ಮಂಗಳೂರು: ಐದು ವರ್ಷದ ಮಗು ಕಾರಲ್ಲಿ ಮಲಗಿದ್ದರೂ, ನಗರ ಪೊಲೀಸರು ಆ ಕಾರನ್ನು ಟೋಯಿಂಗ್ ಮಾಡಿ ಠಾಣೆಗೆ ಹೊತ್ತೊಯ್ದ ಘಟನೆ ಗುರುವಾರ ಸಂಜೆ ನಡೆದಿದ್ದು, ಸಾರ್ವಜನಿಕರಿಂದ ಆಕ್ರೋಶ ವ್ಯಕ್ತವಾಗಿದೆ. ಮೂಡುಬಿದಿರೆ ಸಮೀಪದ ಮಿಜಾರುವಿನ ಮಹಿಳೆಯೊಬ್ಬರು ತನ್ನ ಇಬ್ಬರು ಮಕ್ಕಳು ಮತ್ತು ಚಾಲಕನ ಜತೆ ಮಂಗಳೂರಿಗೆ ಶಾಪಿಂಗ್ ಬಂದಿದ್ದು, ಕದ್ರಿಯಲ್ಲಿರುವ ಗಿರಿಯಾಸ್ ಸಮೀಪ ಫುಟ್ಪಾತ್ನಲ್ಲಿ ಕಾರನ್ನು ನಿಲ್ಲಿಸಿದ್ದರು. ಈ ಸಂದರ್ಭ5 ವರ್ಷದ ಮಗು ಮಲಗಿದ್ದ ಕಾರಣ ಆ ಮಗುವನ್ನು ಚಾಲಕನ ಜತೆ ಕಾರಿನಲ್ಲೇ ಬಿಟ್ಟು ಮಹಿಳೆ ಶಾಪಿಂಗ್ಗೆ ತೆರಳಿದ್ದರು. ಇದಾದ ಸ್ವಲ್ಪ ಹೊತ್ತಿನಲ್ಲೇ ಮಹಿಳೆ ಮೊಬೈಲ್ನ್ನು ಕಾರಲ್ಲೇ ಬಿಟ್ಟು ಹೋಗಿರುವುದನ್ನು ತಿಳಿದ ಚಾಲಕ ಅದನ್ನು ಕೊಡಲು ಕಾರಿಗೆ ಲಾಕ್ ಹಾಕಿ ಹೋಗಿದ್ದರು. ಈ ವೇಳೆ ಪೊಲೀಸರ ಟೋಯಿಂಗ್ ಮಾಡುವ ವಾಹನ ಅದೇ ದಾರಿಯಲ್ಲಿ ಬಂದಿದ್ದು, ಕಾರನ್ನು ತೆರವು ಮಾಡುವಂತೆ ಘೋಷಣೆ ಮಾಡಿದ್ದರೂ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. ಟಿಂಟ್, ಲಾಕ್ ಹಾಕಲಾಗಿತ್ತು ಟೋಯಿಂಗ್ ಸಿಬ್ಬಂದಿ ಕಾರಿನ ಬಳಿ ಪರಿಶೀಲಿಸಿದಾಗ ಕಾರಿಗೆ ಲಾಕ್ ಹಾಕಲಾಗಿತ್ತು. ಟಿಂಟ್ ಹಾಕಿದ ಕಾರಣ ಕಾರಿನೊಳಗೆ ಮಗುವಿರುವುದು ಯಾರ ಗಮನಕ್ಕೂ ಬಂದಿರಲಿಲ್ಲ. ಸುಮಾರು ಹೊತ್ತಿನವರೆಗೆ ಕಾರಿನ ಚಾಲಕ ಬಾರದ ಕಾರಣ ಪೊಲೀಸರು ಕಾರನ್ನು ಠಾಣೆಯತ್ತ ಟೋಯಿಂಗ್ ಮಾಡಿದ್ದಾರೆ. ಮಹಿಳೆ ಬಂದಾಗ ಶಾಕ್ ಮಹಿಳೆ ಪುತ್ರನೊಂದಿಗೆ ಶಾಪಿಂಗ್ ಮುಗಿಸಿ ಕಾರಿನತ್ತ ಬರುವಾಗ ಮಗು ಸಹಿತ ನಾಪತ್ತೆಯಾಗಿತ್ತು. ಚಾಲಕನ ಬಳಿ ಕೇಳಿದಾಗ ಸಮರ್ಪಕ ಉತ್ತರ ಸಿಗಲಿಲ್ಲ. ಸ್ಥಳೀಯ ಅಂಗಡಿಯವರ ಬಳಿ ಕೇಳಿದಾಗ ಕಾರನ್ನು ಟೋಯಿಂಗ್ ಮಾಡಿರುವುದು ಗಮನಕ್ಕೆ ಬಂದಿದೆ. ಕೂಡಲೇ ಕದ್ರಿ ಪೊಲೀಸ್ ಠಾಣೆಯತ್ತ ಮಹಿಳೆ, ಪುತ್ರ ಮತ್ತು ಚಾಲಕ ತೆರಳಿದ್ದಾರೆ. ಪೊಲೀಸರಿಗೂ ದಿಗ್ಭ್ರಮೆ ಮಹಿಳೆ ಕದ್ರಿ ಠಾಣೆಯತ್ತ ತೆರಳಿ ಪೊಲೀಸರಿಗೆ ವಿಷಯ ತಿಳಿಸಿದಾಗ ಸ್ವತಃ ಪೊಲೀಸರಿಗೂ ದಿಗ್ಬ್ರಮೆಯಾಗಿತ್ತು. ಪೊಲೀಸರು ಪರಿಶೀಲಿಸುವಾಗ ಕಾರಿನಲ್ಲಿ ಮಗು ಮಲಗಿಕೊಂಡೇ ಇತ್ತೆಂದು ತಿಳಿದು ಬಂದಿದೆ. ಮಹಿಳೆ ಕಾರನ್ನು ನೋ ಪಾರ್ಕಿಂಗ್ ಜಾಗದಲ್ಲಿ ನಿಲ್ಲಿಸಿದ್ದಕ್ಕೆ, ಟಿಂಟ್ ಹಾಕಿರುವುದಕ್ಕೆ ದಂಡ ವಿಧಿಸಿ ಮಹಿಳೆಯ ಜತೆ ಮಗು, ಕಾರನ್ನು ಕಳುಹಿಸಿಕೊಡಲಾಗಿದೆ. ಸಾರ್ವಜನಿಕರಿಂದ ಆಕ್ರೋಶಮಗುವಿನ ಜತೆ ಪೊಲೀಸರು ಕಾರನ್ನು ಟೋಯಿಂಗ್ ಮಾಡಿರುವುದಕ್ಕೆ ಹಾಗೂ ಕಾರಿನ ಲಾಕ್ ಹಾಕಿ ಮಗುವನ್ನು ಬಿಟ್ಟು ಹೋಗಿರುವುದಕ್ಕೆ ಸಾರ್ವಜನಿಕರಿಂದ ಆಕ್ರೋಶ ವ್ಯಕ್ತವಾಗಿದೆ. ಇದರಲ್ಲಿ ಪೊಲೀಸರು ಮತ್ತು ಚಾಲಕ, ಪೋಷಕರ ನಿರ್ಲಕ್ಷ್ಯವೂ ಇದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಟೋಯಿಂಗ್ ಎಡವಟ್ಟು ಪುರಾಣ ನೋ ಪಾರ್ಕಿಂಗ್ನಲ್ಲಿ ನಿಲ್ಲಿಸುವ ವಾಹನಗಳನ್ನು ಹೊತ್ತೊಯ್ಯುವ ಟೋಯಿಂಗ್ ವಾಹನಕ್ಕೆ ಇನ್ಶೂರೆನ್ಸ್, ಫಿಟ್ನೆಸ್ ಸರ್ಟಿಫಿಕೆಟೇ ಇಲ್ಲದಿರುವ ಬಗ್ಗೆ ವಾರದ ಹಿಂದೆ ದೊಡ್ಡ ಸುದ್ದಿಯಾಗಿತ್ತು. ಕೂಡಲೇ ಎಚ್ಚೆತ್ತುಕೊಂಡ ವಾಹನ ಮಾಲೀಕರು ಇನ್ಶೂರೆನ್ಸ್, ಫಿಟ್ನೆಟ್ ಸರ್ಟಿಫಿಕೆಟ್ ನವೀಕರಿಸಿದ್ದರು. ತಿಂಗಳ ಹಿಂದೆ ಸ್ಟೇಟ್ಬ್ಯಾಂಕ್ ಸಮೀಪ ಬೈಕ್ ಸವಾರನೊಬ್ಬ ಪ್ರತಿಭಟಿಸುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದೀಗ ಮಗುವಿನ ಜತೆ ಕಾರನ್ನು ಟೋಯಿಂಗ್ ಮಾಡಿ ಮತ್ತೊಂದು ಎಡವಟ್ಟಾಗಿದೆ. ಈ ಮೂಲಕ ಒಂದಿಲ್ಲೊಂದು ಸುದ್ದಿಯಿಂದ ನಗರ ಟೋಯಿಂಗ್ ತಂಡ ಎಡವಟ್ಟು ಮಾಡುತ್ತಿದೆ. ಮಂಗಳೂರಿನ ಕದ್ರಿ ಗಿರಿಯಾಸ್ ಸಮೀಪ ಫುಟ್ಪಾತ್ನಲ್ಲಿ ನಿಲ್ಲಿಸಲಾದ ಕಾರನ್ನು ಟೋಯಿಂಗ್ ಮಾಡಿರುವುದು ನಿಜ. ಟಿಂಟ್ ಹಾಕಿರುವ ಕಾರಣ ಕಾರಿನೊಳಗೆ ಮಗುವಿರುವುದು ಯಾರ ಗಮನಕ್ಕೂ ಬಂದಿಲ್ಲ. ಕಾರನ್ನು ಲಾಕ್ ಮಾಡಿ ಮಗುವಿನ ತಾಯಿ ಶಾಪಿಂಗ್ ಹೋಗಿದ್ದರು. ವಿಷಯ ಗೊತ್ತಾದ ಬಳಿಕ ಟಿಂಟ್, ನೋ ಪಾರ್ಕಿಂಗ್ ಕೇಸು ದಾಖಲಿಸಿ, ಮಗು ಸಹಿತ ಕಾರನ್ನು ಬಿಟ್ಟು ಕೊಡಲಾಗಿದೆ. ನಟರಾಜ್, ಸಹಾಯಕ ಪೊಲೀಸ್ ಆಯುಕ್ತರು, ಸಂಚಾರಿ ವಿಭಾಗ
from India & World News in Kannada | VK Polls https://ift.tt/2KRvVnA
