ನವದೆಹಲಿ: ಪಂಚಾಯತ್ ರಾಜ್ ದಿನದ ಅಂಗವಗಿ ಇಂದು ಗ್ರಾಮ ಪಂಚಾಯ್ತಿಗಳ ಮುಖ್ಯಸ್ಥರೊಂದಿಗೆ ಸಭೆ ನಡೆಸಿದರು. ಪಂಚಾಯತ್ ರಾಜ್ ಕಾನೂನು ದೇಶದ ರಾಜಕೀಯ ಚಿತ್ರಣವನ್ನೇ ಬದಲಿಸಿದ್ದಲ್ಲದೇ, ಗ್ರಾಮಗಳಿಗೆ ಹೆಚ್ಚಿನ ಸ್ವಾಯತ್ತತೆ ಲಭಿಸಲು ಕಾರಣವಾಯಿತು ಎಂದು ಮೋದಿ ಈ ವೇಳೆ ಹೇಳಿದರು. ಇದೇ ವೇಳೆ ಕೊರೊನಾ ವೈರಸ್ ಹಾವಳಿ ಹಾಗೂ ಈ ವೈರಾಣುವನ್ನು ತೊಲಗಿಸುವ ನಿಟ್ಟಿನಲ್ಲಿ ಗ್ರಾಮ ಪಂಚಾಯ್ತಿಗಳು ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ಪ್ರಧಾನಿ ಮೋದಿ ಪಂಚಾಯ್ತಿ ಮುಖ್ಯಸ್ಥರೊಂದಿಗೆ ಮಾಹಿತಿ ವಿನಿಮಯ ಮಾಡಿಕೊಂಡರು. ಕೊರೊನಾ ವೈರಸ್ ನಮಗೆ ಸ್ವಾವಲಂಬನೆಯ ಪಾಠ ಕಲಿಸಿದ್ದು, ಸಂಕಷ್ಟದ ಸಮಯದಲ್ಲಿ ಮತ್ತೊಬ್ಬರ ಮೇಲೆ ಅವಲಂಬನೆಯಾಗದೇ ಸ್ವಶಕ್ತಿಯ ಮೇಲೆ ನಂಬಿಕೆ ಇಟ್ಟು ಹೋರಾಡಬೇಕು ಎಂಬುದು ಇಡೀ ದೇಶಕ್ಕೆ ಮನದಟ್ಟಾಗಿದೆ ಎಂದು ಪ್ರಧಾನಿ ಮೋದಿ ಅಭಿಪ್ರಾಯಪಟ್ಟಿದ್ದಾರೆ. ಪ್ರಧಾನಿ ಮೋದಿ ಅವರ ಭಾಷಣದ ಪ್ರಮುಖ ಅಂಶಗಳು:
- ಪಂಚಾಯತ್ ರಾಜ್ ವ್ಯವಸ್ಥೆ ದೇಶದ ರಾಜಕಾರಣವನ್ನೇ ಬದಲಿಸಿದ ಐತಿಹಾಸಿಕ ನಿರ್ಣಯ.
- ಗ್ರಾಮಗಳಿಗೆ ಹೆಚ್ಚಿನ ಅಧಿಕಾರ ಹಾಗೂ ಸ್ವಾಯತ್ತತೆಗೆ ಪಂಚಾಯತ್ ರಾಜ್ ಕಾನೂನಿನ ಕೊಡುಗೆ ಅಪಾರ.
- ಕೊರೊನಾ ವೈರಸ್ ವಿರುದ್ಧ ಹೋರಾಡುತ್ತಿರುವ ಪಂಚಾಯ್ತಿ ಮಟ್ಟದ ಅಧಿಕಾರಿಗಳು ಹಾಗು ಸದಸ್ಯರ ಸೇವೆ ಶ್ಲಾಘನೀಯ.
- ಗ್ರಾಮೀಣ ಮಟ್ಟದಲ್ಲಿ ಇನ್ನೂ ಹೆಚ್ಚಿನ ಕ್ರಮಗಳ ಅನುಷ್ಠಾನಕ್ಕೆ ಪ್ರಧಾನಿ ಮೋದಿ ಒತ್ತು.
- ನಗರಗಳಿಂದ ಗ್ರಾಮಗಳಿಗೆ ಕೊರನಾ ವೈರಸ್ ಹರಡದಂತೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳುವಂತೆ ಸೂಚನೆ.
- ನೈರ್ಮಲ್ಯ ಮತ್ತು ಸಾಮಾಜಿಕ ಅಂತರದ ಮಹತ್ವ ಸಾರಿದ ಪ್ರಧಾನಿ ಮೋದಿ.
- ಕೊರೊನಾ ವೈರಸ್ ದೇಶಕ್ಕೆ ಸ್ವಾವಲಂಬನೆಯ ಪಾಠ ಕಲಿಸಿದೆ.
- ಸಂದಿಗ್ಧ ಸಂದರ್ಭದಲ್ಲಿ ಬೇರೋಬ್ಬರ ಮೇಲೆ ಅವಲಂಬನೆ ಸಲ್ಲ.
- ದೇಶದ ಎಲ್ಲಾ ಗ್ರಾಮ ಪಂಚಾಯ್ತಿಗಳೊಂದಿಗೆ ಪ್ರಧಾನಿ ಮೋದಿ ವಿಡಿಯೋ ಸಂವಾದ.
- ವಿಡಿಯೋ ಸಂವಾದಲ್ಲಿ ಭಾಗಿಯಾದ ನೂರಾರು ಗ್ರಾಮ ಪಂಚಾಯ್ತಿಗಳ ಮುಖ್ಯಸ್ಥರು.
from India & World News in Kannada | VK Polls https://ift.tt/2yHUa17
