ಮೈಸೂರು: ಭಾನುವಾರ ಗ್ರಾಮಪಂಚಾಯಿತಿಯ ಎರಡನೇ ಹಂತದ ಚುನಾವಣೆ ಮೈಸೂರುಜಿಲ್ಲೆಯಲ್ಲಿ ನಡೆಯುತ್ತಿದ್ದು, ಕ್ರಮೇಣ ಏರುಗತಿಯಲ್ಲಿ ಸಾಗುತ್ತಿದೆ. , ಹಾಗೂ ತಿ.ನರಸೀಪುರ ತಾಲೂಕುಗಳ 102 ಗ್ರಾಮ ಪಂಚಾಯಿತಿಗಳಲ್ಲಿ ಇಂದು ಬೆಳಿಗ್ಗೆ 7 ಗಂಟೆಯಿಂದ ಮತದಾನ ಆರಂಭವಾಗಿದೆ. 102 ಗ್ರಾಮ ಪಂಚಾಯಿತಿಗಳಲ್ಲಿ 1,929 ಮಂದಿ ಸದಸ್ಯರನ್ನು ಮತದಾರರು ಆಯ್ಕೆ ಮಾಡುತ್ತಿದ್ದು ಒಟ್ಟು 5,069 ಅಭ್ಯರ್ಥಿಗಳು ಸ್ಪರ್ಧೆಯಲ್ಲಿದ್ದಾರೆ.ಇದರಲ್ಲಿ 82 ಸದಸ್ಯ ಸ್ಥಾನಗಳು ಅವಿರೋಧವಾಗಿ ಆಯ್ಕೆಯಾಗಿವೆ. 13 ಸದಸ್ಯ ಸ್ಥಾನಗಳಿಗೆ ಯಾರೂ ನಾಮಪತ್ರ ಸಲ್ಲಿಸಿಲ್ಲ. 930 ಮತಗಟ್ಟೆಗಳಲ್ಲಿ 6,30,488 ಮಂದಿ ಮತದಾರರು ತಮ್ಮ ಹಕ್ಕನ್ನು ಚಲಾವಣೆ ಮಾಡಬೇಕಿದೆ. ಅದರಲ್ಲಿ. ಇವರಲ್ಲಿ 3,16,651 ಮಂದಿ ಪುರುಷರು ಹಾಗೂ 3,13,800 ಮಂದಿ ಮಹಿಳೆಯರು, 37 ಮಂದಿ ತೃತೀಯ ಲಿಂಗಿಗಳು ಸೇರಿದ್ದಾರೆ. ಮತದಾನ ಆರಂಭವಾಗಿ ಹಲವು ಗಂಟೆಗಳು ಕಳೆದಿದ್ದರೂ ಇನ್ನು ನಂಜನಗೂಡಿನ ಇಮ್ಮಾವು ಗ್ರಾಮದಲ್ಲಿ ಮಾತ್ರ ನೀರವ ಮೌನ ಆವರಿಸಿದೆ.ಈ ಭಾಗದಿಂದ ಯಾರೊಬ್ಬರೂ ಸಹ ಗ್ರಾಮ ಪಂಚಾಯಿತಿ ಚುನಾವಣೆಗೆ ಸ್ಪರ್ಧಿಸಿಲ್ಲ. ಏಷಿಯನ್ ಪೈಂಟ್ಸ್ ಕಾರ್ಖಾನೆಯಲ್ಲಿ ಉದ್ಯೋಗ ಭರವಸೆ ಈಡೇರದ ಹಿನ್ನಲೆ ಪ್ರತಿಭಟನೆ ಪೂರಕವಾಗಿ ಚುನಾವಣೆಯನ್ನು ಗ್ರಾಮಸ್ಥರು ಬಹಿಷ್ಕಾರಿಸಿದ್ದಾರೆ. ಮತ್ತೊಂದೆಡೆ ಬೊಕ್ಕಹಳ್ಳಿ ಗ್ರಾಮದಲ್ಲಿ ಸ್ಫರ್ಧಿಸಿ ಸುದ್ದಿಯಾಗಿದ್ದಾತ ಭಿಕ್ಷುಕ ಅಂಕನಾಯಕ ಸಹ ತನ್ನ ಹಕ್ಕು ಚಲಾವಣೆ ಮಾಡಿದ್ದಾನೆ. ಇನ್ನು ಮತಗಟ್ಟೆ ಕೇಂದ್ರದಲ್ಲಿ ಸ್ಯಾನಿಟೈಜರ್ ಹಾಗೂ ಥರ್ಮಲ್ ಸ್ಕ್ರೀನಿಂಗ್ ಬಳಿಕ ಮತದಾನಕ್ಕೆ ಅವಕಾಶ ನೀಡಲಾಗಿದ್ದು, ಪ್ರತಿಯೊಬ್ಬರಿಗೂ ಕಡ್ಡಾಯ ಮಾಸ್ಕ್ ಧರಿಸಿ ಬರುವಂತೆ ಸಿಬ್ಬಂದಿಗಳಿಂದ ಮತದಾರರಿಗೆ ಸೂಚನೆ ನೀಡಲಾಗುತ್ತಿದೆ. ಗ್ರಾಮಪಂಚಾಯತ್ ಚುನಾವಣೆ ಹಿನ್ನೆಲೆ ಇತ್ತ ಚಾಮುಂಡೇಶ್ವರಿ ಕ್ಷೇತ್ರದ ಗುಂಗ್ರಾಲ್ ಛತ್ರದ ಗ್ರಾಮದಲ್ಲಿ ಶಾಸಕ ಜಿ.ಟಿ.ದೇವೇಗೌಡ ತಮ್ಮ ಹಕ್ಕು ಚಲಾಯಿಸಿದರು. ಪತ್ನಿ ಲಲಿತಾ ಅವರೊಂದಿಗೆ ಆಗಮಿಸಿದ ದೇವೇಗೌಡರು ಸಹ ಸರದಿ ಸಾಲಿನಲ್ಲಿ ನಿಂತು ಎಲ್ಲರಂತೆ ಮತ ಚಲಾಯಿಸಿದ್ದು ವಿಶೇಷವಾಗಿತ್ತು..
from India & World News in Kannada | VK Polls https://ift.tt/2WMDQVJ
