ಹೊಸದಿಲ್ಲಿ: ಜಮ್ಮು-ಕಾಶ್ಮೀರದಲ್ಲಿ40 ಸಿಆರ್‌ಪಿಎಫ್‌ ಯೋಧರ ಸಾವಿಗೆ ಕಾರಣವಾಗಿದ್ದ 2019ರ ಪುಲ್ವಾಮಾ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೈಷೆ ಉಗ್ರ ಮುಖಂಡ ಮಸೂದ್ ಅಜರ್ ಸೇರಿದಂತೆ 19 ಮಂದಿ ವಿರುದ್ಧ ಎನ್‌ಐಎ ಮಂಗಳವಾರ ಚಾರ್ಜ್ಶೀಟ್ ದಾಖಲಿಸಿದೆ. ಬರೋಬ್ಬರಿ ಸುಮಾರು 14 ಸಾವಿರ ಪುಟಗಳ ದೋಷಾರೋಪ ಪಟ್ಟಿಯಲ್ಲಿ ಮಸೂದ್ ಅಜರ್ ಜತೆಗೆ ಆತನ ಸಹೋದರ ಅಬ್ದುಲ್‌ ರೌಫ್‌ ಅಸ್ಗರ್‌ ಹಾಗೂ ಇತರೆ ಸಂಬಂಧಿಕರಾದ ಮೊಹಮ್ಮದ್‌ ಅಮಾರ್‌, ಮೊಹಮ್ಮದ್‌ ಉಮರ್‌ ಫಾರೂಕ್‌ನನ್ನು ದಾಳಿಯ ಮಾಸ್ಟರ್‌ಮೈಂಡ್‌ಗಳೆಂದು ಹೆಸರಿಸಲಾಗಿದೆ. ದಾಳಿಯ ಹಿಂದೆ ಮಸೂದ್ ಅಜರ್ ಕೈವಾಡದ ಬಗ್ಗೆ ನಿರಾಕರಿಸಲಾಗದಂತಹ ಸಾಕ್ಷ್ಯಧಾರಗಳನ್ನು ಒದಗಿಸಿರುವುದಾಗಿ ಎನ್‌ಐಎ ಹೇಳಿದೆ. ಆದರೆ ನಿಜಕ್ಕೂ ಎನ್‌ಐಎ ಈ ಪ್ರಕರಣವನ್ನ ಬೇಧಿಸಿದ್ದು ಹೇಗೆ? ಅವರಿಗೆ ಸಿಕ್ಕ ಆ ಒಂದು ಫೋನ್‌ ಇಡೀ ಪ್ರಕರಣದ ತಿರುವಿಗೆ ಕಾರಣವಾಗಿದ್ದು ಹೇಗೆ? ಇಲ್ಲಿದೆ ಮಾಹಿತಿ.ಪುಲ್ವಾಮ ಪ್ರಕರಣವನ್ನ ಎನ್‌ಐಎ ಹೇಗೆ ಬೇಧಿಸಿತು? ಫೊಟೋ, ಸಂಭಾಷಣೆ ಹೇಗೆ ಪಾಕಿಸ್ತಾನದ ಜಾಡು ಸಿಗುವಂತೆ ಮಾಡಿತು. ಸತ್ಯದ ದಾರಿ ತೋರಿಸಿದ ಆ ಒಂದು ಎನ್‌ಕೌಂಟರ್ ಹಾಗೂ ಅಲ್ಲಿ ಸಿಕ್ಕ ಫೋನ್‌. ನಿಜಕ್ಕೂ ಎನ್‌ಐಗೆ ಬಿಗ್‌ ಯೂ ಟರ್ನ್‌ ನೀಡಿತ್ತು ಅನ್ನುವುದರಲ್ಲಿ ಸಂಶಯವಿಲ್ಲ. ಈ ಬಗ್ಗೆ ಇಂಟ್ರೆಸ್ಟಿಂಗ್‌ ಕಹಾನಿ ಇಲ್ಲಿದೆ.
ಹೊಸದಿಲ್ಲಿ:
ಜಮ್ಮು-ಕಾಶ್ಮೀರದಲ್ಲಿ40 ಸಿಆರ್‌ಪಿಎಫ್‌ ಯೋಧರ ಸಾವಿಗೆ ಕಾರಣವಾಗಿದ್ದ 2019ರ ಪುಲ್ವಾಮಾ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೈಷೆ ಉಗ್ರ ಮುಖಂಡ ಮಸೂದ್ ಅಜರ್ ಸೇರಿದಂತೆ 19 ಮಂದಿ ವಿರುದ್ಧ ಎನ್‌ಐಎ ಮಂಗಳವಾರ ಚಾರ್ಜ್ಶೀಟ್ ದಾಖಲಿಸಿದೆ. ಬರೋಬ್ಬರಿ ಸುಮಾರು 14 ಸಾವಿರ ಪುಟಗಳ ದೋಷಾರೋಪ ಪಟ್ಟಿಯಲ್ಲಿ ಮಸೂದ್ ಅಜರ್ ಜತೆಗೆ ಆತನ ಸಹೋದರ ಅಬ್ದುಲ್‌ ರೌಫ್‌ ಅಸ್ಗರ್‌ ಹಾಗೂ ಇತರೆ ಸಂಬಂಧಿಕರಾದ ಮೊಹಮ್ಮದ್‌ ಅಮಾರ್‌, ಮೊಹಮ್ಮದ್‌ ಉಮರ್‌ ಫಾರೂಕ್‌ನನ್ನು ದಾಳಿಯ ಮಾಸ್ಟರ್‌ಮೈಂಡ್‌ಗಳೆಂದು ಹೆಸರಿಸಲಾಗಿದೆ. ದಾಳಿಯ ಹಿಂದೆ ಮಸೂದ್ ಅಜರ್ ಕೈವಾಡದ ಬಗ್ಗೆ ನಿರಾಕರಿಸಲಾಗದಂತಹ ಸಾಕ್ಷ್ಯಧಾರಗಳನ್ನು ಒದಗಿಸಿರುವುದಾಗಿ ಎನ್‌ಐಎ ಹೇಳಿದೆ. ಆದರೆ ನಿಜಕ್ಕೂ ಎನ್‌ಐಎ ಈ ಪ್ರಕರಣವನ್ನ ಬೇಧಿಸಿದ್ದು ಹೇಗೆ? ಅವರಿಗೆ ಸಿಕ್ಕ ಆ ಒಂದು ಫೋನ್‌ ಇಡೀ ಪ್ರಕರಣದ ತಿರುವಿಗೆ ಕಾರಣವಾಗಿದ್ದು ಹೇಗೆ? ಇಲ್ಲಿದೆ ಮಾಹಿತಿ.
ಫೋನ್‌ ನೀಡಿದ ಯೂ ಟರ್ನ್‌!
ಯಸ್‌, ಪುಲ್ವಾಮ ದಾಳಿಯ ಹೊಣೆ ಹೊತ್ತ ಎನ್‌ಐಎ ಸ್ಪೋಟ ಜಾಲವನ್ನ ಹುಡುಕುತಲಿತ್ತು. ಆದರೆ ಆತ್ಮಾಹುತಿ ದಾಳಿಯಾಗಿದ್ದರಿಂದ ಎಲ್ಲಾ ಸಾಕ್ಷ್ಯವು ಆತ್ಮಾಹುತಿ ಬಾಂಬರ್‌ನೊಂದಿಗೆ ನಾಶವಾಗಿತ್ತು. ಆದರೆ ಎನ್‌ಐಎ ಸಿಕ್ಕಿದ ಆ ಒಂದು ಫೋನ್‌ ಎಲ್ಲಾ ಸತ್ಯವನ್ನ ಕಕ್ಕಿತ್ತು. ಹೌದು, ಆರೋಪ ಪಟ್ಟಿಯಲ್ಲಿ ಹೆಸರಿಸಲಾದ ಮೊಹಮ್ಮದ್‌ ಉಮರ್‌ ಫಾರೂಕ್‌ ಸೇರಿದಂತೆ 7 ಉಗ್ರರು ಜಮ್ಮು ಕಾಶ್ಮೀರದಲ್ಲಿ ನಡೆದ ವಿವಿಧ ಎನ್‌ಕೌಂಟ್‌ರ್‌ಗಳಲ್ಲಿ ಬಲಿಯಾಗಿದ್ದಾರೆ. ಆದರೆ ಶೂಟೌಟ್‌ ವೇಳೆ ಗುಂಡೇಟಿಗೆ ಸಾವನಪ್ಪಿದ ಪಾಕಿಸ್ತಾನದ ಉಮರ್‌ ಫಾರೂಕ್‌ ಫೋನ್‌ವೊಂದು ಪೊಲೀಸರಿಗೆ ಸಿಕ್ಕಿದೆ.ಹಲವು ದಿನಗಳ ಬಳಿಕ ಇದು ಹೆಗೋ ಎನ್‌ಐಎ ಬಳಿ ಬಂದಿತ್ತು. ಇಲ್ಲಿಂದ ತನಿಖಾ ತಂಡಕ್ಕೆ ಜ್ಯಾಕ್‌ಪಾಟ್‌ ಹೊಡೆದಂತಾಗಿತ್ತು. ಈತನ ಫೋನ್‌ನಲ್ಲಿ ಸಿಕ್ಕ ಫೊಟೋ, ವಿಡಿಯೋ, ಸಂದೇಶದ ಸಾಕ್ಷ್ಯಗಳು ಕೇಸ್‌ನ ಗತಿ ಬದಲಿಸಿತು ಎಂದು ತನಿಖಾ ದಳದ ಮೂಲಗಳು ತಿಳಿಸಿವೆ.
ನೋ ಫ್ಲೈ ಝೋನ್‌ಗೆ ಅಮೆರಿಕದ ಗುಪ್ತಚರ ವಿಮಾನ ಪ್ರವೇಶ: ಪ್ರಚೋದನಕಾರಿ ಎಂದ ಚೀನಾ!
ಫೋನ್‌ನಲ್ಲಿ ಏನಿತ್ತು?
ಪುಲ್ವಾಮ ದಾಳಿಯ ಮಾಸ್ಟರ್‌ ಮೈಂಡ್‌ ಎಂದು ಹೆಸರಿಸಲಾದ ಮೊಹಮ್ಮದ್‌ ಉಮರ್‌ ಫಾರೂಕ್‌ ಮೂಲತಃ ಪಾಕಿಸ್ತಾನದವನಾಗಿದ್ದು. ಆತ ಪಾಕ್‌ನಿಂದ ಭಾರತಕ್ಕೆ ಬಂದಿರುವ ಫೋಟೋಗಳು ಅದರಲ್ಲಿತ್ತು. ಆತ ಬಂದ ದಾರಿ(ಗಡಿ, ಸ್ಥಳ)ಗಳ ಫೊಟೋಗಳಿತ್ತು. ಅಲ್ಲದೇ ಬಾಂಬ್‌ ತಯಾರಿಸುವ ವಿಡಿಯೋಗಳಿತ್ತು. ಪಾಕಿಸ್ತಾನದಲ್ಲಿದ್ದ ತನ್ನ ಸಂಬಂಧಿ ಉಗ್ರ ಅಬ್ದುಲ್‌ ರೌಫ್‌ ಅಸ್ಗರ್‌ಹಾಗೂ ಅಮ್ಮರ್‌ ಅಲಿ ಜೊತೆ ಮಾತನಾಡಿದ ಆಡಿಯೋ ಕ್ಲಿಪ್‌ಗಳಿತ್ತು. ಅಲ್ಲದೇ ಹೇಗೆ ದಾಳಿ ನಡೆಸಬೇಕು ಎನ್ನುವ ಬಗ್ಗೆ ಚರ್ಚೆ ನಡೆದಿತ್ತು. ಸಂಪೂರ್ಣವಾಗಿ ಡಿಜಿಟಲ್‌ ಸಂವಹನ ಎನ್‌ಐಎಗೆ ಸಿಕ್ಕಿತ್ತು.
ಪುಲ್ವಾಮದ ಯುವಕನೊಂದಿಗೆ ಮಾತುಕತೆ!
ಇನ್ನು ಪುಲ್ವಾಮ ದಾಳಿಗೆ ಸಂಬಂಧಪಟ್ಟಂತೆ ಎನ್‌ಐಎ ಶಕೀರ್‌ ಬಶೀರ್‌ ಮಗ್ರೆ ಎಂಬಾತನನನ್ನ ಬಂಧನ ಮಾಡಿತ್ತು.ಈ ಕೇಸ್‌ಗೆ ಸಂಬಂಧಪಟ್ಟಂತೆ ಇದು ಮೊದಲ ಬಂಧನವಾಗಿತ್ತು. ಈತನ ಬಂಧನ ಸಾಧ್ಯವಾಗಿಸಿದ್ದೆ, ಫಾರೂಕ್‌ನ ಫೋನ್‌. ಹೌದು, ಫಾರೂಕ್‌ನ ಫೋನ್‌ನಲ್ಲಿ ಶಕೀರ್‌ ಬಶೀರ್‌ ಮಗ್ರೆ ಅವನ ಭಾವಚಿತ್ರವಿತ್ತು. ಅಲ್ಲದೇ ಇವರಿಬ್ಬರು ನಡೆಸಿದ ಸಂಭಾಷಣೆ ಕೂಡ ಇದರಲ್ಲಿ ದಾಖಲಾಗಿತ್ತು. ಈ ವಿಚಾರ ತಿಳಿದ ಬಳಿಕ ಶಕೀರ್‌ ಬಶೀರ್‌ ಮಗ್ರೆಯನ್ನ ಪೊಲೀಸರು ಅರೆಸ್ಟ್‌ ಮಾಡಿದ್ದರು. ಪುಲ್ವಾಮದಲ್ಲಿ ರೈಸ್‌ಮಿಲ್‌ ನಡೆಸುತ್ತಿದ್ದ ಮಾಗ್ರೆ, ಹೇಗೆ ಪುಲ್ವಾಮ ದಾಳಿಯನ್ನ ಫಾರೂಕ್‌ ಯಶಸ್ವಿಯಾಗಿಸಿದ ಎಂದು ಎನ್‌ಐಎ ಬಳಿ ಹೇಳಿಕೊಂಡಿದ್ದಾನೆ. ಅಲ್ಲದೇ ತನ್ನ ಮನೆಯಲ್ಲಿ ಸ್ಪೋಟಕ ದಾಸ್ತಾನು ಮಾಡಿದ ಬಗ್ಗೆಯೂ ಮಾಗ್ರೆ ಸತ್ಯ ಒಪ್ಪಿಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.
ಪುಲ್ವಾಮಾ ದಾಳಿ ಚಾರ್ಜ್ಶೀಟ್ ಸಲ್ಲಿಸಿದ ಎನ್‌ಐಎ: ಮಸೂದ್ ಅಜರ್ ಹಾಗೂ ಸಹೋದರ ಮಾಸ್ಟರ್‌ಮೈಂಡ್!
2ನೇ ದಾಳಿಗೆ ಸಂಚು!
ಇನ್ನು ಪುಲ್ವಾಮ ದಾಳಿ ಬಳಿಕ ಮತ್ತೊಂದು ದಾಳಿ ನಡೆಸಲು ಸಂಚು ರೂಪಿಸಿದ್ದು ಕೂಡ ಫಾರೂಕ್‌ ಫೋನ್‌ನಲ್ಲಿ ಸಿಕ್ಕ ದಾಖಲೆಯಿಂದ ಬಯಲಾಗಿದೆ. ಈತ ಪಾಕಿಸ್ತಾನದ ಉಗ್ರರೊಂದಿಗೆ ಈ ಸಂಬಂಧ ಮಾತುಕತೆ ನಡೆಸಿದ್ದ. ಅಲ್ಲದೇ ಪುಲ್ವಾಮ ದಾಳಿ ಬಳಿಕ ಭಾರತ ಹಾಗೂ ಪಾಕಿಸ್ತಾನ ನಡುವೆ ಯುದ್ಧ ಘೋಷಣೆಯಾಗಬಹುದು. ಆಗ ಸುಲಭವಾಗಿ ಜೈಶ್‌ ಸಂಘಟನೆಯ ಉಗ್ರರು ಭಾರತದೊಳಗೆ ನುಗ್ಗಬಹುದು ಎನ್ನುವ ಚರ್ಚೆ ಕೂಡ ನಡೆದಿತ್ತು. ಫಾರೂಕ್‌ನ ಮೊಬೈಲ್‌ನಿಂದ ಎನ್‌ಐಗೆ ಭರ್ಜರಿ ಸಾಕ್ಷ್ಯ ಸಿಕ್ಕಿರುವುದು ತನಿಖೆಗೆ ಮಹತ್ವದ ಬ್ರೇಕ್‌ ಸಿಕ್ಕಿದಂತೆ ಆಗಿತ್ತು.
from India & World News in Kannada | VK Polls https://ift.tt/3ljHB08
