ಬ್ಯಾಡಗಿ: ಕಳೆದ ಕೆಲ ವಾರಗಳಿಂದ ದಾಖಲೆ ದರದಲ್ಲಿ ಮಾರಾಟವಾಗ್ತಿರೋ ಮೆಣಸಿನಕಾಯಿ ಮತ್ತೊಮ್ಮೆ ಸದ್ದು ಮಾಡಿದೆ. ಈ ವರ್ಷ ಮೆಣಸು ಬೆಳೆ ರೈತನ ಕೈ ಹಿಡಿದಿದ್ದು ಮತ್ತೊಮ್ಮೆ ಮೆಣಸಿನಕಾಯಿಗೆ ದಾಖಲೆ ದರ ಸಿಕ್ಕಿದೆ. ಹಾವೇರಿ ಜಿಲ್ಲೆ ಶಿಗ್ಗಾವಿ ತಾಲೂಕಿನ ಪಾಣಿಗಟ್ಟಿ ಗ್ರಾಮದ ಬೆಳೆದ ಮೆಣಸಿನಕಾಯಿ ಕ್ವಿಂಟಾಲ್‌ಗೆ ಸ್ಥಳೀಯ ಮಾರುಕಟ್ಟೆಯಲ್ಲಿ 55,239 ರೂ. ದಾಖಲೆಯ ದರ ದೊರೆತಿದೆ. ಮಾರುಕಟ್ಟೆ ಪ್ರಾಂಗಣದ ಎಸ್‌.ಸಿ.ಪಾಟೀಲ ಅಂಗಡಿಯಲ್ಲಿ ರೈತ ಚೆನ್ನಪ್ಪಗೌಡ ಬ್ಯಾಳಿಗೌಡ್ರ ಮಾರಾಟಕ್ಕಿಟ್ಟಿದ್ದ 2 ಕ್ವಿಂಟಾಲ್‌ ಡಬ್ಬಿ ಮೆಣಸಿನಕಾಯಿಯನ್ನು ಎ.ಎಚ್‌.ನಾಸಿಪುರ ಎಂಬ ವ್ಯಾಪಾರಸ್ಥರು ಕ್ವಿಂಟಾಲ್‌ಗೆ 55,239 ರೂ.ನಂತೆ ಖರೀದಿಸಿದ್ದಾರೆ. ಕಳೆದ ಸೋಮವಾರ ಗದಗ ಜಿಲ್ಲೆಯ ಬೆಟಗೇರಿ ಗ್ರಾಮದ ರೈತ ಮಲ್ಲಿಕಾರ್ಜುನ ಬಸಪ್ಪ ಕರಿಮಿಷ್ಟಿ ಬೆಳೆದ ಮೆಣಸಿನಕಾಯಿಗೆ ಕ್ವಿಂಟಾಲ್‌ಗೆ 50,111 ರೂ.ಗೆ ಮಾರಾಟವಾಗಿ ದಾಖಲೆ ಬರೆದಿತ್ತು. ಗುರುವಾರದ ಮಾರುಕಟ್ಟೆಗೆ ಒಟ್ಟು 101783 ಲಕ್ಷ ಮೆಣಸಿಕಾಯಿ ಚೀಲ ಆವಕಾಗಿದೆ. ಕಳೆದ ಸೋಮವಾರವು ಸಹ ಒಂದು ಲಕ್ಷ ಚೀಲ ಆವಕವಾಗಿದ್ದವು. ವರ್ಷದ ಕೊನೆ ದಿನದಲ್ಲಿಮತ್ತೆ ಮೆಣಸಿನಕಾಯಿ ಚೀಲ ಆವಕ ಲಕ್ಷದ ಗಡಿ ದಾಟಿದೆ.
from India & World News in Kannada | VK Polls https://ift.tt/3o4gyqB
