ನವದೆಹಲಿ: ಭಾರತದ ವೈದ್ಯಕೀಯ ಮತ್ತು ಔಷಧ ಉತ್ಪಾದನಾ ಸಾಮರ್ಥ್ಯ ವಿಶ್ವಕ್ಕೆ ಸದಾ ಲಭ್ಯವಿರಲಿದ್ದು, ಸಂಕಷ್ಟದಲ್ಲಿರುವ ಯಾವುದೇ ರಾಷ್ಟ್ರಕ್ಕೆ ವೈದ್ಯಕೀಯ ನೆರವು ನೀಡಲು ಸಿದ್ಧ ಎಂದು ಪ್ರದಾನಿ ಮೋದಿ ಹೇಳಿದ್ಧಾರೆ. ಕೆನಡಾದ ಪ್ರಧಾನಿ ಜೊತೆ ದೂರವಾಣಿಯಲ್ಲಿ ಮಾತನಾಡಿದ , ಸಂಕಷ್ಟದ ಸಮಯದಲ್ಲಿ ಅನಿವಾಸಿ ಭಾರತೀಯರ ಯೋಗಕ್ಷೇಮದ ಜವಾಬ್ದಾರಿ ನಿಭಾಯಿಸಿದ ಟ್ರುಡೋ ಅವರಿಗೆ ಧನ್ಯವಾದ ಅರ್ಪಿಸಿದರು, ಭಾರತ-ಕೆನಡಾದ ಜಂಟಿ ಸಹಭಾಗಿತ್ವದಲ್ಲಿ ಕೊರೊನಾ ವೈರಸ್ ವಿರುದ್ಧದ ಹೋರಾಟವನ್ನು ಯಶಸ್ವಿಗೊಳಿಸಲು ಉಭಯ ನಾಯಕರು ಈ ವೇಳೆ ಸಮ್ಮತಿ ಸೂಚಿಸಿದ್ದಾರೆ. ಪರಸ್ಪರ ಸಹಕಾರ ಮತ್ತು ವೈದ್ಯಕೀಯ ಸಂಶೋಧನೆಗಳನ್ನು ಪರಸ್ಪರ ಹಂಚಿಕೊಳ್ಳುವ ಮೂಲಕ ಮಾರಕ ವೈರಣುವನ್ನು ತೊಲಗಿಸಲು ಪ್ರಯತ್ನಿಸುವುದಾಗಿ ಮೋದಿ ಹಾಗೂ ಟ್ರುಡೊ ಪಣ ತೊಟ್ಟಿದ್ದಾರೆ. ಭಾರತದ ವೈದ್ಯಕೀಯ ಔಷಧ ಉತ್ಪಾದನಾ ಸಾಮರ್ಥ್ಯ ಕೆನಡಾ ಸೇರಿದಂತೆ ಇಡೀ ವಿಶ್ವಕ್ಕೆ ಸದಾ ಲಭ್ಯವಿರಲಿದೆ ಎಂದಯ ಭರವಸೆ ನೀಡಿರುವ ಪ್ರಧಾನಿ ಮೋದಿ, ಪರಸ್ಪರ ಸಹಕಾರದಿಂದಲೇ ಕೊರೊನಾ ವೈರಸ್ ಹೋಗಲಾಡಿಸಲು ಸಾಧ್ಯ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಒಟ್ಟಿನಲ್ಲಿ ಕೊರೊನಾ ವೈರಸ್ ಹಾವಳಿಯ ಹಿನ್ನೆಲೆಯಲ್ಲಿ ವಿಶ್ವದ ರಾಷ್ಟ್ರಗಳಿಗೆ ಭಾರತದ ವೈದ್ಯಕೀಯ ನೆರವು ಮುಂದುವರೆದಿದ್ದು, ಪ್ರಧಾನಿ ಮೋದಿ ಮತ್ತು ಭಾರತಕ್ಕೆ ಧನ್ಯವಾದ ಅರ್ಪಿಸುವ ರಾಷ್ಟ್ರಗಳ ಪಟ್ಟಿ ಬೆಳೆಯುತ್ತಲೇ ಇದೆ.
from India & World News in Kannada | VK Polls https://ift.tt/2xgWhJ2
