಿನ್ನೆಲೆ ದೇಶದಾದ್ಯಂತ ಲಾಕ್‌ಡೌನ್‌ ಘೋಷಣೆಯಾಗಿದೆ. ಅನೇಕ ಜನರು ಮನೆಯ ಹೊರಗೆ ಹೋಗಿ ಕೆಲಸ ಮಾಡಲಾಗದೆ ಮನೆಯಲ್ಲೆ ಕುತಿದ್ದಾರೆ. ಸುಮ್ಮನೆ ಕೂರಲಾಗದೆ ಕೆಲವರು ನಿದ್ದೆ, ಪುಸ್ತಕ ಓದಿ ಸಮಯ ಕಳೆದ್ರೆ ಇನ್ನು ಕೆಲವರು ಆನ್‌ಲೈನ್‌ ಗೇಮ್‌ಗಳ ಮೊರೆ ಹೋಗಿದ್ದಾರೆ. ಸದ್ಯ ಸಖತ್‌ ಟ್ರೆಂಡಿಂಗ್‌ನಲ್ಲಿರುವ ಲುಡೋ ಆಟದಲ್ಲಿ ಚಿಕ್ಕವರು, ದೊಡ್ಡವರೆನ್ನದೆ ನಿರತರಾಗಿದ್ದು, ಇದೇ ಲುಡೋ ಆಟ ಈಗ ಗುಜರಾತ್‌ನಲ್ಲಿ ಪತಿ ಪತ್ನಿಯ ಸೊಂಟ ಮುರಿಯುವಂತೆ ಮಾಡಿದೆ.
ಇಬ್ಬರ ನಡುವೆ ಆಗಿದ್ದೇನು..?
ಇದು ನಡೆದಿದ್ದು ಗುಜರಾತ್‌ನ ವಡೋದರದಲ್ಲಿ. ಪತಿ ಎಲೆಕ್ಟ್ರಾನಿಕ್‌ ಅಂಗಡಿಯೊಂದರಲ್ಲಿ ಕೆಲಸದಲ್ಲಿದ್ದಾನೆ. 24 ವರ್ಷದ ಪತ್ನಿ ಕೂಡ ಮಕ್ಕಳಿಗೆ ಟ್ಯೂಷನ್‌ ನೀಡುತ್ತಿದ್ದಾಳೆ. ಸದ್ಯ ಲಾಕ್‌ಡೌನ್‌ ಹಿನ್ನೆಲೆ ಇಬ್ಬರಿಗೂ ಕೆಲಸವಿಲ್ಲದೆ ಮನೆಯಲ್ಲೆ ಇದ್ದಾರೆ. ಲಾಕ್‌ಡೌನ್‌ ಇರೋದ್ರಿಂದ ಪತಿ ಮನೆಯಿಂದ ಹೊರಗೆ ಹೋಗೋದನ್ನ ತಪ್ಪಿಸುವ ಉದ್ದೇಶದಿಂದ ಪತ್ನಿ ಲುಡೋ ಆಡುವ ಬಗ್ಗೆ ಗಂಡನ ಜೊತೆ ಕೇಳಿಕೊಂಡಿದ್ದಾಳೆ. ಇದಕ್ಕೆ ಪತಿ ಕೂಡ ಒಪ್ಪಿಕೊಂಡಿದ್ದಾನೆ. ಇಬ್ಬರೂ ನಿರಂತರ ಲುಡೋ ಆಟವನ್ನ ಆಡಿದ್ದಾರೆ. ಆದ್ರೆ ಪತ್ನಿ ನಿರಂತರವಾಗಿ ಗಂಡನನ್ನ ಲುಡೋದಲ್ಲಿ ಸೋಲಿಸಿದ್ದಾಳೆ. ಇದರಿಂದ ಕೋಪಗೊಂಡ ಪತಿ, ಪತ್ನಿಯ ಜೊತೆ ವಾಗ್ವಾದ್ದಕ್ಕೆ ಇಳಿದಿದ್ದಾನೆ. ಇದು ನಂತರ ಇವರಿಬ್ಬರ ನಡುವೆ ಕದನಕ್ಕೆ ಕಾರಣವಾಗಿದೆ. ಗಂಡ ಕೋಪದಿಂದ ಹೆಂಡತಿಗೆ ಹೊಡೆದಿದ್ದಾನೆ. ಇದರ ಪರಿಣಾಮ ಪತ್ನಿಯ ಬೆನ್ನು ಮೂಳೆ ಮುರಿದಿದೆ.
ಕೋಪಕ್ಕೆ ಇತ್ತು ಮತ್ತೊಂದು ಕಾರಣ..?
ಪತ್ನಿಯ ಗೆಲವು ಹಾಗೂ ಆಕೆಯ ಬುದ್ದಿವಂತಿಕೆ ಪತಿಯ ಸ್ವಾಭಿಮಾನಕ್ಕೆ ಘಾಸಿ ಮಾಡಿತ್ತು ಅಂತ ಇವರಿಬ್ಬರನ್ನ ಸಮಾಲೋಚನೆ ನಡೆಸಿದ ಅಭಯಂ ಸಂಸ್ಥೆಯ ಸಲಹೆಗಾರರು ತಿಳಿಸಿದ್ದಾರೆ. ಅದಲ್ಲದೆ ಪತ್ನಿ ಟ್ಯೂಷನ್‌ ಮೂಲಕ ಉತ್ತಮ ಹಣ ಸಂಪಾದಿಸುತ್ತಿದ್ದುದು ಮನೆಯ ಜವಾಬ್ಧಾರಿ ತೆಗೆದುಕೊಳ್ಳುತ್ತಿದ್ದಳಂತೆ. ಇವೆಲ್ಲ ಗಂಡನ ಸ್ವಾಭಿಮಾನಕ್ಕೆ ನೋವು ಉಂಟು ಮಾಡಿತ್ತು ಅಂತಲೂ ಸಮಾಲೋಚಕರು ತಿಳಿಸಿದ್ದಾರೆ.
ಸದ್ಯ ಪತ್ನಿ ಮೂಳೆ ವೈದ್ಯರನ್ನ ಭೇಟಿ ಮಾಡಿ ಚಿಕಿತ್ಸೆ ಪಡೆದುಕೊಂಡಿದ್ದು ಕೊಂಚ ಆರಾಮವಾಗಿ ನಡೆಯುತ್ತಿದ್ದಾಳಂತೆ. ಅಲ್ಲದೆ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಪತ್ನಿ ಪತಿ ಬಳಿ ಹೋಗದೆ ತನ್ನ ಪೋಷಕರ ಮನೆಯಲ್ಲಿದ್ದಳಂತೆ. ಬಳಿಕ ಸಮಾಲೋಚಕರು ಇವರಿಬ್ಬರನ್ನ ಒಂದೆ ಕಡೆ ಕೂರಿಸಿ ಸಲಹೆಗಳನ್ನ ಕೊಟ್ಟಿದ್ದರಂತೆ. ಅಲ್ಲದೆ ಪತ್ನಿ ಮೇಲೆ ದೌರ್ಜನ್ಯ ನಡೆಸೋದು ಅಪರಾಧ ಎಂದು ಪತಿಗೆ ಮನವರಿಕೆ ಮಾಡಿ ಕೊಟ್ಟಿದ್ದಾರೆ. ಸದ್ಯ ಪತ್ನಿ ಕೂಡ ಯಾವುದೇ ದೂರು ನೀಡದ ಹಿನ್ನೆಲೆ ಇಬ್ಬರಿಗೂ ಮನವರಿಕೆ ಮಾಡಿ, ಸುಖವಾ ಬಾಳಿ ಎಂದು ಸಮಾಲೋಚಕರು ಮನೆಗೆ ಕಳುಹಿಸಿ ಕೊಟ್ಟಿದ್ದಾರೆ.
from India & World News in Kannada | VK Polls https://ift.tt/3aIhwBk
