ಹೊಸದಿಲ್ಲಿ: ಭಾರತೀಯ ಕ್ರಿಕೆಟ್ ಕಂಡ ಅತ್ಯಂತ ಅಬ್ಬರದ ಎಡಗೈ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾಗಿದ್ದಾರೆ. ಏಕಾಂಗಿಯಾಗಿ ಹೋರಾಡಿ ತಂಡವನ್ನು ಗೆಲ್ಲಿಸಿಕೊಡುವ ತಾಕತ್ತು ಅವರ ಬ್ಯಾಟಿಂಗ್‌ ಶೈಲಿಯಲ್ಲಿದೆ. 2007ರ ಟಿ20 ವಿಶ್ವಕಪ್‌ ಹಾಗೂ 2011ರ ಏಕದಿನ ವಿಶ್ವಕಪ್‌ ಭಾರತ ಗೆಲ್ಲುವಲ್ಲಿ ಯುವರಾಜ್ ಸಿಂಗ್ ಮಹತ್ತರ ಪಾತ್ರವಹಿಸಿದ್ದರು. ಮಾರಣಾಂತಿಕ ಕ್ಯಾನ್ಸರ್‌ ಕಾಯಿಲೆಯನ್ನು ಗೆದ್ದಿದ್ದ ಎಡಗೈ ಬ್ಯಾಟ್ಸ್‌ಮನ್‌, ಡ್ರೆಸ್ಸಿಂಗ್‌ ಕೊಠಡಿಯಲ್ಲಿ ಹಾಸ್ಯಮಯ ವ್ಯಕ್ತಿಯಾಗಿ ಕಾಣಿಸಿಕೊಳ್ಳುತ್ತಿದ್ದರು. ತಂಡದ ಆಟಗಾರರ ಮೇಲೆ ಸದಾ ಕುಚೇಷ್ಟೆಗಳನ್ನು ಮಾಡುತ್ತಾ ಎಲ್ಲರ ಕಾಲನ್ನು ಎಳೆಯುತ್ತಿದ್ದರು. ಆದರೆ, ಹಿರಿಯ ಆಟಗಾರರ ಮುಂದೆ ಸೌಮ್ಯತೆ ಕಾಪಾಡಿಕೊಳ್ಳುತ್ತಿದ್ದರು. ಏಕೆಂದರೆ, ಹಿರಿಯ ಆಟಗಾರರು ಯುವರಾಜ್ ಸಿಂಗ್‌ಗೆ ಆಗಾಗ್ಗೆ ಗದರುತ್ತಿದ್ದರು. "ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನದ ಆರಂಭದ ದಿನಗಳಲ್ಲಿ ಕೆಲ ಹಿರಿಯ ಆಟಗಾರರು ನನ್ನನ್ನು ಬೈಯುತ್ತಿದ್ದರು. , ವೆಂಕಟೇಶ್ ಪ್ರಸಾದ್‌, ಮೊಹಮ್ಮದ್‌ ಕೈಪ್‌ ಅವರು ನನನ್ನು ಗದರುತ್ತಿದ್ದರು. ಆದರೆ, ಮೈದಾನದಲ್ಲಿ ಅನಿಲ್ ಕುಂಬ್ಳೆ ಸಾಕಷ್ಟು ಬೈದಿದ್ದಾರೆ. ಆದರೆ, ಇದರಿಂದ ನಾನು ಸಾಕಷ್ಟು ಪಾಠ ಕಲಿತಿದ್ದೇನೆ,'' ಎಂದು ಸ್ಪೋರ್ಟ್ಸ್‌ ಸಂದರ್ಶನದಲ್ಲಿಯುವಿ ಬಹಿರಂಗಪಡಿಸಿದ್ದಾರೆ. ಎರಡು ದಶಕಗಳ ಸುದೀರ್ಘ ವೃತ್ತಿ ಜೀವನ ಅನುಭವಿಸಿದ ಬಳಿಕ ಕಳೆದ ವರ್ಷ ಪಂಜಾಬ್‌ ಆಟಗಾರ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದರು. ತಮ್ಮ ಒಟ್ಟಾರೆ ವೃತ್ತಿ ಬದುಕಿನಲ್ಲಿ ಮಾಜಿ ನಾಯಕ ಸೌರವ್ ಗಂಗೂಲಿ ಅವರು ನೀಡಿದ್ದ ಸಹಕಾರ ಬೆಲೆ ಕಟ್ಟಲಾಗದು ಎಂದು ಎಡಗೈ ಬ್ಯಾಟ್ಸ್‌ಮನ್‌ ಹೇಳಿಕೊಂಡಿದ್ದಾರೆ. "ಸೌರವ್ ಗಂಗೂಲಿ ಅವರ ನಾಯಕತ್ವದಲ್ಲಿ ಕ್ರಿಕೆಟ್ ಆಡುವಾಗ ಅವರಿಂದ ಸಾಕಷ್ಟು ಸಹಕಾರ ಸಿಕ್ಕಿತ್ತು. ನಂತರ, ಮಹೇಂದ್ರ ಸಿಂಗ್ ಧೋನಿ ನಾಯಕತ್ವವನ್ನು ತೆಗೆದುಕೊಂಡರು. ಮಾಹಿ ಹಾಗೂ ಗಂಗೂಲಿ ಅವರ ನಾಯಕತ್ವವನ್ನು ಹೋಲಿಕೆ ಮಾಡುವುದು ಕಷ್ಟ. ಸೌರವ್ ಗಂಗೂಲಿ ಅವರ ನಾಯಕತ್ವದಲ್ಲಿ ಹೆಚ್ಚು ಮರೆಯಲಾಗದ ನೆನಪುಗಳಿವೆ. ಏಕೆಂದರೆ, ಅವರು ನನಗೆ ಸಾಕಷ್ಟು ಸಹಕಾರ, ಬೆಂಬಲಿ ನೀಡಿದ್ದರು,'' ಎಂದು ಹಳೆಯದನ್ನು ಮೆಲುಕು ಹಾಕಿದರು. ಒಂದೇ ಓವರ್‌ನಲ್ಲಿ 6 ಸಿಕ್ಸರ್‌ಗಳನ್ನು ಸಿಡಿಸಿದ ಪ್ರತಿಷ್ಠಿತ ದಾಖಲೆಯನ್ನು ಹೊಂದಿರುವ ಎಡಗೈ ಬ್ಯಾಟ್ಸ್‌ಮನ್‌, ಮೈದಾನದ ಹೊರಗೆಯೂ ಅದ್ಭುತ ಮನುಷ್ಯತ್ವವನ್ನು ಹೊಂದಿರುವ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ. "ವೈಯಕ್ತಿಕ ವಿಚಾರಗಳನ್ನು ಚರ್ಚಿಸಲು ಮನೋಶಾಸ್ತ್ರಜ್ಞರ ಅಗತ್ಯವಿದೆ. ಅತ್ಯುತ್ತಮ ವ್ಯಕ್ತಿಯಾಗಲು ಇದು ನೆರವಾಗುತ್ತದೆ. ಅವರು ತಂಡದಲ್ಲಿ ವೈಫಲ್ಯದಂಥ ಇತರ ವಿಷಯಗಳನ್ನು ಚರ್ಚಿಸುತ್ತಾರೆ. ಇದು ನನ್ನ ವೃತ್ತಿ ಜೀವನದಲ್ಲಿ ಬಹಳಷ್ಟು ಸಹಾಯ ಮಾಡಿತು. ಭವಿಷ್ಯ ಅವರಂಥ(ಗಂಗೂಲಿ) ಯಾರಾದರೂ ಒಬ್ಬ ವ್ಯಕ್ತಿ ತಂಡಕ್ಕೆ ಅಗತ್ಯವಿದೆ,'' ಎಂದು ಯುವರಾಜ್ ಸಿಂಗ್ ಹೇಳಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2UP89tC
