ಇಂಧೋರ್ (): ಕಳೆದ ಕೆಲ ದಿನಗಳ ಹಿಂದಷ್ಟೇ ಬೆಂಗಳೂರಿನ ಪರಪ್ಪನ ಅಗ್ರಹಾರದ ದೃಶ್ಯವೊಂದು ವೈರಲ್ ಆಗಿತ್ತು. ಇಲ್ಲಿನ ಕೇಂದ್ರ ಕಾರಾಗೃಹದಲ್ಲಿ ರೌಡಿ ಶೀಟರ್‌ಗಳು ಲಾಂಗ್ ಹಿಡಿದು ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದರು..! ರೌಡಿಗಳ ಬರ್ತ್‌ಡೇ ಪಾರ್ಟಿ, ಸ್ಮಾರ್ಟ್‌ ಫೋನ್‌ಗಳಲ್ಲಿ ಸೆರೆಯಾಗಿತ್ತು..! ಇದೀಗ ಇಂಥದ್ದೇ ಒಂದು ಘಟನೆ ಮಧ್ಯ ಪ್ರದೇಶದಲ್ಲೂ ನಡೆದಿದೆ. ಮಧ್ಯಪ್ರದೇಶ ರಾಜ್ಯದ ದಾತಿಯಾ ಎಂಬಲ್ಲಿ ಇರುವ ಜೈಲಿನಲ್ಲಿ ಆರೋಪಿಯೊಬ್ಬ ಕೇಕ್ ಕತ್ತರಿಸಿ ತನ್ನ ಹುಟ್ಟುಹಬ್ಬದ ಸಂಭ್ರಮಾಚರಣೆ ಮಾಡಿದ್ದಾನೆ. ಆತ ತನ್ನ ಸುತ್ತಲೂ ಇರುವ ಕೇಕ್‌ಗಳನ್ನು ಕತ್ತರಿಸುವ ವಿಡಿಯೋ ವೈರಲ್ ಆಗಿದೆ. ಜೈಲಿನ ಸರಳುಗಳ ಹಿಂದೆಯೂ ಇಂಥಾದ್ದೊಂದು ಐಶಾರಾಮಿ ಬದುಕು, ಸಂಭ್ರಮಾಚರಣೆ ಇರಲು ಸಾಧ್ಯವೇ ಎಂದು ಪ್ರಶ್ನೆ ಮೂಡುವಂತಿವೆ ಈ ದೃಶ್ಯಗಳು..! ಮಧ್ಯಪ್ರದೇಶದ ಸವಾದಾ ಸಬ್‌ ಜೈಲಿನಲ್ಲಿ ಈ ಘಟನೆ ನಡೆದಿದ್ದು, ಘಟನೆ ಸಂಬಂಧ ಜೈಲರ್ ಹಾಗೂ ಮೂವರು ಗಾರ್ಡ್‌ಗಳನ್ನು ಸಸ್ಪೆಂಡ್ ಮಾಡಲಾಗಿದೆ. ಘಟನೆ ಬಗ್ಗೆ ಸಮಗ್ರ ತನಿಖೆಗೆ ದಾತಿಯಾ ಜಿಲ್ಲಾ ದಂಡಾಧಿಕಾರಿಗಳು ಆದೇಶ ನೀಡಿದ್ದಾರೆ. ಜೈಲುಗಳು ಅಪರಾಧಿಕ ಮನೋವೃತ್ತಿ ಇರುವ ಕೈದಿಗಳ ಮನವೊಲಿಕೆ ಕೇಂದ್ರಗಳಾಗಬೇಕೆಂಬುದು ಆಶಯ. ಆದ್ರೆ, ಜೈಲುಗಳಲ್ಲಿ ಸಂಭ್ರಮಾಚರಣೆ ನಡೆಸುವ ಸುದ್ದಿಗಳೇ ಮೇಲಿಂದ ಮೇಲೆ ಕೇಳಿ ಬರುತ್ತಿವೆ. ಹೀಗಾಗಿ, ಇವೆಲ್ಲವೂ ಹೆಸರಿಗೆ ಮಾತ್ರ ಜೈಲುಗಳು ಎಂಬಂತಾಗಿವೆ. ಇಂಥಾ ಜೈಲುಗಳಲ್ಲಿ ಕೈದಿಗಳ ಮನಃಪರಿವರ್ತನೆ ಆಗೋದಿರಲಿ, ಶಿಕ್ಷೆ ಅನುಭವಿಸುತ್ತಿದ್ದೇವೆ ಎಂಬ ಭಾವನೆಯೇ ಬಾರದಂತಾಗಿಬಿಡೋದು ದುರಂತವೇ ಸರಿ..
from India & World News in Kannada | VK Polls https://ift.tt/34P90QS
