ವಾಷಿಂಗ್ಟನ್: ಕೊರೊನಾ ವೈರಸ್‌ನಿಂದಾಗಿ ಚೀನಾದಲ್ಲಿ ಸಂಭವಿಸಿರುವ ಕುರಿತು ತಮಗೆ ಅನುಮಾನವಿದೆ ಎಂದು ಅಮೆರಿಕ ಅಧ್ಯಕ್ಷ ಪುನರುಚ್ಛಿಸಿದ್ದಾರೆ. ಚೀನಾದಲ್ಲೇ ಹುಟ್ಟಿಕೊಂಡ ಮಾರಕ ಕೊರೊನಾ ವೈರಸ್‌ಗೆ ಇಷ್ಟು ಕಡಿಮೆ ಸಂಖ್ಯೆಯಲ್ಲಿ ಚೀನಿಯರು ಸಾವನ್ನಪ್ಪಿದ್ದಾರೆ ಎಂದರೆ ನಂಬಲಾಗುತ್ತಿಲ್ಲ ಎಂದು ಟ್ರಂಪ್ ಹೇಳಿದ್ದಾರೆ. ಕೊರೊನಾ ವೈರಸ್ ಚೀನಾದಲ್ಲಿ ಕೇವಲ 3,316 ಜನರನ್ನು ಮಾತ್ರ ಬಲಿ ಪಡೆದಿದೆ ಎಂದು ಹೇಗೆ ನಂಬೋದು?. ಅಲ್ಲಿನ ಸರ್ಕಾರದ ಈ ಮಾಹಿತಿ ಅಸ್ಪಷ್ಟ ಹಾಗೂ ಅನುಮಾನದಿಂದ ಕೂಡಿದೆ ಎಂದು ಟ್ರಂಪ್ ಹೇಳಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರೊಂದಿಗೆ ಮಾತನಾಡಿದ್ದ ಟ್ರಂಪ್, ಮಾತುಕತೆ ಬಳಿಕ ಚೀನಿಯರ ಸಾವಿನ ಸಂಖ್ಯೆ ಕುರಿತು ಟ್ರಂಪ್ ಅನುಮಾನ ವ್ಯಕ್ತಪಡಿಸಿದ್ದರು. ಅದಾಗ್ಯೂ ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರನ್ನು ತಮ್ಮ ಪರಮಾಪ್ತ ಸ್ನೇಹಿತ ಎಂದು ಹೊಗಳಿರುವ ಟ್ರಂಪ್, ಆದರೆ ಕೊರೊನಾ ವೈರಸ್ ಕುರಿತಾದ ಸಾವಿನ ಸಂಖ್ಯೆಯಲ್ಲಿ ಚೀನಾ ಸುಳ್ಳು ಹೇಳುತ್ತಿದೆ ಎಂಬ ಅನುಮಾನವಿದೆ ಎಂದು ಹೇಳಿದ್ದಾರೆ. ಅಮೆರಿಕದಲ್ಲಿ ಈಗಾಗಲೇ 206,207 ಜನರಿಗೆ ಕೊರೊನಾ ವೈರಸ್ ಕಾಣಿಸಿಕೊಂಡಿದ್ದು, ಈ ಪೈಕಿ 4,542 ಜನ ಅಸುನೀಗಿದ್ದಾರೆ. ಚೀನಾಗಿಂತಲೂ ಅಮೆರಿಕದ ಸಾವಿನ ಸಂಖ್ಯೆ ಅಧಿಕ ಇರುವ ಹಿನ್ನೆಲೆಯಲ್ಲಿ ಟ್ರಂಪ್ ಚೀನಾದ ಸಾವಿನ ವರದಿಯ ಮೇಲೆಯೇ ಅನುಮಾನ ವ್ಯಕ್ತಪಡಿಸಿದ್ದಾರೆ.
from India & World News in Kannada | VK Polls https://ift.tt/2V0OY0a
