ವಾಷಿಂಗ್‌ಟನ್‌ ಡಿಸಿ (): ಕೊರೊನಾ ವೈರಸ್‌ಗೆ ಮತ್ತಷ್ಟು ಸೇರಿದ್ದು, ಅಮೆರಿಕದ ಉನ್ನತ ವೈದ್ಯಕೀಯ ಸಂಸ್ಥೆ ಹೊಸ ಲಕ್ಷಣಗಳನ್ನು ಪಟ್ಟಿ ಮಾಡಿದೆ. ರೋಗ ನಿಯಂತ್ರಣ ಮತ್ತು ಮುನ್ನೆಚ್ಚರಿಕಾ ಕೇಂದ್ರ (ಸಿಡಿಸಿ) ಕೊರೊನಾದ ಮತ್ತಷ್ಟು ಲಕ್ಷಣಗಳನ್ನು ಪಟ್ಟಿ ಮಾಡಿ, ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ. ಜಾಗತಿಕವಾಗಿ ಮೇಲೆ ನಿಗಾ ಇಟ್ಟಿರುವ ಜೊತೆಗೆ ಅತ್ಯುನ್ನತ ಪ್ರಯೋಗಗಳನ್ನು ಸಿಡಿಸಿ ಸಂಸ್ಥೆ ಮಾಡುತ್ತಿದೆ. ಕೊರೊನಾ ವೈರಸ್‌ ಸೋಂಕಿತರಲ್ಲಿ ಬಹಳಷ್ಟು ರೋಗ ಲಕ್ಷಣಗಳು ಕಂಡುಬಂದಿವೆ. ಲಘು ಲಕ್ಷಣಗಳಿಂದ ಗಂಭೀರ ಅನಾರೋಗ್ಯದವರೆಗೂ ಕೊರೊನಾ ಲಕ್ಷಣಗಳು ಜಾಗತಿಕವಾಗಿ ವರದಿಯಾಗಿವೆ. ಈ ಲಕ್ಷಣಗಳು ಕೊರೊನಾ ವೈರಸ್‌ ತಗುಲಿ 2 ರಿಂದ 14 ದಿನಗಳ ಒಳಗೆ ಕಾಣುತ್ತವೆ ಎಂದು ಸಿಡಿಸಿ ಹೇಳಿದೆ. ಶೀತ, ಸ್ನಾಯು ಸೆಳೆತ, ತಲೆ ನೋವು ಮತ್ತು ರುಚಿ, ವಾಸನೆಯನ್ನು ಕಳೆದುಕೊಳ್ಳುವುದು ಕೊರೊನಾದ ಹೊಸ ಲಕ್ಷಣಗಳಾಗಿವೆ. ಈ ಲಕ್ಷಣಗಳು ವಿಶ್ವ ಆರೋಗ್ಯ ಸಂಸ್ಥೆ ತನ್ನ ವೆಬ್‌ಪೇಜ್‌ನಲ್ಲಿ ಪಟ್ಟಿ ಮಾಡಿಲ್ಲ. ಡಬ್ಲ್ಯೂಎಚ್‌ಒದ ವೆಬ್‌ಪೇಜ್‌ನಲ್ಲಿ ಜ್ವರ, ಒಣ ಕೆಮ್ಮು, ಸುಸ್ತು, ಅಲರ್ಜಿ, ನೋವು, ಗಂಟಲು ಕಿರಿಕಿರಿಯಂತಹ ಲಕ್ಷಣಗಳನ್ನು ಪಟ್ಟಿ ಮಾಡಲಾಗಿದ್ದು, ಈಗ ಅಮೆರಿಕ ಸಂಸ್ಥೆ ಈ ಪಟ್ಟಿಗೆ ಮತ್ತಷ್ಟು ಅಂಶಗಳನ್ನು ಸೇರಿಸಿದೆ. ಸಿಡಿಸಿ ಮತ್ತು ಡಬ್ಲ್ಯೂಎಚ್‌ಒ ಎರಡು ವೆಬ್‌ಸೈಟ್‌ಗಳಲ್ಲಿ ಜ್ವರ, ಕೆಮ್ಮು, ಉಸಿರಾಟದ ತೊಂದರೆಯನ್ನು ಕೊರೊನಾ ವೈರಸ್‌ ಲಕ್ಷಣಗಳಲ್ಲಿ ಪಟ್ಟಿ ಮಾಡಲಾಗಿದೆ. ಈ ಪಟ್ಟಿಯಲ್ಲಿ ಎಲ್ಲ ಲಕ್ಷಣಗಳನ್ನು ಉಲ್ಲೇಖಿಸಲು ಆಗುವುದಿಲ್ಲ. ನಿಮ್ಮ ಆರೋಗ್ಯದಲ್ಲಿ ಏನಾದರೂ ಸಮಸ್ಯೆಯಾದರೆ ವೈದ್ಯರನ್ನು ಸಂಪರ್ಕಿಸಿ ಎಂದು ಸಿಡಿಸಿ ಹೇಳಿದೆ. ಕೊರೊನಾ ವೈರಸ್‌ ಕಳೆದ ಡಿಸೆಂಬರ್‌ನಲ್ಲಿ ಚೀನಾದ ವುಹಾನ್‌ ಪ್ರಾಂತ್ಯದಲ್ಲಿ ಮೊದಲು ಕಂಡುಬಂದಿತ್ತು. ಈಗ ಜಗತ್ತಿನ ಎಲ್ಲ ದೇಶಗಳು ಕೊರೊನಾ ವೈರಸ್‌ನಿಂದ ಬಾಧಿಸುತ್ತಿವೆ. ವಿಜ್ಞಾನಿಗಳು ಇನ್ನು ಕೊರೊನಾದ ಲಕ್ಷಣಗಳನ್ನು ಅಧ್ಯಯನ ಮಾಡುತ್ತಿರುವಾಗ ಜಗತ್ತು ಕೊರೊನಾಗೆ ತತ್ತರಿಸಿದೆ. ಈ ವೈರಸ್‌ ಮಾನವನಲ್ಲಿ ಹಿಂದೆಂದೂ ಕಂಡುಬಂದಿರಲಿಲ್ಲ. ಆದ್ದರಿಂದ ಕೊರೊನಾ ವೈರಸ್‌ ಅಧ್ಯಯನವನ್ನು ವಿಜ್ಞಾನಿಗಳು ಬಹಳ ಸೂಕ್ಷ್ಮವಾಗಿ ನಡೆಸುತ್ತಿದ್ದಾರೆ. ವೃದ್ಧರು, ಮೊದಲೇ ಬಿಪಿ, ಹೃದಯ, ಶ್ವಾಸಕೋಶ ಸಮಸ್ಯೆ, ಮಧುಮೇಹ, ಕ್ಯಾನ್ಸರ್‌ನಂತಹ ಆರೋಗ್ಯ ಸಮಸ್ಯೆಗಳನ್ನು ಹೊಂದಿದವರು ಕೊರೊನಾ ವೈರಸ್‌ ಬಂದರೆ ಹೆಚ್ಚು ಗಂಭೀರ ಸ್ಥಿತಿಗೆ ತಲುಪುತ್ತಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದು, ಶೇ.80ರಷ್ಟು ಜನ ಕೊರೊನಾದಿಂದ ಗುಣಮುಖರಾಗುತ್ತಿದ್ದಾರೆ. ಪ್ರತಿ 5 ಜನರಲ್ಲಿ ಒಬ್ಬರು ಮಾತ್ರ ಕೊರೊನಾ ವೈರಸ್‌ನಿಂದ ಗಂಭೀರ ಸಮಸ್ಯೆಯನ್ನು ಅನುಭವಿಸುತ್ತಿದ್ದಾರೆ ಎಂದು ಜಾಗತಿಕ ಸಂಸ್ಥೆ ಹೇಳಿದೆ.
from India & World News in Kannada | VK Polls https://ift.tt/2W3jqqX
