ಮಂಜುನಾಥ್ ನಾಗಲೀಕರ್ ಬೆಂಗಳೂರುಬೆಂಗಳೂರು: ತುರ್ತು ಅಗತ್ಯಕ್ಕೆಂದು 'ಮೈಕ್ರೊ ಲೋನ್ ಆ್ಯಪ್'ಗಳನ್ನು ಡೌನ್ಲೋಡ್ ಮಾಡಿಕೊಂಡು ಸಾಲಕ್ಕಾಗಿ ಅರ್ಜಿ ಸಲ್ಲಿಸುವ ಗ್ರಾಹಕರೇ ಎಚ್ಚರ! ಸುಲಭವಾಗಿ ದಿಢೀರ್ ಎಂದು ಸಾಲ ನೀಡುವ ಆ್ಯಪ್ ಆಧಾರಿತ ಕಂಪನಿಗಳು ನಿಮ್ಮನ್ನು ಸಾಲದ ಸುಳಿಗೆ ಸಿಲುಕಿಸಿ ಸಂಕಷ್ಟಕ್ಕೆ ನೂಕುತ್ತವೆ. ಕಿರು ಅವಧಿಯ ಸಣ್ಣ ಸಾಲ ನೀಡುವ ನೂರಾರು ಆ್ಯಪ್ಗಳು ಪ್ಲೇ ಸ್ಟೋರ್ ಸೇರಿವೆ. ಅನಿಯಂತ್ರಿತ ಬಡ್ಡಿ, ಗೌಪ್ಯ ಶುಲ್ಕಗಳ ನೆಪದಲ್ಲಿ ಸಾಲ ಪಡೆದವರನ್ನು ಹಿಂಡಿ ಹಿಪ್ಪೆ ಮಾಡುತ್ತಿವೆ. ಸಾಲ ಪಡೆದವರು ಬೇಸತ್ತು ನೀಡಿದ ದೂರು ಆಧರಿಸಿ ಇತ್ತೀಚೆಗೆ ಬೆಂಗಳೂರಿನಲ್ಲಿ ಸಿಐಡಿ ಮತ್ತು ಸೈಬರ್ ಕ್ರೈಂ ಪೊಲೀಸರು ಕೇಸ್ ದಾಖಲಿಸಿಕೊಂಡಿದ್ದಾರೆ. ಕಳೆದ ವಾರ ಹೈದರಾಬಾದ್ನಲ್ಲೂ ಪೊಲೀಸರು ಮೈಕ್ರೊ ಫೈನಾನ್ಸ್ ಆ್ಯಪ್ ಕಂಪನಿಗಳ ಮೇಲೆ ದಾಳಿ ನಡೆಸಿ ಅಕ್ರಮದಲ್ಲಿ ತೊಡಗಿದ್ದವರನ್ನು ಬಂಧಿಸಿದ್ದಾರೆ.ಷರತ್ತುಗಳಿಗೆ ಒಪ್ಪಿದ್ದಾರೆಂಬ ಮಾತ್ರಕ್ಕೆ ದುಬಾರಿ ಬಡ್ಡಿ, ಗೌಪ್ಯ ಶುಲ್ಕಗಳನ್ನು ಆ್ಯಪ್ ಆಧಾರಿತ ಸಾಲ ಕಂಪನಿಗಳು ಒದಗಿಸುವಂತಿಲ್ಲ. ಅಕ್ರಮ ಹಣಕಾಸು ವ್ಯವಹಾರಗಳ ಕುರಿತು ಕೇಂದ್ರ ಮತ್ತು ರಾಜ್ಯ ಸರಕಾರಗಳ ನಡುವೆ ಸಂಯೋಜನೆಯೊಂದಿಗೆ ನಿಗಾ ಇರಿಸಲು ಆರಂಭಿಸಿರುವ ರಾಜ್ಯ ಮಟ್ಟದ ಸಮನ್ವಯ ಸಮಿತಿಗೆ (ಎಸ್ಎಲ್ಸಿಸಿ) ದೂರು ನೀಡಬಹುದು.
ಮಂಜುನಾಥ್ ನಾಗಲೀಕರ್ ಬೆಂಗಳೂರು
ಬೆಂಗಳೂರು:
ತುರ್ತು ಅಗತ್ಯಕ್ಕೆಂದು 'ಮೈಕ್ರೊ ಲೋನ್ ಆ್ಯಪ್'ಗಳನ್ನು ಡೌನ್ಲೋಡ್ ಮಾಡಿಕೊಂಡು ಸಾಲಕ್ಕಾಗಿ ಅರ್ಜಿ ಸಲ್ಲಿಸುವ ಗ್ರಾಹಕರೇ ಎಚ್ಚರ! ಸುಲಭವಾಗಿ ದಿಢೀರ್ ಎಂದು ಸಾಲ ನೀಡುವ ಆ್ಯಪ್ ಆಧಾರಿತ ಕಂಪನಿಗಳು ನಿಮ್ಮನ್ನು ಸಾಲದ ಸುಳಿಗೆ ಸಿಲುಕಿಸಿ ಸಂಕಷ್ಟಕ್ಕೆ ನೂಕುತ್ತವೆ. ಕಿರು ಅವಧಿಯ ಸಣ್ಣ ಸಾಲ ನೀಡುವ ನೂರಾರು ಆ್ಯಪ್ಗಳು ಪ್ಲೇ ಸ್ಟೋರ್ ಸೇರಿವೆ. ಅನಿಯಂತ್ರಿತ ಬಡ್ಡಿ, ಗೌಪ್ಯ ಶುಲ್ಕಗಳ ನೆಪದಲ್ಲಿ ಸಾಲ ಪಡೆದವರನ್ನು ಹಿಂಡಿ ಹಿಪ್ಪೆ ಮಾಡುತ್ತಿವೆ. ಸಾಲ ಪಡೆದವರು ಬೇಸತ್ತು ನೀಡಿದ ದೂರು ಆಧರಿಸಿ ಇತ್ತೀಚೆಗೆ ಬೆಂಗಳೂರಿನಲ್ಲಿ ಸಿಐಡಿ ಮತ್ತು ಸೈಬರ್ ಕ್ರೈಂ ಪೊಲೀಸರು ಕೇಸ್ ದಾಖಲಿಸಿಕೊಂಡಿದ್ದಾರೆ. ಕಳೆದ ವಾರ ಹೈದರಾಬಾದ್ನಲ್ಲೂ ಪೊಲೀಸರು ಮೈಕ್ರೊ ಫೈನಾನ್ಸ್ ಆ್ಯಪ್ ಕಂಪನಿಗಳ ಮೇಲೆ ದಾಳಿ ನಡೆಸಿ ಅಕ್ರಮದಲ್ಲಿ ತೊಡಗಿದ್ದವರನ್ನು ಬಂಧಿಸಿದ್ದಾರೆ.
ಆ್ಯಪ್ಗಳು ನೇರವಾಗಿ ಸಾಲ ಕೊಡುವಂತಿಲ್ಲ!
ಆರ್ಬಿಐ ನಿಯಮಗಳ ಪ್ರಕಾರ, ಯಾವುದೇ ಆ್ಯಪ್ ನೇರವಾಗಿ ಗ್ರಾಹಕರಿಗೆ ಸಾಲ ಮಂಜೂರು ಮಾಡಲು ಅವಕಾಶ ಇಲ್ಲ. ಆ್ಯಪ್ ಕಂಪನಿಗಳು ಬ್ಯಾಂಕೇತರ ಹಣಕಾಸು ಸಂಸ್ಥೆ (ಎನ್ಬಿಎಫ್ಸಿ) ಅಥವಾ ಮೈಕ್ರೊ ಫೈನಾನ್ಸ್ ಇನ್ಸ್ಟಿಟ್ಯೂಷನ್ (ಎಂಎಫ್ಐ) ಜತೆ ಒಪ್ಪಂದ ಮಾಡಿಕೊಳ್ಳಬೇಕು. ಆ್ಯಪ್ ಅಭಿವೃದ್ಧಿಪಡಿಸಿರುವ ಸಾಫ್ಟ್ವೇರ್ ಕಂಪನಿಗಳು ಏನಿದ್ದರೂ ಎನ್ಬಿಎಫ್ಸಿ ಮತ್ತು ಸಾಲಗಾರರ ನಡುವೆ ವೇದಿಕೆ ಮಾಡಿಕೊಡಬೇಕು. ನೇರವಾಗಿ ತಮ್ಮ ಬಳಿ ಇರುವ ಹಣವನ್ನು ಸಾಲದ ರೂಪದಲ್ಲಿ ಕೊಡುವಂತಿಲ್ಲ ಎಂದು ಬ್ಯಾಂಕಿಂಗ್ ತಜ್ಞರು ತಿಳಿಸಿದ್ದಾರೆ.
'ಕನ್ನಡ ವಿವಿ ಉಳಿಸಿ' ಅಭಿಯಾನಕ್ಕೆ ಮಠಾಧೀಶರ ಸಾಥ್, ತೀವ್ರಗೊಂಡ ಹೋರಾಟ
ಸಾಲ ಪಡೆದವರಿಗೆ ಹಿಂಸೆ
ಸಾಲ ಪಡೆದವರ ಕಾಂಟ್ಯಾಕ್ಟ್ ಲಿಸ್ಟ್ನಿಂದ ನಂಬರ್ ಪಡೆದು, ಸಾಲ ಪಡೆದವರ ಫೋಟೊಗಳಿಗೆ ಚೋರ್, ಫ್ರಾಡ್, ಡಿಫಾಲ್ಟರ್ ಎಂಬ ತಲೆಬರಹ ನೀಡಿ ಮಾನಹಾನಿ ಮಾಡಲಾಗುತ್ತಿದೆ. ತಮ್ಮದೇ ಕಂಪನಿಯ ಮತ್ತೊಂದು ಎನ್ಬಿಎಫ್ಸಿಯಿಂದ 'ಸಾಲ ಪಡೆದು ತೀರಿಸು' ಎಂದು ಹೇಳಿ ಸಾಲದ ಮೇಲೆ ಸಾಲ ಹಾಗೂ ಬಡ್ಡಿ ಮೇಲೆ ಬಡ್ಡಿಯ ಭಾರ ಹೇರುತ್ತಾರೆ. ಸಂಬಂಧಿಕರು, ಸಾಲಕ್ಕಾಗಿ ಸಹಿ ಮಾಡಿದ ಶ್ಯೂರಿಟಿಗಳಿಗೂ ಕರೆ ಮಾಡಿ ಕಿರುಕುಳ ನೀಡುತ್ತಾರೆ ಎಂಬ ಬಗ್ಗೆ ಸಿಐಡಿ ಅಧಿಕಾರಿಗಳು ಮಾಹಿತಿ ಸಂಗ್ರಹಿಸಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಬ್ಯಾಂಕಿಂಗ್ ತಜ್ಞರಾದ ಎಸ್.ಎಸ್. ಭಟ್, ಸಾಲ ಪಡೆಯುವ ಮೊದಲು ಸಾಲ ನೀಡುವ ಆ್ಯಪ್ ಅಧಿಕೃತವಾಗಿ ನೋಂದಣಿಯಾಗಿದೆಯೇ, ಆರ್ಬಿಐನಿಂದ ಲೈಸೆನ್ಸ್ ಪಡೆದಿವೆಯೇ ಎಂಬುದನ್ನು ಪರಿಶೀಲಿಸಬೇಕು. ಅಕ್ರಮ ನಿಯಂತ್ರಿಸಲು ಆರ್ಬಿಐ ಮತ್ತು ಸ್ಥಳೀಯ ಪ್ರಾಧಿಕಾರಗಳು ಆ್ಯಪ್ಗಳ ಚಟುವಟಿಕೆ ಮೇಲೆ ನಿರಂತರ ಮೇಲೆ ನಿಗಾ ಇರಿಸಬೇಕು.
ಶೇ.36ಕ್ಕಿಂತ ಹೆಚ್ಚಿನ ಬಡ್ಡಿ !
ಎನ್ಬಿಎಫ್ಸಿಗಳು ಕೂಡ ಸಾಲ ಅಥವಾ ಫಂಡಿಂಗ್ ಮೂಲಕವೇ ನಡೆಯುತ್ತವೆ. ಅವರು ಯಾವ ಬಡ್ಡಿಗೆ ಸಾಲ ಪಡೆದಿರುತ್ತಾರೋ ಅದರ ಮೇಲೆ ಗರಿಷ್ಠ ಶೇ.10ರಷ್ಟು ಬಡ್ಡಿ ವಿಧಿಸಬೇಕು. ಅದರ ಜತೆಗೆ ಆ್ಯಪ್ ಸೇವೆ ಒದಗಿಸುವವರಿಗೆ ಪ್ರೊಸೆಸಿಂಗ್ ಶುಲ್ಕ, ವೇದಿಕೆ ಕಲ್ಪಿಸಿರುವ ಶುಲ್ಕ ವಿಧಿಸಲು ಅವಕಾಶ ಇರುತ್ತದೆ. ಆದರೆ ಈ ಆ್ಯಪ್ಗಳು ಶೇ.36ಕ್ಕಿಂತ ಹೆಚ್ಚು ಪ್ರಮಾಣದಲ್ಲಿ ಬಡ್ಡಿ, ಚಕ್ರ ಬಡ್ಡಿ ವಿಧಿಸುತ್ತಿವೆ. ಸಾಲ ಮಂಜೂರು ಮಾಡುವಾಗಲೇ ಬಡ್ಡಿ ಕಡಿತಗೊಳಿಸುತ್ತವೆ. ಅಂದರೆ, 3 ಸಾವಿರ ರೂ. ಸಾಲ ಮಂಜೂರು ಮಾಡಿದರೆ ಶೇ.36ಕ್ಕಿಂತ ಹೆಚ್ಚು ಬಡ್ಡಿ ವಿಧಿಸುತ್ತವೆ. ಅದರ ಜತೆಗೆ ಜಿಎಸ್ಟಿ, ಪ್ರೊಸೆಸಿಂಗ್ ಶುಲ್ಕದ ನೆಪ ಹೇಳಿ 1,800 ರೂ. ಮಾತ್ರ ಸಾಲ ಕೊಡುತ್ತವೆ. ಸಾಲ ಮರುಪಾವತಿಗೆ ಕೇವಲ ಒಂದು ವಾರ ಕಾಲಾವಕಾಶ ನೀಡುತ್ತಿವೆ. ಒಂದು ದಿನ ತಡವಾದರೂ ಮಾನಸಿಕ ಹಿಂಸೆ ಶುರು ಮಾಡುತ್ತವೆ.
ಸಾಲದ ತುರ್ತಿಗೆ ಎಲ್ಲದಕ್ಕೂ ಒಪ್ಪಿಗೆ
ತಿಂಗಳ ವೇತನ ಪಡೆಯುವವರು, ವ್ಯವಹಾರ ನಡೆಸುವವರಿಗೆ ತುರ್ತಾಗಿ ಹಣ ಬೇಕಾಗುತ್ತದೆ. ಅಂತಹ ಸಂದರ್ಭದಲ್ಲಿ ಸುಲಭ ಎನಿಸುವ ಅಥವಾ ಪರಿಚಿತರ ಮೂಲಕ ತಿಳಿದುಕೊಂಡು ಆ್ಯಪ್ನಲ್ಲಿ ಸಾಲ ಪಡೆಯಲು ಮುಂದಾಗುತ್ತಾರೆ. ಸಾಲದ ಅನಿವಾರ್ಯತೆ ಕಾರಣ ಕೇಳಿದ ಎಲ್ಲ ವೈಯಕ್ತಿಕ ದಾಖಲೆ ಕೊಟ್ಟು, 'ಟರ್ಮ್ಸ್ ಆ್ಯಂಡ್ ಕಂಡಿಷನ್ಸ್' ಒಪ್ಪಿ ಮುಂದುವರಿಯುತ್ತಾರೆ. ಆಗ ಸಾಲದ ಆ್ಯಪ್ ಕಂಪನಿಗಳು ಮೊಬೈಲ್ನಲ್ಲಿರುವ ಕಾಂಟ್ಯಾಕ್ಟ್ ನಂಬರ್ಗಳು, ಎಸ್ಎಂಎಸ್, ಕರೆ ವಿವರಗಳು ಮತ್ತು ಸ್ಟೋರೇಜ್ಗೆ ಪ್ರವೇಶ ಪಡೆಯುತ್ತವೆ. ಸಾಲ ಪಡೆಯುವ ಒಪ್ಪಿಗೆ ಸೂಚಿಸುತ್ತಿದ್ದಂತೆ ಮೊಬೈಲ್ನಲ್ಲಿನ ಪೂರ್ಣ ಮಾಹಿತಿ ಸಾಲಗಾರರ ಕಂಪನಿಗೆ ಲಭ್ಯವಾಗುತ್ತದೆ. ನಂತರ ಸಾಲಕ್ಕಾಗಿ ಪ್ಯಾನ್ ಸಂಖ್ಯೆ, ಆಧಾರ್ ಸಂಖ್ಯೆ, ಬ್ಯಾಂಕ್ ಖಾತೆ ವಿವರ, ಪರಿಚಿತರಿಬ್ಬರ ಹೆಸರು ಮತ್ತು ಮೊಬೈಲ್ ಫೋನ್ ನಂಬರ್ ಪಡೆಯುತ್ತಾರೆ. ಮುಂದೆ ಇದು ಸಾಲಗಾರರಿಗೆ ಉರುಳಾಗಿ ಕಾಡುತ್ತದೆ.ಇನ್ನು ಈ ರೀತಿಯ ಸಮಸ್ಯೆ ನೀವು ಎದುರಿಸಿದರೆ, ಷರತ್ತುಗಳಿಗೆ ಒಪ್ಪಿದ್ದಾರೆಂಬ ಮಾತ್ರಕ್ಕೆ ದುಬಾರಿ ಬಡ್ಡಿ, ಗೌಪ್ಯ ಶುಲ್ಕಗಳನ್ನು ಆ್ಯಪ್ ಆಧಾರಿತ ಸಾಲ ಕಂಪನಿಗಳು ಒದಗಿಸುವಂತಿಲ್ಲ. ಅಕ್ರಮ ಹಣಕಾಸು ವ್ಯವಹಾರಗಳ ಕುರಿತು ಕೇಂದ್ರ ಮತ್ತು ರಾಜ್ಯ ಸರಕಾರಗಳ ನಡುವೆ ಸಂಯೋಜನೆಯೊಂದಿಗೆ ನಿಗಾ ಇರಿಸಲು ಆರಂಭಿಸಿರುವ ರಾಜ್ಯ ಮಟ್ಟದ ಸಮನ್ವಯ ಸಮಿತಿಗೆ (ಎಸ್ಎಲ್ಸಿಸಿ) ದೂರು ನೀಡಬಹುದು.
ವಾಜಪೇಯಿ ಜನ್ಮದಿನದ ನಿಮಿತ್ತ ಪ್ರಾಮಾಣಿಕ ಆಟೊ ಚಾಲಕರಿಗೆ ಸನ್ಮಾನ
ನಿಯಂತ್ರಣ ಇರಬೇಕು
ತುರ್ತಾಗಿ ಕಿರು ಅವಧಿಯ ಸಾಲ ನೆಪದಲ್ಲಿ ಆ್ಯಪ್ಗಳು ಸಾಲ ಮಂಜೂರು ಮಾಡಬಹುದು. ಆದರೆ, ಈ ಆ್ಯಪ್ಗಳು ಯಾವ ಎನ್ಬಿಎಫ್ಸಿ ಅಥಾವ ಎಂಎಫ್ಐಗೆ ವೇದಿಕೆ ಒದಗಿಸಿವೆ? ಸಾಲ ಪಡೆದವರಿಗೆ ಯಾವ ಖಾತೆಯಿಂದ ಹಣ ಜಮಾ ಆಗಿದೆ ಎಂಬುದರ ಕುರಿತು ಆರ್ಬಿಐ, ರಾಜ್ಯ ಸರಕಾರ, ಸೈಬರ್ ಕ್ರೈಂ ಪೊಲೀಸ್ ಘಟಕ ನಿಗಾ ಇರಿಸಬೇಕು. ಈ ಸಂಬಂಧ ಆ್ಯಪ್ಗಳಲ್ಲಿ ಪರಿಶೀಲನೆ ನಡೆಸಬೇಕು. ಹೆಸರು, ಒಪ್ಪಂದ ಮಾಡಿಕೊಂಡಿರುವ ಎನ್ಬಿಎಸ್ಸಿ ಹೆಸರು, ವಿಳಾಸ ಮುಂತಾದ ವಿವರಗಳ ಅಧಿಕೃತತೆಯ ಮೇಲೆ ನಿಗಾ ಇರಿಸಬೇಕು. ಇದರಿಂದ ಸಾಲ ಪಡೆವ ನಾಗರಿಕರ ಶೋಷಣೆ ತಪ್ಪುತ್ತದೆ.
ಎಸ್ಸಿ, ಎಸ್ಟಿ ಆಯೋಗ ನ್ಯಾಯಮಂಡಳಿಯಲ್ಲ: ಹೈಕೋರ್ಟ್
from India & World News in Kannada | VK Polls https://ift.tt/3aHsPNG
