ಹೊಸದಿಲ್ಲಿ: ಭಾರತದ ಅಗ್ರ ಮಹಿಳಾ ಆಟಗಾರ್ತಿ ಅವರು 2010ರಲ್ಲಿ ಪಾಕಿಸ್ತಾನ ಕ್ರಿಕೆಟಿಗ ಅವರೊಂದಿಗೆ ವಿವಾಹವಾಗಿದ್ದರು. ಟೆನಿಸ್‌ ಸಿಂಗಲ್ಸ್ ಹಾಗೂ ಡಬಲ್ಸ್ ವಿಭಾಗದಲ್ಲಿ ಅತ್ಯುತ್ತಮ ಹೆಸರು ಮಾಡಿರುವ ಹೈದರಾಬಾದ್‌ ಆಟಗಾರ್ತಿ, ಮದುವೆಗೂ ಮುನ್ನ ಶೋಯೆಬ್‌ ಮಲ್ಲಿಕ್‌ ಅವರೊಂದಿಗೆ ಹೇಗೆ ಸಂಬಂಧ ಆರಂಭವಾಯಿತು ಎಂಬುದನ್ನು ಬಹಿರಂಗಪಡಿಸಿದ್ದಾರೆ. ಸ್ಪೋರ್ಟ್ಸ್‌ಕೀಡಾದ ಫೇಸ್‌ಬುಕ್‌ ಲೈವ್‌ ಚಾಟ್‌ನಲ್ಲಿ ಮಾತನಾಡಿದ ಸಾನಿಯಾ ಮಿರ್ಜಾ, "ನಮ್ಮಿಬ್ಬರ ನಡುವಿನ ಸಂಬಂಧ ಬಹಳ ಮೋಜಿನಿಂದ ಕೂಡಿತ್ತು. ನಮ್ಮ ನಡುವೆ ಏನಾಯಿತು ಎಂಬುದನ್ನು ಮೊದಲ ಬಾರಿ ಜನರು ವೀಕ್ಷಿಸಿದ್ದರು ಮತ್ತು ನನಗಿಂತ ಅವರು ಹೆಚ್ಚು ಮಾತನಾಡುತ್ತಾರೆ ಎಂಬುದನ್ನು ಪ್ರತಿಯೊಬ್ಬರು ನೋಡಿದ್ದರು. ಇದು ಪ್ರಪಂಚದ ನಂಬಿಕೆಗೆ ವಿರುದ್ಧವಾಗಿತ್ತು," ಎಂದು ಮಿರ್ಜಾ ಹೇಳಿದರು. ಇಬ್ಬರೂ ಆಯಾ ದೇಶಗಳನ್ನು ಪ್ರತಿನಿಧಿಸುವಲ್ಲಿ ಸಾಕಷ್ಟು ಹೆಮ್ಮೆ ಪಡುವ ಕ್ರೀಡಾಪಟುಗಳು. ಸಾನಿಯಾ ಅವರು ಮಲಿಕ್ ಅವರೊಂದಿಗೆ ಡೇಟಿಂಗ್ ಮಾಡುವಾಗ, ಭಾರತವನ್ನು ಬೆಂಬಲಿಸುವ ಬಗ್ಗೆ ಮಾತನಾಡುತ್ತಿದ್ದರು. "ಕೆಲವು ಕಾರಣಗಳಿಂದ ಅವರು ಭಾರತದ ವಿರುದ್ಧ ಆಡುವುದನ್ನು ಇಷ್ಟಪಡುತ್ತಿದ್ದರು. ನಾವಿಬ್ಬರೂ ಡೇಟಿಂಗ್ ಮಾಡಿದಾಗಲೆಲ್ಲಾ ಈ ಬಗ್ಗೆ ಚರ್ಚೆ ನಡೆಸುತ್ತಿದ್ದೆವು. ಆ ವೇಳೆ ನಾನು ಯಾವಾಗಲೂ ಭಾರತ ತಂಡಕ್ಕೆ ಮಾತ್ರ ಬೆಂಬಲ ಸೂಚಿಸುತ್ತೇನೆ, ಇದರಲ್ಲಿ ಯಾವುದೇ ಅನುಮಾನವೇ ಇಲ್ಲ ಎಂದು ಹೇಳುತ್ತಿದ್ದೆ. ನಂತರ ಅವರು ಮಾತನಾಡಿ, 'ಭಾರತದ ವಿರುದ್ಧದ ನನ್ನ ದಾಖಲೆ ಅತ್ಯುತ್ತಮವಾಗಿದೆ ಎಂಬುದನ್ನು ನಿನಗೆ ಹೇಳಲು ಇಷ್ಟಪಡುತ್ತೇನೆ.' ಶೋಯೆಬ್‌ ಮಲ್ಲಿಕ್‌ ಅವರ ದೀರ್ಘಕಾಲದ ವೃತ್ತಿ ಜೀವನ ಅದ್ಭುತವಾಗಿದೆ. ಈ ಬಗ್ಗೆ ಅವರ ಮೇಲೆ ನನಗೆ ತುಂಬಾ ಹೆಮ್ಮೆ ಇದೆ," ಎಂದು ಸಾನಿಯಾ ಮಿರ್ಜಾ ಹೇಳಿದರು. ಸಾನಿಯಾ ಮಿರ್ಜಾ ಹಾಗೂ ಶೋಯೆಬ್‌ ಮಲ್ಲಿಕ್‌ ದಂಪತಿಗೆ ಎರಡು ವರ್ಷದ ಗಂಡು ಮಗುವಿದೆ. ಪ್ರಸ್ತುತ ಕೊರೊನಾ ವೈರಸ್‌ನಿಂದಾಗಿ ಟೆನಿಸ್‌ ಟೂರ್ನಿಗಳು ಸ್ಥಗಿತವಾಗಿದ್ದರಿಂದ ಸಾನಿಯಾ ಮಿರ್ಜಾ ಸಮಯವನ್ನು ಮನೆಯಲ್ಲಿಯೇ ಕಳೆಯುತ್ತಿದ್ದಾರೆ. ಆದರೆ, ಪತಿ ಶೋಯೆಬ್‌ ಮಲ್ಲಿಕ್‌ ಅವರು ಪ್ರಸ್ತುತ ಇಂಗ್ಲೆಂಡ್‌ ಪ್ರವಾಸದಲ್ಲಿದ್ದು, ಟಿ20 ಸರಣಿಗೆ ಸಿದ್ದತೆಯಲ್ಲಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3hruHKV
