ಕೊರೊನಾದ ಕರಿಛಾಯೆ ಮುಸ್ಲಿಮರ ಪ್ರಮುಖ ಹಬ್ಬವಾದ ಬಕ್ರೀದ್‌ ಮೇಲೆ ಬಿದ್ದಿದೆ. ಬಕ್ರೀದ್‌ ಹಬ್ಬವನ್ನ ಸಂಭ್ರಮದಿಂದ ಆಚರಿಸುವ ಗಲ್ಫ್‌ ದೇಶಗಳಲ್ಲೂ ಈ ಬಾರಿ ಸರಳವಾಗಿ ಹಾಗೂ ಮನೆಯಲ್ಲೇ ಹಬ್ಬವನ್ನ ಆಚರಣೆ ಮಾಡಲಾಗಿದೆ. ಸೌದಿ ಅರೇಬಿಯಾ, ಯುಎಇ ಸೇರಿ ಗಲ್ಫ್‌ ರಾಷ್ಟ್ರಗಳಲ್ಲಿ ಈ ಬಾರಿಯ ಶಾಂತಿಯ ಪ್ರತೀಕವಾದ ಬಕ್ರೀದ್‌ ಹಬ್ಬದ ಆಚರಣೆ ಹೇಗಿತ್ತು? ಈ ಬಗ್ಗೆ ಮಾಹಿತಿ ಇಲ್ಲಿದೆ. ದುಬಾಯಿ ದೊರೆ ಮೊಹಮ್ಮದ್‌ ಬಿನ್‌ ರಷೀದ್‌ ಅಲ್‌ಮೊಕ್ಟಂ, ಸಾಮಾಜಿಕ ಜಾಲತಾಣದ ಮೂಲಕ ಜನರಿಗೆ ಶುಭಾಶಯ ಕೋರಿದ್ದು, ಈ ಬಾರಿ ಸರಳತೆಯ ಆಚರಿಸಿ ಎಂದು ಕರೆ ನೀಡಿದ್ದಾರೆ. ಅಲ್ಲದೇ ಈ ಹಬ್ಬದ ದಿನ ಹಾಗೂ ಪೂರ್ತಿ ವರ್ಷ ಎಲ್ಲರಿಗೂ ಉತ್ತಮ ಆರೋಗ್ಯವನ್ನ ಆ ಭಗವಂತ ಕರುಣಿಸಲಿ. ಸುರಕ್ಷತೆಯ ಹಬ್ಬವಾಗಲಿ ಎಂದು ಹಾರೈಸಿದ್ದಾರೆ. ಇನ್ನು ಕೊರೊನಾ ಸೋಂಕು ಹಿನ್ನೆಲೆ ಯುಎಇನಲ್ಲಿ ಮಸೀದಿ, ಮೈದಾನಗಳಲ್ಲಿ ಸಾಮೂಹಿಕ ಪ್ರಾರ್ಥನೆಯನ್ನ ನಿಷೇಧಿಸಲಾಗಿದೆ. ಕುಟುಂಬದೊಂದಿಗೆ ಮನೆಯಲ್ಲೇ ಪ್ರಾರ್ಥನೆ ಹಾಗೂ ಹಬ್ಬವನ್ನ ಆಚರಿಸುವಂತೆ ಅಲ್ಲಿನ ಸರಕಾರ ಕೇಳಿಕೊಂಡಿದೆ. ಅಲ್ಲದೇ ಮಸೀದಿಗಳೇ ಪ್ರಾರ್ಥನೆಗೂ ಮುನ್ನದ ಈದ್‌ ತಕ್ಬೀರನ್ನ ಮಾಧ್ಯಮಗಳಲ್ಲಿ ಪ್ರಸಾರ ಮಾಡುತ್ತಿದೆ. ಇನ್ನು ಅಬುಧಾಬಿ ಪೊಲೀಸರು ಕೂಡ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದ್ದು, ಹಬ್ಬದ ಹೆಸರನಲ್ಲಿ ಕೊರೊನಾ ನಿಯಮಗಳನ್ನ ಉಲ್ಲಂಘಿಸಿದರೆ ಕಠಿಣ ಕಾನೂನಿನ ಶಿಕ್ಷೆ ಹಾಗೂ ದಂಡ ವಿಧಿಸುವ ಬಗ್ಗೆ ತಿಳಿಸಿದ್ದಾರೆ. ಅಲ್ಲದೇ ಸಾರ್ವಜನಿಕ ಸ್ಥಳಗಳಲ್ಲಿ ಪ್ರಾರ್ಥನೆ ಆಯೋಜನೆ ಮಾಡುವವರಿಗೆ ಹತ್ತು ಸಾವಿರ ದಿರಾಮ್ಸ್‌ ದಂಡ ಹಾಗೂ ಪ್ರತಿಯೊಬ್ಬರಿಗೂ ಐದು ಸಾವಿರ ದಿರಾಮ್ಸ್‌ ದಂಡವಾಗಿ ವಿಧಿಸಲಾಗುತ್ತೆ ಎಂದು ತಿಳಿಸಿದ್ದಾರೆ. ಇನ್ನೊಂದೆಡೆ ದುಬಾಯಿ ಆರೋಗ್ಯ ಇಲಾಖೆ ಹಬ್ಬ ಯಾವ ರೀತಿ ಆಚರಣೆ ಮಾಡಬೇಕು ಎನ್ನುವ ಬಗ್ಗೆ ಹೊಸ ಮಾರ್ಗದರ್ಶನಗಳನ್ನ ಬಿಡುಗಡೆಗೊಳಿಸಿದೆ.
from India & World News in Kannada | VK Polls https://ift.tt/3k0mgYR
