Daily News in Kannda: ಬಿಡಿಎ ದುಬಾರಿ ದಂಡಕ್ಕೆ ಆಕ್ಷೇಪ: ಶಾಸಕರ ನೇತೃತ್ವದಲ್ಲಿ ಹೋರಾಟ ನಡೆಸಲು ನಿರ್ಧಾರ!

ಬಿಡಿಎ ದುಬಾರಿ ದಂಡಕ್ಕೆ ಆಕ್ಷೇಪ: ಶಾಸಕರ ನೇತೃತ್ವದಲ್ಲಿ ಹೋರಾಟ ನಡೆಸಲು ನಿರ್ಧಾರ!

ಹೆಬ್ಬಾಳ: ಅಭಿವೃದ್ಧಿ ಪ್ರಾಧಿಕಾರ ()ವು ತನ್ನ ಜಮೀನಿನಲ್ಲಿ ಅನಧಿಕೃತವಾಗಿ (ಮಂಜೂರಾತಿ ಇಲ್ಲದೆ) ಮನೆ ನಿರ್ಮಿಸಿಕೊಂಡವರಿಗೆ ದುಬಾರಿ ಶುಲ್ಕ ಕಟ್ಟುವಂತೆ ನೋಟಿಸ್‌ ನೀಡಿರುವುದು ನಿವಾಸಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ನಾಗಶೆಟ್ಟಿಹಳ್ಳಿ ದೇಗುಲದ ಆವರಣದಲ್ಲಿ ಸಭೆ ಸೇರಿದ್ದ ನಿವೇಶನ, ಕಟ್ಟಡ ಮಾಲೀಕರು ದಂಡ ಕಟ್ಟದಿರಲು ಹಾಗೂ ಶಾಸಕರ ನೇತೃತ್ವದಲ್ಲಿ ಹೋರಾಟ ನಡೆಸಲು ತೀರ್ಮಾನಿಸಿದರು. ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ಪ್ರಾಧಿಕಾರದ ಆದಾಯ ಹೆಚ್ಚಿಸುವ ನಿಟ್ಟಿನಲ್ಲಿ ಸರಕಾರವು 2020ರ ಮೇ 28ರಂದು ಅಕ್ರಮ ಸಕ್ರಮದ ಅಧಿಸೂಚನೆ ಹೊರಡಿಸಿದೆ. ಪ್ರಾಧಿಕಾರದ ಭೂಮಿಯಲ್ಲಿ ನಿರ್ಮಿಸಿರುವ ನಿವೇಶನ, ಕಟ್ಟಡ ಮಾಲೀಕರಿಗೆ ಮಾರ್ಗಸೂಚಿ ದರದ ಅನ್ವಯ ದಂಡ ವಿಧಿಸಿ ಸಕ್ರಮಗೊಳಿಸಲು ಅಧಿಸೂಚನೆಯಲ್ಲಿ ಪ್ರಸ್ತಾಪಿಸಲಾಗಿದೆ. ಇದರಂತೆ ಪ್ರಾಧಿಕಾರವು ಉತ್ತರ ತಾಲೂಕು, ಕಸಬಾ ಹೋಬಳಿ ವ್ಯಾಪ್ತಿಯ 350ಕ್ಕೂ ಹೆಚ್ಚು ನಿವೇಶನ/ಕಟ್ಟಡದ ಮಾಲೀಕರಿಗೆ ನೊಟೀಸ್‌ ಜಾರಿ ಮಾಡಿದೆ. ಮಾಲೀಕರಿಗೆ 40,000 ರೂ.ನಿಂದ 30 ಲಕ್ಷ ರೂ.ವರೆಗೂ ದಂಡ ವಿಧಿಸಿ ನೋಟಿಸ್‌ ನೀಡಲಾಗಿದೆ. ಎರಡು ತಿಂಗಳಲ್ಲಿ ಆಸ್ತಿ ದಾಖಲೆಗಳನ್ನು ಸಲ್ಲಿಸಲು ಸೂಚಿಸಲಾಗಿದೆ ''ಬಿಡಿಎ ವಿಧಿಸಿರುವ ದಂಡ ಶುಲ್ಕ ಅವೈಜ್ಞಾನಿಕವಾಗಿದೆ. ದಶಕಗಳ ಹಿಂದೆ ನೋಂದಣಿ ಮಾಡಿಸಿಕೊಂಡು, ಬೆಸ್ಕಾಂ ಸೇರಿ ಇತರೆ ಸೌಲಭ್ಯಗಳನ್ನು ಹೊಂದಿರುವ ನಿವಾಸಿಗಳಿಗೆ ಸಕ್ರಮದ ಹೆಸರಿನಲ್ಲಿ ಲಕ್ಷಾಂತರ ರೂ.ದಂಡ ವಿಧಿಸಲಾಗಿದೆ. ಲೊಟ್ಟಗೊಲ್ಲನಹಳ್ಳಿ, ನಾಗಶೆಟ್ಟಿಹಳ್ಳಿ, ಗೆದ್ದಲಹಳ್ಳಿ ಸೇರಿದಂತೆ ನಾನಾ ಬಡಾವಣೆಗಳಲ್ಲಿ ಮನೆ ಕಟ್ಟಿಕೊಂಡು ಇರುವ ಮಧ್ಯಮ, ಕೆಳ ಮಧ್ಯಮ ವರ್ಗದವರು ಸಂಕಷ್ಟಕ್ಕೆ ಸಿಲುಕುವಂತಾಗಿದೆ,'' ಎಂದು ನಿವೇಶನ, ಕಟ್ಟಡ ಮಾಲೀಕರು ಶಾಸಕರ ಎದುರು ಆಕ್ರೋಶ ವ್ಯಕ್ತಪಡಿಸಿದರು. ಶಾಸಕ ಬೈರತಿ ಎಸ್‌.ಸುರೇಶ ಅವರು ಮಾತನಾಡಿ, ''ಸರಕಾರದ ಅಧಿಸೂಚನೆಯನ್ನು ಕೋರ್ಟಿನಲ್ಲಿ ಪ್ರಶ್ನಿಸಲಾಗಿದೆ. ತೀರ್ಪು ಹೊರಬಂದಿಲ್ಲ. ಈ ಹಂತದಲ್ಲಿ ಬಿಡಿಎ ದಂಡ ವಿಧಿಸಿರುವುದು ಸರಿಯಲ್ಲ. ಹಲವು ವರ್ಷಗಳಿಂದ ಸುಮ್ಮನಿದ್ದ ಸರಕಾರದ ದಿಢೀರ್‌ ಅಧಿಸೂಚನೆ ಹೊರಡಿಸಿದೆ. ಇನ್ನಷ್ಟು ಜನರಿಗೆ ನೋಟಿಸ್‌ ಜಾರಿಯಾಗುವ ಸಂಭವವಿದೆ. ಯಾರೊಬ್ಬರೂ ಹಣ ಸಂದಾಯ ಮಾಡಬಾರದು. ಸಮಿತಿ ರಚಿಸಿ ಹೋರಾಟ ನಡೆಸಲಾಗುವುದು,'' ಎಂದರು. ದಂಡ ಶುಲ್ಕದ ಪ್ರಮಾಣ ಎಷ್ಟು ? ವಿಸ್ತೀರ್ಣ ವಸೂಲು ಮಾಡಬಹುದಾದ ಶುಲ್ಕ