ಹೊಸದಿಲ್ಲಿ: ಗೊಂದಲದ ಗೂಡಾಗಿ ಪರಿಣಮಿಸಿರುವ ಕಾಂಗ್ರೆಸ್‌ ನಾಯಕತ್ವ ಬಿಕ್ಕಟ್ಟು ಯಥಾಸ್ಥಿತಿಯಲ್ಲಿ ಮುಂದುವರೆದಿದೆ. ನಾಯಕತ್ವ ಸಮಸ್ಯೆಯಿಂದ ಹೈರಾಣಾಗಿರುವ ಪಕ್ಷಕ್ಕೆ ಹೊಸ ಸಾರಥಿ ಹುಡುಕುವ ನಿಟ್ಟಿನಲ್ಲಿ ಸೋಮವಾರ ನಡೆದ ಕಾಂಗ್ರೆಸ್‌ ಕಾರ್ಯಕಾರಿಣಿ ಸಭೆ ಅತಂತ್ರವಾಗಿ ಅಂತ್ಯಗೊಂಡಿದೆ. ಸದ್ಯಕ್ಕೆ ಆರು ತಿಂಗಳ ಕಾಲ ಸೋನಿಯಾ ಗಾಂಧಿ ಅವರನ್ನೇ ಎಐಸಿಸಿ ಅಧ್ಯಕ್ಷರನ್ನಾಗಿ ಮುಂದುವರಿಸಿ, ಅಷ್ಟರಲ್ಲಿಹೊಸ ನಾಯಕರನ್ನು ಹುಡುಕಲು ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿದೆ. ನಾಯಕತ್ವ ಬದಲಾವಣೆಗೆ ಆಗ್ರಹಿಸಿ 23 ಹಿರಿಯ ನಾಯಕರ ಪತ್ರದ ಹಿನ್ನೆಲೆಯಲ್ಲಿ ರಾಜೀನಾಮೆ ಪ್ರಸ್ತಾಪ ಸಲ್ಲಿಸಿದ್ದ ಸೋನಿಯಾ, ಹಿರಿಯ ನಾಯಕರ ಒಕ್ಕೊರಲ ಒತ್ತಾಯದ ಹಾಗೂ ಅನಿವಾರ್ಯ ಪರಿಸ್ಥಿತಿ ಹಿನ್ನೆಲೆಯಲ್ಲಿ ಚುಕ್ಕಾಣಿ ಮುಂದುವರಿಸಲಿದ್ದಾರೆ. ಸುಮಾರು ಏಳು ಗಂಟೆ ಕಾಲ ನಡೆದ ವಚ್ರ್ಯೂಯಲ್‌ ಸಭೆಯಲ್ಲಿ ನಾಯಕತ್ವ ಬದಲಾವಣೆಗೆ ಆಗ್ರಹಿಸಿ ಪತ್ರ ಬರೆದಿದ್ದ ನಾಯಕರ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಯಿತು. ಸೋನಿಯಾ ಮತ್ತು ರಾಹುಲ್‌ ಗಾಂಧಿ ನಾಯಕತ್ವಕ್ಕಾಗಿ ಸರ್ವಾನುಮತದ ಬೆಂಬಲ ವ್ಯಕ್ತವಾಯಿತು. ನಾಯಕತ್ವ ಬದಲಾವಣೆ ಕೋರಿ ಪತ್ರ ಬರೆದ ಬಹುತೇಕ ನಾಯಕರನ್ನು ಸಭೆಯಲ್ಲಿ'ಬಂಡಾಯಕೋರರು' ಎಂಬಂತೆ ಬಿಂಬಿಸಿ, ಟೀಕಿಸಲಾಯಿತು. ಮನಮೋಹನ್‌ ಸಿಂಗ್‌, ಮಾಜಿ ಸಚಿವರಾದ ಎ.ಕೆ. ಆಂಟೊನಿ, ಅಂಬಿಕಾ ಸೋನಿ ಸೇರಿದಂತೆ ಬಹುತೇಕ ನಾಯಕರು ಪತ್ರ ಬರೆದದ್ದನ್ನು 'ಕ್ರೂರ', 'ದುರದೃಷ್ಟಕರ' ಎಂದು ಬಣ್ಣಿಸಿದರು.ನಾಯಕತ್ವ ಸಮಸ್ಯೆಯಿಂದ ಹೈರಾಣಾಗಿರುವ ಪಕ್ಷಕ್ಕೆ ಹೊಸ ಸಾರಥಿ ಹುಡುಕುವ ನಿಟ್ಟಿನಲ್ಲಿ ಸೋಮವಾರ ನಡೆದ ಕಾಂಗ್ರೆಸ್‌ ಕಾರ್ಯಕಾರಿಣಿ ಸಭೆ ಅತಂತ್ರವಾಗಿ ಅಂತ್ಯಗೊಂಡಿದೆ. ಸದ್ಯಕ್ಕೆ ಆರು ತಿಂಗಳ ಕಾಲ ಸೋನಿಯಾ ಗಾಂಧಿ ಅವರನ್ನೇ ಎಐಸಿಸಿ ಅಧ್ಯಕ್ಷರನ್ನಾಗಿ ಮುಂದುವರಿಸಿ, ಅಷ್ಟರಲ್ಲಿಹೊಸ ನಾಯಕರನ್ನು ಹುಡುಕಲು ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿದೆ.
ಹೊಸದಿಲ್ಲಿ:
ಗೊಂದಲದ ಗೂಡಾಗಿ ಪರಿಣಮಿಸಿರುವ ಕಾಂಗ್ರೆಸ್‌ ನಾಯಕತ್ವ ಬಿಕ್ಕಟ್ಟು ಯಥಾಸ್ಥಿತಿಯಲ್ಲಿ ಮುಂದುವರೆದಿದೆ. ನಾಯಕತ್ವ ಸಮಸ್ಯೆಯಿಂದ ಹೈರಾಣಾಗಿರುವ ಪಕ್ಷಕ್ಕೆ ಹೊಸ ಸಾರಥಿ ಹುಡುಕುವ ನಿಟ್ಟಿನಲ್ಲಿ ಸೋಮವಾರ ನಡೆದ ಕಾಂಗ್ರೆಸ್‌ ಕಾರ್ಯಕಾರಿಣಿ ಸಭೆ ಅತಂತ್ರವಾಗಿ ಅಂತ್ಯಗೊಂಡಿದೆ. ಸದ್ಯಕ್ಕೆ ಆರು ತಿಂಗಳ ಕಾಲ ಸೋನಿಯಾ ಗಾಂಧಿ ಅವರನ್ನೇ ಎಐಸಿಸಿ ಅಧ್ಯಕ್ಷರನ್ನಾಗಿ ಮುಂದುವರಿಸಿ, ಅಷ್ಟರಲ್ಲಿಹೊಸ ನಾಯಕರನ್ನು ಹುಡುಕಲು ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಗಿದೆ. ನಾಯಕತ್ವ ಬದಲಾವಣೆಗೆ ಆಗ್ರಹಿಸಿ 23 ಹಿರಿಯ ನಾಯಕರ ಪತ್ರದ ಹಿನ್ನೆಲೆಯಲ್ಲಿ ರಾಜೀನಾಮೆ ಪ್ರಸ್ತಾಪ ಸಲ್ಲಿಸಿದ್ದ ಸೋನಿಯಾ, ಹಿರಿಯ ನಾಯಕರ ಒಕ್ಕೊರಲ ಒತ್ತಾಯದ ಹಾಗೂ ಅನಿವಾರ್ಯ ಪರಿಸ್ಥಿತಿ ಹಿನ್ನೆಲೆಯಲ್ಲಿ ಚುಕ್ಕಾಣಿ ಮುಂದುವರಿಸಲಿದ್ದಾರೆ. ಸುಮಾರು ಏಳು ಗಂಟೆ ಕಾಲ ನಡೆದ ವಚ್ರ್ಯೂಯಲ್‌ ಸಭೆಯಲ್ಲಿ ನಾಯಕತ್ವ ಬದಲಾವಣೆಗೆ ಆಗ್ರಹಿಸಿ ಪತ್ರ ಬರೆದಿದ್ದ ನಾಯಕರ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಯಿತು. ಸೋನಿಯಾ ಮತ್ತು ರಾಹುಲ್‌ ಗಾಂಧಿ ನಾಯಕತ್ವಕ್ಕಾಗಿ ಸರ್ವಾನುಮತದ ಬೆಂಬಲ ವ್ಯಕ್ತವಾಯಿತು. ನಾಯಕತ್ವ ಬದಲಾವಣೆ ಕೋರಿ ಪತ್ರ ಬರೆದ ಬಹುತೇಕ ನಾಯಕರನ್ನು ಸಭೆಯಲ್ಲಿ'ಬಂಡಾಯಕೋರರು' ಎಂಬಂತೆ ಬಿಂಬಿಸಿ, ಟೀಕಿಸಲಾಯಿತು. ಮನಮೋಹನ್‌ ಸಿಂಗ್‌, ಮಾಜಿ ಸಚಿವರಾದ ಎ.ಕೆ. ಆಂಟೊನಿ, ಅಂಬಿಕಾ ಸೋನಿ ಸೇರಿದಂತೆ ಬಹುತೇಕ ನಾಯಕರು ಪತ್ರ ಬರೆದದ್ದನ್ನು 'ಕ್ರೂರ', 'ದುರದೃಷ್ಟಕರ' ಎಂದು ಬಣ್ಣಿಸಿದರು.
ಸಭೆಯ ನಿರ್ಣಯಗಳು
7 ಗಂಟೆ: ವಚ್ರ್ಯುಯಲ್‌ ಕಾರ್ಯಕಾರಿಣಿ ಸಭೆ ನಡೆದ ಅವಧಿ
48: ಕಾರ್ಯಕಾರಿಣಿ ಸಭೆಯಲ್ಲಿ ಭಾಗವಹಿಸಿದ ನಾಯಕರು
ಎಐಸಿಸಿ ಅಧಿವೇಶನ ನಡೆಯುವರೆಗೂ ಸೋನಿಯಾ ಹಂಗಾಮಿ ಅಧ್ಯಕ್ಷರಾಗಿ ಮುಂದವರಿಯಬೇಕು
ಸೋನಿಯಾ ಮತ್ತು ರಾಹುಲ್‌ ಕೈ ಬಲಪಡಿಸಲು ಸಾಧ್ಯವಾದ ಎಲ್ಲಾ ರೀತಿಯಲ್ಲಿ ನೆರವು
ಪಕ್ಷ ಮತ್ತು ನಾಯಕತ್ವ ದುರ್ಬಲಗೊಳಿಸಲು ಯಾರಿಗೂ ಅವಕಾಶ ನೀಡದಿರುವುದು
ಪಕ್ಷದ ಆಂತರಿಕ ವಿಚಾರಗಳನ್ನು ಮಾಧ್ಯಮಗಳು, ಸಾರ್ವಜನಿಕರ ಮುಂದಿಡಬಾರದು
ಯಾವುದೇ ಸಂಘಟನಾತ್ಮಕ ಬದಲಾವಣೆ ತರಲು ಸಂಪೂರ್ಣ ಅಧಿಕಾರ
ಕಾಂಗ್ರೆಸ್‌ ಹೊಸ ಅಧ್ಯಕ್ಷರಿಗೆ ಶೀಘ್ರ ಚುನಾವಣೆ: ಕೆ.ಎಚ್‌. ಮುನಿಯಪ್ಪ
ದಿನದ ಬೆಳವಣಿಗೆಗಳು
* ಬೆಳಗ್ಗೆ 11 ಗಂಟೆಗೆ ವಚ್ರ್ಯುಯಲ್‌ ಸಭೆ ಆರಂಭ
* ಸೋನಿಯ ಮೊದಲ ಮಾತು, ರಾಜೀನಾಮೆ ಬಗ್ಗೆ ಪ್ರಸ್ತಾಪ
* ಪತ್ರ ಉಲ್ಲೇಖಿಸಿ ಕಿಡಿಕಾರಿದ ರಾಹುಲ್‌ ಗಾಂಧಿ
* ಗಾಂಧಿ ಕುಟುಂಬಕ್ಕೆ ಬೆಂಬಲಿಸಿ ಬಹುತೇಕ ಪಿಸಿಸಿಗಳ ನಿರ್ಣಯ
* 'ಬಿಜೆಪಿ ಒಪ್ಪಂದ' ಆರೋಪ ಖಂಡಿಸಿ ಸಿಬಲ್‌ ತೀಕ್ಷ್ಣ ಟ್ವೀಟ್‌
* ಆರೋಪಕ್ಕೆ ಬೇಸರಗೊಂಡು ರಾಜೀನಾಮೆಗೆ ಸಿದ್ಧವೆಂದ ಆಜಾದ್‌
* ರಾಹುಲ್‌ ಸ್ಪಷ್ಟನೆ ಬಳಿಕ ಸಿಬಲ್‌ ಟ್ವೀಟ್‌ ಡಿಲೀಟ್‌, ಆಜಾದ್‌ ಯೂ-ಟರ್ನ್‌
* ಸೋನಿಯಾ ನಾಯಕತ್ವ ಬೆಂಬಲಿಸಿ ಸಿಡಬ್ಲ್ಯೂಸಿ ಸಭೆ ನಿರ್ಣಯ
ಇನ್ನು ಸಭೆಯಲ್ಲಿ ರಾಹುಲ್‌ ಗಾಂಧಿ, ''ಕಾಂಗ್ರೆಸ್‌ ಅತ್ಯಂತ ದುರ್ಬಲ ಸ್ಥಿತಿಯಲ್ಲಿದೆ. ರಾಜಸ್ಥಾನ, ಮಧ್ಯ ಪ್ರದೇಶದಲ್ಲಿ ಬಿಕ್ಕಟ್ಟು ಶಮನಕ್ಕೆ ಹೋರಾಡುತ್ತಿದೆ. ಅಮ್ಮನ ಆರೋಗ್ಯ ಕ್ಷೀಣಿಸಿದೆ. ಇಂತಹ ಸಮಯದಲ್ಲಿ ಪಕ್ಷದ ನಾಯಕತ್ವವನ್ನು ದೂಷಿಸಿ ಪತ್ರ ಬರೆದಿರುವುದು ದುರದೃಷ್ಟಕರ ಎಂದು ಹೇಳಿದ್ದರು.
ಒಂದೇ ದಿನದಲ್ಲಿ ತಣ್ಣಗಾದ 'ಕೈ' ಅತೃಪ್ತಿ..! ಕಾಂಗ್ರೆಸ್‌ ಹಂಗಾಮಿ ಅಧ್ಯಕ್ಷೆಯಾಗಿ ಸೋನಿಯಾ ಮುಂದುವರಿಕೆ
ಎರಡು ಬಣ!
ಇನ್ನು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್‌ ಸೇರಿದಂತೆ ಬಹುತೇಕ ಎಲ್ಲಾರಾಜ್ಯಗಳ ಕಾಂಗ್ರೆಸ್‌ ಘಟಕಗಳ ಅಧ್ಯಕ್ಷರು; ರಾಜಸ್ಥಾನ, ಛತ್ತೀಸ್‌ಗಢ, ಪಂಜಾಬ್‌ ಸಿಎಂಗಳು; ಮಾಜಿ ಪಿಎಂ ಮನಮೋಹನ್‌ ಸಿಂಗ್‌, ದಿಗ್ವಿಜಯ್‌ ಸಿಂಗ್‌, ಕಮಲ್‌ ನಾಥ್‌, ಬಹುತೇಕ ಎಲ್ಲಾ ಕಾಂಗ್ರೆಸ್‌ ಸಂಸದರು ಗಾಂಧಿ ಕುಟುಂಬಕ್ಕೆ ಬೆಂಬಲಿಸಿದರೆ. ಕಪಿಲ್‌ ಸಿಬಾಲ್‌, ಗುಲಾಂ ನಬಿ ಆಜಾದ್‌, ಶಶಿ ತರೂರ್‌, ವೀರಪ್ಪ ಮೊಯ್ಲಿ, ಪೃಥ್ವಿರಾಜ್‌ ಚೌಹಾಣ್‌, ಮನೀಶ್‌ ತಿವಾರಿ, ಆನಂದ್‌ ಶರ್ಮಾ, ಮುಕುಲ್‌ ವಾಸ್ನಿಕ್‌ ಸೇರಿದಂತೆ 23 ನಾಯಕರು ನೆಹರೂ-ಗಾಂಧಿ ಕುಟುಂಬದಿಂದ ಹೊರಗಿನ, ಸಮರ್ಥರಿಗೆ ಸಾರಥ್ಯ ವಹಿಸಲು ಆಗ್ರಹಿಸಿದ್ದಾರೆ. ಇನ್ನು ಕಾಂಗ್ರೆಸ್‌ ನಾಯಕತ್ವ ಪ್ರಶ್ನಿಸಿರುವ ನಾಯಕರು ಬಿಜೆಪಿ ಜತೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದು ರಾಹುಲ್‌ ಹೇಳಿದ್ದಾರೆಂಬ ಸುದ್ದಿಯು ಭಾರಿ ಬಿರುಗಾಳಿ ಎಬ್ಬಿಸಿತು. ಒಂದು ಹಂತದಲ್ಲಿ ಸಿಡಬ್ಲ್ಯೂಸಿ ಸಭೆಯ ದಿಕ್ಕನ್ನೇ ಬದಲಿಸಿತು. ನಾಯಕತ್ವ ಗೊಂದಲಕ್ಕೆ ತೆರೆ ಎಳೆಯುವ ಬದಲು ಇಡೀ ದಿನ ಕಾಂಗ್ರೆಸ್‌ ನಾಯಕರ ನಡುವೆ ಮಾತಿನ ಜಟಾಪಟಿಗೆ ಕಾರಣವಾಯಿತು.
from India & World News in Kannada | VK Polls https://ift.tt/32mFL5J
