ಬೆಂಗಳೂರು: ಕೊರೊನಾ ಸೋಂಕು ಹರಡುತ್ತಿರುವುದರಿಂದ ಆತಂಕಕ್ಕೊಳಗಾಗಿರುವ ಜನರು ಸಾಕಷ್ಟು ಎಚ್ಚರಿಕೆಗಳನ್ನು ವಹಿಸುತ್ತಿದ್ದಾರೆ. ಕಟ್ಟುನಿಟ್ಟಿನ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುವ ಜೊತೆಗೆ ಮಾಸ್ಕ್ ಹಾಗೂ ಸಾನಿಟೈಸರ್ ಮೊರೆ ಹೋಗುತ್ತಿದ್ದಾರೆ. ಮನೆಯಿಂದ ಅಗತ್ಯ ಕಾರಣಗಳಿಗಾಗಿ ಹೊರಹೋಗುವ ಸಂದರ್ಭದಲ್ಲಿ ಸಾನಿಟೈಸರ್ಗಳನ್ನು ಬಳಸುತ್ತಿದ್ದಾರೆ. ವೈರಾಣುಗಳನ್ನು ನಾಶ ಮಾಡಲು ಸಾನಿಟೈಸರ್ ಪರಿಣಾಮಕಾರಿಯಾದರೂ ಅದನ್ನು ಬಳಸುವಾಗ ಕೊಂಚ ಎಚ್ಚರಿಕೆ ಅಗತ್ಯ. ಕೊರೊನಾ ಭಯದ ಹಿನ್ನೆಲೆಯಲ್ಲಿ ಸಾನಿಟೈಸರ್ ಬಳಕೆ ಹೆಚ್ಚಾದ ಕಾರಣದಿಂದಾಗಿ ಬೆಂಗಳೂರು ಪೊಲೀಸರು ಕೆಲವೊಂದು ಮುನ್ನಚ್ಚರಿಕೆಗಳನ್ನು ನಿಡುವ ಮೂಲಕ ಜನರಲ್ಲಿ ಅರಿವು ಮೂಡಿಸಲು ಮುಂದಾಗಿದ್ದಾರೆ. ವಿಡಿಯೋ ಮೂಲಕ ಸಾನಿಟೈಸರ್ ಬಳಸುವಾಗ ಎಚ್ಚರಿಕೆ ವಹಿಸಿಕೊಳ್ಳಬೇಕು ಎಂದು ಸೂಚಿಸಿದ್ದಾರೆ. ಸಾನಿಟೈಸರ್ನಲ್ಲಿ ಆಲ್ಕೋಹಾಲಿಕ್ ಅಂಶ ಇರುವುದರಿಂದ ಬೆಂಕಿ ತಗಲುವ ಸಾಧ್ಯತೆ ಹೆಚ್ಚಾಗಿದೆ. ಈ ನಿಟ್ಟಿನಲ್ಲಿ ಇದನ್ನು ಬೆಂಕಿಯಿಂದ ದೂರ ಇಡಬೇಕಾಗಿದೆ. ಇನ್ನು ಸಾನಿಟೈಸರ್ ಹಚ್ಚಿಕೊಂಡು ಅಡುಗೆ ಕೆಲಸ ಮಾಡುವಾಗ ಸ್ವಚ್ಚ ಎಚ್ಚರಿಕೆಯಿಂದ ಇರಬೇಕು. ಸಾನಿಟೈಸರ್ ಹಚ್ಚಿಕೊಂಡ ಕೈಯಿಂದಲೇ ಗ್ಯಾಸ್ ಹಚ್ಚುವಾಗ ಎಚ್ಚರಿಕೆಯನ್ನು ವಹಿಸಿಕೊಳ್ಳಿ. ಕೈ ಶುಚಿಗೊಳಿಸಲು ಸ್ಯಾನಿಟೈಸರ್ ಬಳಕೆ ಅಗತ್ಯವಾದರೂ ಅದರಲ್ಲಿ ಆಲ್ಕೋಹಾಲಿಕ್ ಆಂಶ ಇರುವುದರಿಂದ ಬೆಂಕಿಯಿಂದ ಅಪಾಯ ಆಗುವ ಸಾಧ್ಯತೆ ಹೆಚ್ಚಾಗಿದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬರು ಸ್ವಲ್ಪ ಎಚ್ಚರಿಕೆಯನ್ನು ವಹಿಸಿಕೊಳ್ಳಬೇಕಾಗಿದೆ.
from India & World News in Kannada | VK Polls https://ift.tt/3bQejAA
