ಹೊಸದಿಲ್ಲಿ: ಹಲವು ರಾಜ್ಯಗಳಲ್ಲಿ ಹರಿದು ಹಂಚಿ ಹೋಗಿರುವ ಅಗ್ರಿ ಗೋಲ್ಡ್ನ 4,109 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ಜಪ್ತಿ ಮಾಡಿರುವುದಾಗಿ ಜಾರಿ ನಿರ್ದೇಶನಾಲಯ-(ಇ.ಡಿ) ಹೇಳಿದೆ. ಕರ್ನಾಟಕ, ತಮಿಳುನಾಡು, ತೆಲಂಗಾಣ ಸೇರಿ 6 ರಾಜ್ಯಗಳಲ್ಲಿ ಹಣ ವಂಚನೆಯ ಹಗರಣ ನಡೆದಿದ್ದು, ಅಗ್ರಿ ಗೋಲ್ಡ್ ಗ್ರೂಪ್ನ ಮೂವರು ಪ್ರವರ್ತಕರನ್ನು ಇತ್ತೀಚೆಗಷ್ಟೇ ಬಂಧಿಸಲಾಗಿತ್ತು. ಜಪ್ತಿ ಮಾಡಿರುವ ಆಸ್ತಿಯಲ್ಲಿ 2,809 ಭೂ ಆಸ್ತಿಗಳಿವೆ. ಅರ್ಕ ಲೀಷರ್ ಮತ್ತು ಎಂಟರ್ಟೈನ್ಮೆಂಟ್ ಪ್ರೈ. ಲಿ. ಹೆಸರಿನಲ್ಲಿರುವ ಆಂಧ್ರ ಪ್ರದೇಶದ ಹಾಯ್ಲ್ಯಾಂಡ್ ಅಮ್ಯೂಸ್ಮೆಂಟ್ ಪಾರ್ಕ್ಹಾಗೂ ವಿವಿಧ ಕಂಪನಿಗಳ ಷೇರುಗಳು, ಉತ್ಪಾದನಾ ಘಟಕಗಳು, ಯಂತ್ರೋಪಕರಣಗಳು ಜಪ್ತಿ ಪಟ್ಟಿಯಲ್ಲಿವೆ ಎಂದು ಇ.ಡಿ ಹೇಳಿದೆ. ಕಂಪನಿ ವಿರುದ್ಧ ಹಲವು ದೂರುಗಳು ದಾಖಲಾದ ನಂತರ ತನಿಖೆ ಆರಂಭಿಸಲಾಗಿತ್ತು. ಇಲ್ಲಿಯವರೆಗೆ ಸಿಕ್ಕಿರುವ ಅಂದಾಜಿನ ಪ್ರಕಾರ ಕಂಪನಿಯು 32 ಲಕ್ಷ ಹೂಡಿಕೆದಾರರಿಂದ 6,380 ಕೋಟಿ ರೂಪಾಯಿ ಸಂಗ್ರಹಿಸಿ ವಂಚಿಸಿದೆ. ಹಗರಣದ ಸೂತ್ರದಾರರಾದ ಅಗ್ರಿ ಗೋಲ್ಡ್ ಗ್ರೂಪ್ ಆಫ್ ಕಂಪನೀಸ್ನ ಅವ್ವ ವೆಂಕಟ ರಾಮರಾವ್, ಅವ್ವ ವೆಂಕಟ ಶೇಷು ನಾರಾಯಣ ರಾವ್ ಮತ್ತು ಅವ್ವ ಹೇಮಾ ಸುಂದರ ವರಪ್ರಸಾದ್ ಸದ್ಯಕ್ಕೆ ನ್ಯಾಯಾಂಗ ಬಂಧನದಲ್ಲಿದ್ದಾರೆ.
from India & World News in Kannada | VK Polls https://ift.tt/3mMbCFd
