ಹೈದರಬಾದ್‌: ಮಿಂಚಿನಂತೆ ಹರಡುತ್ತಿರುವ ಕೊರೊನಾ ವೈರಸ್‌ಗೆ ಚಿಕಿತ್ಸೆ ಇಲ್ಲದೆ ಇಡೀ ವಿಶ್ವ ಬೆಚ್ಚಿಬಿದ್ದಿರುವಾಗ, ಭಾರತದ ಕಂಪನಿಯೊಂದು ಕೊರೊನಾ ವೈರಸ್‌ಗೆ ಲಸಿಕೆ ಅಭಿವೃದ್ಧಿಪಡಿಸುತ್ತಿರುವುದಾಗಿ ಘೋಷಿಸಿ ಅಚ್ಚರಿ ಮೂಡಿಸಿದೆ. ಹೈದರಾಬಾದ್ ಮೂಲದ ಭಾರತ್-ಬಯೋಟೆಕ್ ಎಂಬ ಫಾರ್ಮಸಿ ಕಂಪನಿ 'ಕೊರೊಫ್ಲೂ' ಎಂದು ಕರೆಯಲ್ಪಡುವ ಕೊರೊನಾವೈರಸ್ ಕಾಯಿಲೆ (ಕೋವಿಡ್ -19) ವಿರುದ್ಧ ‘ಇಂಟ್ರಾನಾಸಲ್’ ಎನ್ನುವ ಲಸಿಕೆ ಶೋಧಿಸುತ್ತಿದೆ. ಭಾರತ್ ಬಯೋಟೆಕ್ ಸಂಸ್ಥೆಯು ಈ ಯೋಜನೆಗಾಗಿ ವಿಸ್ಕಾನ್ಸಿನ್-ಮ್ಯಾಡಿಸನ್ ವಿಶ್ವವಿದ್ಯಾಲಯ ಹಾಗೂ ಅಮೆರಿಕ ಮೂಲದ ಲಸಿಕೆ ಕಂಪನಿ ಫ್ಲುಜೆನ್ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಸದ್ಯ ಕೊರೊಫ್ಲೂ ಅಮೆರಿಕದಲ್ಲಿ ಪ್ರಾಣಿಗಳ ಮೇಲಿನ ಪರೀಕ್ಷೆಯ ಹಂತದಲ್ಲಿದೆ. ಮತ್ತು ಮುಂದಿನ ಮೂರು ತಿಂಗಳಲ್ಲಿ ಮಾನವ ಪ್ರಯೋಗಗಳಿಗೆ ತೆರಳುವ ನಿರೀಕ್ಷೆಯಿದೆ ಎನ್ನಲಾಗಿದೆ. ಭಾರತ್ ಬಯೋಟೆಕ್ ಕಂಪನಿಯು ಕೊರೊನಾ ವೈರಸ್‌ಗೆ ವ್ಯಾಕ್ಸಿನ್ ಸಿದ್ದಪಡಿಸಲಿದ್ದು, 300 ಮಿಲಿಯನ್ ಡೋಸ್ ವ್ಯಾಕ್ಷಿನ್‌ ಉತ್ಪಾದನೆಗೆ ತಯಾರಿ ನಡೆಸಲಾಗಿದೆ. ಲಸಿಕೆಯನ್ನು ವಿಶ್ವಾದ್ಯಂತ ಪೂರೈಕೆ ಮಾಡಲಾಗುವುದು. ಈಗಾಗಲೇ ಪ್ಲುಜೆನ್‌ ಕಂಪನಿಯು ಲಸಿಕೆ ತಯಾರಿಕೆ ಪ್ರಕ್ರಿಯೆಗೆ ಬೇಕಾಗುವ ತಂತ್ರಾಂಶವನ್ನು ನೀಡಲಿದೆ ಎಂದು ಭಾರತ್ ಬಯೋಟೆಕ್ ಮೂಲಗಳು ತಿಳಿಸಿವೆ. ಜುಲೈ ವೇಳೆಗೆ ಮಾನವರಲ್ಲಿ ಲಸಿಕೆಯ ಸುರಕ್ಷತೆ ಮತ್ತು ಪರಿಣಾಮಕಾರಿತ್ವವನ್ನು ಪರೀಕ್ಷೆ ಮಾಡಲಾಗುತ್ತದೆ. ಅಕ್ಟೋಬರ್ ವೇಳೆಗೆ ಮಾನವನ ಕ್ಲಿನಿಕಲ್ ಪ್ರಯೋಗಳು ಆಗಬಹದು 'ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ. ಭಾರತ್ ಬಯೋಟೆಕ್ ಲಸಿಕೆಯನ್ನು ತಯಾರಿಸುತ್ತಿದ್ದು, ಜಾಗತಿಕ ವಿತರಣೆಗಾಗಿ ಸುಮಾರು 300 ಮಿಲಿಯನ್ ಡೋಸ್ ಲಸಿಕೆಗಳನ್ನು ಉತ್ಪಾದಿಸಲು ಸಿದ್ಧವಾಗಲಿದೆ ಎಂದು ಭಾರತ್ ಬಯೋಟೆಕ್‌ನ ವ್ಯವಹಾರ ಅಭಿವೃದ್ಧಿ ಮುಖ್ಯಸ್ಥ ರಾಚೆಸ್ ಎಲಾ ಹೇಳಿದ್ದಾರೆ.2009 ರ ಸಾಂಕ್ರಾಮಿಕ ರೋಗಕ್ಕೆ ಕಾರಣವಾದ ಎಚ್ 1 ಎನ್ 1 ಜ್ವರ ವಿರುದ್ಧ ಲಸಿಕೆಯನ್ನು ಕೂಡ ಭಾರತ್ ಬಯೋಟೆಕ್ ಅಭಿವೃದ್ಧಿಪಡಿಸಿದೆ. ಭಾರತದ ಹೆಮ್ಮೆಯ ಸಂಸ್ಥೆ: ಭಾರತದ ಹೆಮ್ಮೆಯ ಸಂಸ್ಥೆಯಾಗಿದ್ದು, ಈಗಾಗಲೇ 19 ಲಸಿಕೆಗಳನ್ನು ಅಭಿವೃದ್ಧಿಪಡಿಸಿದ ಕೀರ್ತಿ ಹೊಂದಿದೆ. ಅತಿಸಾರ (ಭೇದಿ )ಕ್ಕೆ ರೊಟಾವ್ಯಾಕ್ ಎಂಬ ಲಸಿಕೆ ಅಭಿವೃದ್ಧಿಪಡಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿರುವ ತೃತೀಯ ರಾಷ್ಟ್ರಗಳ ಮೊದಲ ಕಂಪನಿ ಎಂಬ ಹೆಗ್ಗಳಿಕೆ ಹೊಂದಿದೆ. ಜಿಕಾ ವೈರಸ್ ತಡೆಯುವ ಜಿಕಾವ್ಯಾಕ್ ಲಸಿಕೆ ಸಂಶೋಧಿಸಿದೆ. ಇದೇ ಅಲ್ಲದೆ, ಟೈಫಾಯಿಡ್ ಜ್ವರಕ್ಕೆ ಟೈಪರ್ ಟಿಸಿವಿ ಎಂಬ ಲಸಿಕೆಯನ್ನೂ ಮಾರುಕಟ್ಟೆಗೆ ಬಿಟ್ಟಿದೆ. ಚಿಕೂನ್‌ ಗುನ್ಯ ಲಸಿಕೆ ಸಿದ್ಧಪಡಿಸಿದೆ. ಇದೀಗ ವಿಶ್ವವನ್ನೇ ತಲ್ಲಣಗೊಳಿಸಿರುವ ಕೊರೊನಾ ವೈರಸ್‌ಗೆ ಲಸಿಕೆ ಶೋಧಿಸುತ್ತಿದೆ.
from India & World News in Kannada | VK Polls https://ift.tt/3c1wDab
