ಹೊಸದಿಲ್ಲಿ: ಪ್ರಧಾನಿ ಶುಕ್ರವಾರ ಬೆಳಗ್ಗೆ 9 ಗಂಟೆಗೆ ದೇಶವಾಸಿಗಳೊಂದಿಗೆ ವೀಡಿಯೊ ಸಂದೇಶ ಹಂಚಿಕೊಳ್ಳಲಿದ್ದು, ಕುತೂಹಲ ಹುಟ್ಟಿಸಿದೆ. ಮಣಿಸುವಲ್ಲಿ ಕೇಂದ್ರ ಸರಕಾರ ದಿಟ್ಟ ಹೆಜ್ಜೆ ಇಟ್ಟಿದ್ದು, ಗುರುವಾರ ರಾಜ್ಯ/ಕೇಂದ್ರಾಡಲಿತ ಪ್ರದೇಶಗಳ ಮುಖ್ಯಮಂತ್ರಿಗಳ ಜತೆ ವೀಡಿಯೊ ಕಾನ್ಫರೆನ್ಸ್‌ ಸಭೆ ನಡೆಸಿದ ಬಳಿಕ ಪ್ರಧಾನಿ ಮೋದಿ ಅವರೇ ಟ್ವೀಟ್‌ ಮೂಲಕ ವೀಡಿಯೊ ಸಂದೇಶ ಹಂಚಿಕೊಳ್ಳುವ ಬಗ್ಗೆ ಟ್ವೀಟ್‌ ಮೂಲಕ ಪ್ರಕಟಿಸಿದ್ದಾರೆ. 21 ದಿನಗಳ ಲಾಕ್ಡೌನ್ ಏಪ್ರಿಲ್‌ 14ಕ್ಕೆ ಅಂತ್ಯಗೊಳ್ಳಲಿದೆ. ಬಳಿಕ ಮುಂದಿನ ಹೆಜ್ಜೆಯೇನು ಎಂಬುದರ ಬಗ್ಗೆ ವೀಡಿಯೊ ಸಂದೇಶದಲ್ಲಿ ವಿವರಿಸಬಹುದು ಎಂದು ನಿರೀಕ್ಷಿಸಲಾಗಿದೆ. ಎಲ್ಲ ರಾಜ್ಯ/ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯಮಂತ್ರಿಗಳ ಜತೆ ವೀಡಿಯೊ ಕಾನ್ಫರೆನ್ಸ್‌ ಮೂಲಕ ಸಭೆ ನಡೆಸಿದ ಪ್ರಧಾನಿ ಮೋದಿ, ಲಾಕ್ಡೌನ್ ಏ,14ಕ್ಕೆ ಅಂತ್ಯಗೊಳ್ಳಲಿದೆ. ಇಷ್ಟು ದಿನ ಮನೆಯಲ್ಲೇ ಇರುವ ಜನತೆ ಒಮ್ಮೆಲೆ ರಸ್ತೆಗೆ ಇಳಿಯುವ, ವಹಿವಾಟು ನಡೆಸುವ ಸಾಧ್ಯತೆ ಇರುತ್ತದೆ. ಅಂತಹ ಜನದಟ್ಟಣೆ ತಡೆಯಲು ಜನ ಸಂಚಾರ ಸ್ವರೂಪದ ಕುರಿತು ಒಮ್ಮತದ ಯೋಜನೆ ರೂಪಿಸಿ ಎಂದು ರಾಜ್ಯಗಳಿಗೆ ಸೂಚಿಸಿದರು. ರಾಷ್ಟ್ರದಲ್ಲಿ ಕೊರೊನಾ ವ್ಯಾಪಿಸಿದ ಬಳಿಕ ರಾಷ್ಟ್ರದ ಜನತೆಗೆ ಮೋದಿ ಮನವಿಮಾರ್ಚ್‌ 22(ಭಾನುವಾರ)ರಂದು ಒಂದು ದಿನದ ಜನತಾ ಕರ್ಫ್ಯೂವಿಗೆ ದೇಶವಾಸಿಗಳಲ್ಲಿ ಮನವಿ ಮಾರ್ಚ್‌ 25(ಬುಧವಾರ)ರಂದು ಒಟ್ಟು 21 ದಿನಗಳ ಕಾಲದ ಸಂಪೂರ್ಣ ಲಾಕ್ಡೌನ್ ಆದೇಶದ ಘೋಷಣೆ. ಮೋದಿ ಅವರ ಈ ಎರಡೂ ಆದೇಶಗಳಿಗೆ ಇಡೀ ದೇಶ ಅಭೂತಪೂರ್ವವಾಗಿ ಸ್ಪಂದಿಸಿತ್ತು. ಮೋದಿ ಕರೆಗೆ ಓಗೊಟ್ಟಿದ್ದ ದೇಶ, ಸಂಪೂರ್ಣ ಲಾಕ್ಡೌನ್ ಆದೇಶವನ್ನು ಪಾಲಿಸುತ್ತಿದೆ.
from India & World News in Kannada | VK Polls https://ift.tt/2XbE4r7
