ಹೊಸದಿಲ್ಲಿ: ಕಳೆದ ಎರಡು ದಿನಗಳಲ್ಲಿ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯಿಂದ ಸುರೇಶ್‌ ರೈನಾ ಹೊರನಡೆದಿದ್ದೇಕೆ ಎಂಬ ಬಿಸಿಬಿಸಿ ಚರ್ಚೆ ನಡೆಯುತ್ತಿದೆ. ಆದರೆ, ಎಲ್ಲಾ ಊಹಾ ಪೋಹಗಳಿಗೆ ಉತ್ತರವನ್ನು ಸುರೇಶ್‌ ರೈನಾ ಅವರೇ ಬಹಿರಂಗ ಪಡಿಸಬೇಕಿದ್ದು, ಸದ್ಯಕ್ಕಂತೂ ಮೌನಕ್ಕೆ ಶರಣಾಗಿದ್ದಾರೆ.ಈ ನಡುವೆ ಚೆನ್ನೈ ಸೂಪರ್‌ ಕಿಂಗ್ಸ್‌ ಫ್ರಾಂಚೈಸ್ ತಂಡದ ಒಡೆತನ ಹೊಂದಿರುವ ಇಂಡಿಯಾ ಸಿಮೆಂಟ್ಸ್‌ನ ಮುಖ್ಯಸ್ಥ ಎನ್ ಶ್ರೀನಿವಾಸನ್ ಮಾತನಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಸುರೇಶ್‌ ರೈನಾ ಹಿಂದೆ ಸರಿಯುವ ನಿರ್ಧಾರ ಮಾಡಿರುವುದಕ್ಕೆ ಬಹಳ ಪಶ್ಚಾತಾಪ ಪಡಲಿದ್ದಾರೆ ಎಂದು ಹೇಳಿದ್ದಾರೆ.ಈ ಮಧ್ಯೆ 'ದೈನಿಕ್‌ ಜಾಗರಣ್' ಪತ್ರಿಕೆಯು ವರದಿಯೊಂದನ್ನು ಮಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಹೊರಬರಲು ಇದ್ದ ನೈಜ ಕಾರಣ ಏನೆಂಬುದನ್ನು ಖುದ್ದಾಗಿ ಸುರೇಶ್‌ ರೈನಾ ಹೇಳಿಕೊಂಡಿದ್ದಾರೆ ಎಂದಿದೆ. ಕೋವಿಡ್‌-19 ಸೋಂಕಿನ ಕಾರಣ ಸೃಷ್ಟಿಯಾಗಿದ್ದ ಗೊಂದಲದ ವಾತಾವರಣವೇ ಟೂರ್ನಿಯಿಂದ ಹೊರಬರಲು ಮುಖ್ಯ ಕಾರಣ ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿ ಮಾಡಿದೆ.ಐಪಿಎಲ್ 2020ಗೆ ಹೊಸ ಜರ್ಸಿ ಅನಾವರಣ ಪಡಿಸಿದ ಮುಂಬೈ ಇಂಡಿಯನ್ಸ್‌!ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಜೊತೆಗೆ ಕಳೆದ ವಾರ ದುಬೈಗೆ ತೆರಳಿದ್ದ ಸುರೇಶ್‌ ರೈನಾ, ತಮಗೆ ಮತ್ತು ತಮ್ಮ ಕುಟುಂಬವರ ಸುರಕ್ಷತೆಗೆ ಸುಸಜ್ಜಿತ ಕೊಠಡಿ ವ್ಯವಸ್ಥೆ ಕಲ್ಪಿಸುವಂತೆ ಕೇಳಿದ್ದರು. ಇದಕ್ಕೆ ಹೋಟೆಲ್‌ನಲ್ಲಿ ಅವಕಾಶ ಲಭ್ಯವಾಗದೇ ಹೋದ ಕಾರಣ ಟೀಮ್‌ ಮ್ಯಾನೇಜ್ಮೆಂಟ್ ವಿರುದ್ಧ ಅಸಮಾಧಾನಗೊಂಡು ಐಪಿಎಲ್ ಟೂರ್ನಿಯಿಂದಲೇ ಹೊರ ನಡೆಯುವ ನಿರ್ಧಾರ ಮಾಡಿದ್ದಾರೆ ಎನ್ನಲಾಗಿದೆ. "ನನಗೆ ನನ್ನ ಕುಟುಂಬ ಮತ್ತು ಮಕ್ಕಳೇ ಮುಖ್ಯ. ಅವರಿಗಾಗಿ ಏನನ್ನು ಬೇಕಾದರೂ ಬಿಡಲು ನಾನು ಸಿದ್ಧನಿದ್ದೇನೆ. ಐಪಿಎಲ್ ಮಾತ್ರವೇ ಅಲ್ಲ," ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿಯಾಗಿದೆ.ಇನ್ನೇನು ಐಪಿಎಲ್ 2020 ಟೂರ್ನಿ ಶುರುವಾಯ್ತು ಎನ್ನುವಷ್ಟರಲ್ಲೇ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡಕ್ಕೆ ಒಂದರ ಮೇಲೆ ಒಂದು ಸಮಸ್ಯೆಗಳು ಎದುರಾಗುತ್ತಲೇ ಇದ್ದು, ಸ್ಟಾರ್‌ ಆಟಗಾರ ಸುರೇಶ್‌ ರೈನಾ ಅವರ ಸೇವೆಯನ್ನು ಕಳೆದುಕೊಂಡಿದೆ.
ಹೊಸದಿಲ್ಲಿ
: ಕಳೆದ ಎರಡು ದಿನಗಳಲ್ಲಿ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯಿಂದ ಸುರೇಶ್‌ ರೈನಾ ಹೊರನಡೆದಿದ್ದೇಕೆ ಎಂಬ ಬಿಸಿಬಿಸಿ ಚರ್ಚೆ ನಡೆಯುತ್ತಿದೆ. ಆದರೆ, ಎಲ್ಲಾ ಊಹಾ ಪೋಹಗಳಿಗೆ ಉತ್ತರವನ್ನು ಸುರೇಶ್‌ ರೈನಾ ಅವರೇ ಬಹಿರಂಗ ಪಡಿಸಬೇಕಿದ್ದು, ಸದ್ಯಕ್ಕಂತೂ ಮೌನಕ್ಕೆ ಶರಣಾಗಿದ್ದಾರೆ.
ಈ ನಡುವೆ ಚೆನ್ನೈ ಸೂಪರ್‌ ಕಿಂಗ್ಸ್‌ ಫ್ರಾಂಚೈಸ್ ತಂಡದ ಒಡೆತನ ಹೊಂದಿರುವ ಇಂಡಿಯಾ ಸಿಮೆಂಟ್ಸ್‌ನ ಮುಖ್ಯಸ್ಥ ಎನ್ ಶ್ರೀನಿವಾಸನ್ ಮಾತನಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಸುರೇಶ್‌ ರೈನಾ ಹಿಂದೆ ಸರಿಯುವ ನಿರ್ಧಾರ ಮಾಡಿರುವುದಕ್ಕೆ ಬಹಳ ಪಶ್ಚಾತಾಪ ಪಡಲಿದ್ದಾರೆ ಎಂದು ಹೇಳಿದ್ದಾರೆ.
ಈ ಮಧ್ಯೆ 'ದೈನಿಕ್‌ ಜಾಗರಣ್' ಪತ್ರಿಕೆಯು ವರದಿಯೊಂದನ್ನು ಮಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಹೊರಬರಲು ಇದ್ದ ನೈಜ ಕಾರಣ ಏನೆಂಬುದನ್ನು ಖುದ್ದಾಗಿ ಸುರೇಶ್‌ ರೈನಾ ಹೇಳಿಕೊಂಡಿದ್ದಾರೆ ಎಂದಿದೆ. ಕೋವಿಡ್‌-19 ಸೋಂಕಿನ ಕಾರಣ ಸೃಷ್ಟಿಯಾಗಿದ್ದ ಗೊಂದಲದ ವಾತಾವರಣವೇ ಟೂರ್ನಿಯಿಂದ ಹೊರಬರಲು ಮುಖ್ಯ ಕಾರಣ ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿ ಮಾಡಿದೆ.
ಐಪಿಎಲ್ 2020ಗೆ ಹೊಸ ಜರ್ಸಿ ಅನಾವರಣ ಪಡಿಸಿದ ಮುಂಬೈ ಇಂಡಿಯನ್ಸ್‌!
ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಜೊತೆಗೆ ಕಳೆದ ವಾರ ದುಬೈಗೆ ತೆರಳಿದ್ದ ಸುರೇಶ್‌ ರೈನಾ, ತಮಗೆ ಮತ್ತು ತಮ್ಮ ಕುಟುಂಬವರ ಸುರಕ್ಷತೆಗೆ ಸುಸಜ್ಜಿತ ಕೊಠಡಿ ವ್ಯವಸ್ಥೆ ಕಲ್ಪಿಸುವಂತೆ ಕೇಳಿದ್ದರು. ಇದಕ್ಕೆ ಹೋಟೆಲ್‌ನಲ್ಲಿ ಅವಕಾಶ ಲಭ್ಯವಾಗದೇ ಹೋದ ಕಾರಣ ಟೀಮ್‌ ಮ್ಯಾನೇಜ್ಮೆಂಟ್ ವಿರುದ್ಧ ಅಸಮಾಧಾನಗೊಂಡು ಐಪಿಎಲ್ ಟೂರ್ನಿಯಿಂದಲೇ ಹೊರ ನಡೆಯುವ ನಿರ್ಧಾರ ಮಾಡಿದ್ದಾರೆ ಎನ್ನಲಾಗಿದೆ. "ನನಗೆ ನನ್ನ ಕುಟುಂಬ ಮತ್ತು ಮಕ್ಕಳೇ ಮುಖ್ಯ. ಅವರಿಗಾಗಿ ಏನನ್ನು ಬೇಕಾದರೂ ಬಿಡಲು ನಾನು ಸಿದ್ಧನಿದ್ದೇನೆ. ಐಪಿಎಲ್ ಮಾತ್ರವೇ ಅಲ್ಲ," ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿಯಾಗಿದೆ.
ರೈನಾಗೆ ಯಶಸ್ಸು ತಲೆಗೆ ಹತ್ತಿದೆ!
ರೈನಾ ನಿರ್ಗಮದ ಬಗ್ಗೆ ಮಾತನಾಡಿದ್ದ ಬಿಸಿಸಿಐನ ಮಾಜಿ ಅಧ್ಯಕ್ಷ ಎನ್ ಶ್ರೀನಿವಾಸನ್, "ನಿಮಗೆ ವ್ಯವಸ್ಥೆಗಳ ಮೇಲೆ ಅಸಮಾಧಾನ ಇದ್ದರೆ ದಯವಿಟ್ಟು ವಾಪಸ್‌ ಹೋಗಿ. ಯಾರೊಬ್ಬರನ್ನೂ ಬಲವಂತವಾಗಿ ಇರಿಸಿಕೊಳ್ಳಲು ನಮಗೆ ಇಷ್ಟವಿಲ್ಲ ಎಂದೇ ಹೇಳಿದ್ದೆ. ಆದರೆ. ಕೆಲವೊಮ್ಮೆ ಯಶಸ್ಸು ಎಂಬುದು ತಲೆಗೆ ಹತ್ತಿರುತ್ತದೆ," ಎಂದು ಔಟ್‌ಲುಕ್‌ಗೆ ನೀಡಿದ್ದ ವಿಶೇಷ ಸಂದರ್ಶನದಲ್ಲಿ ಶ್ರೀನಿವಾಸನ್ ಹೇಳಿಕೊಂಡಿದ್ದಾರೆ.
ಇನ್ನು ವರದಿಗಳು ಹೇಳಿರುವಂತೆ ಸುರೇಶ್‌ ರೈನಾ ದುಬೈನಲ್ಲಿ ಉಳಿದುಕೊಂಡಿದ್ದ ಕೊಠಡಿಯಲ್ಲಿ ಬಾಲ್ಕನಿ ವ್ಯವಸ್ಥೆ ಇರಲಿಲ್ಲ. ಕ್ಯಾಪ್ಟನ್ ಎಂಎಸ್‌ ಧೋನಿಗೆ ಒದಗಿಸಿರುವಂತೆ ಬಾಲ್ಕನಿ ಇರುವ ಕೊಠಡಿಯನ್ನು ತಮಗೂ ನೀಡುವಂತೆ ಕೇಳಿದ್ದರು ಎನ್ನಲಾಗಿದೆ. "ಕ್ರಿಕೆಟಿಗರು ಒಂದು ರೀತಿ ಹಳೇ ಕಾಲದ ಸಿಡುಕು ಸ್ವಭಾವದ ನಟ ನಟಿಯರಿದ್ದಹಾಗೆ. ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಸದಾ ಒಂದು ಕುಟುಂಬದಂತೆ ಇದೆ. ತಂಡದ ಎಲ್ಲಾ ಹಿರಿಯ ಆಟಗಾರರು ಪರಸ್ಪರ ಹೊಂದಾಣಿಕೆಯಿಂದ ಮುನ್ನಡೆಯುತ್ತಿದ್ದಾರೆ," ಎಂದು ಶ್ರೀನಿವಾಸನ್ ತಿಳಿಸಿದ್ದಾರೆ.
'ಕ್ರಿಕೆಟಿಗನಾಗಿ ಬೆಳೆಯಲು ಇವರ ಸಹಾಯ ಸ್ಮರಣೀಯ' : ಆಸೀಸ್ ದಿಗ್ಗಜನನ್ನು ಶ್ಲಾಘಿಸಿದ ಅಯ್ಯರ್‌!
ರೈನಾ ನಿರ್ಗಮನಕ್ಕೆ ಧೋನಿ ತಲೆ ಕೆಡಿಸಿಕೊಂಡಿಲ್ಲ
ಇನ್ನು ಸ್ಫೋಟಕ ಎಡಗೈ ಬ್ಯಾಟ್ಸ್ಮನ್ ಸುರೇಶ್‌ ರೈನಾ ಹಠಾತ್‌ ನಿರ್ಧಾರ ತೆಗೆದುಕೊಂಡು ಟೂರ್ನಿಯಿಂದ ಹಿಂದೆ ಸರಿದಿರುವುದಕ್ಕೆ ಕ್ಯಾಪ್ಟನ್ ಎಂಎಸ್‌ ಧೋನಿ ಯಾವುದೇ ರೀತಿಯಲ್ಲೂ ತಲೆ ಕೆಡಿಸಿಕೊಂಡಿಲ್ಲ ಎಂದು ಶ್ರೀನಿವಾಸನ್ ಹೇಳಿದ್ದಾರೆ.
"ಎಂಎಸ್‌ ಧೋನಿ ಜೊತೆಗೆ ನಾನು ಚರ್ಚಿಸಿದ್ದೇನೆ. ಕೊರೊನಾ ವೈರಸ್‌ ಪ್ರಕರಣಗಳ ಸಂಖ್ಯೆ ಹೆಚ್ಚಾದರೂ ಕೂಡ ತಲೆ ಕೆಡಿಸಿಕೊಳ್ಳುವ ಅಗತ್ಯವಿಲ್ಲ ಎಂದು ಅವರು ಭರವಸೆ ನೀಡಿದ್ದಾರೆ. ಝೂಮ್‌ ಕಾಲ್‌ ಮೂಲಕ ಆಟಗಾರರ ಜೊತೆಗೆ ಮಾತೂಕತೆ ನಡೆಸಿ ಸುರಕ್ಷಿತವಾಗಿ ಇರುವಂತೆ ಹೇಳಿದ್ದಾರೆ. ಏಕೆಂದರೆ ಯಾರಲ್ಲಿ ಕೊರೊನಾ ವೈರಸ್‌ ಇದೆ ಎಂಬುದನ್ನು ಹೇಳಲು ಸಾಧ್ಯವಾಗುತ್ತಿಲ್ಲ. ಈ ಬಾರಿಯ ಟೂರ್ನಿ ಇನ್ನೂ ಶುರುವಾಗಿಲ್ಲ. ರೈನಾಗೆ ಅವರು ಕಳೆದುಕೊಳ್ಳಲಿರುವ ಹಣದ ಮೌಲ್ಯ (11 ಕೋಟಿ ರೂ.) ಅರಿವಿಗೆ ಬಂದು ಮರಳಿ ಆಡಲು ಬರುವ ಸಾಧ್ಯತೆ ಇದೆ," ಎಂದು ಶ್ರೀನಿವಾಸನ್ ವಿವರಿಸಿದ್ದಾರೆ.
ಶುಕ್ರವಾರವಷ್ಟೇ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಸ್ಟಾರ್‌ ವೇಗದ ಬೌಲರ್‌ ದೀಪಕ್‌ ಚಹರ್‌ ಸೇರಿದಂತೆ ಕೆಲ ಆಟಗಾರರಲ್ಲಿ ಮತ್ತು ಸಹಾಯಕ ಸಿಬ್ಬಂದಿಯಲ್ಲಿ ಕೊರೊನಾ ವೈರಸ್‌ ಪತ್ತೆಯಾಗಿತ್ತು. ಇದೇ ಕಾರಣಕ್ಕೆ ತಂಡದ ಅಭ್ಯಾಸ ಶಿಬಿರವನ್ನು ನಿಲ್ಲಿಸಿ 6 ದಿನಗಳ ಕ್ವಾರಂಟೈನ್‌ಗೆ ಒಳಪಡಿಸಲಾಗಿದೆ.
ಧೋನಿಯಲ್ಲಿ ಪಂದ್ಯ ಗೆದ್ದುಕೊಡುವ ಸಾಮರ್ಥ್ಯ ಕ್ಷೀಣಿಸಿತ್ತು ಎಂದ ಮಾಜಿ ವೇಗಿ!
ಚಿಕ್ಕಪ್ಪನ ಸಾವು ನೆಪಮಾತ್ರ!
'ಮಿಸ್ಟರ್‌ ಐಪಿಎಲ್' ಎಂದೇ ಖ್ಯಾತಿ ಪಡೆದಿರುವ 33 ವರ್ಷ ಎಡಗೈ ಬ್ಯಾಟ್ಸ್ಮನ್ ಸುರೇಶ್‌ ರೈನಾ ಐಪಿಎಲ್ ಟೂರ್ನಿಯಿಂದ ಹಿಂದೆ ಸರಿಯಲು ಅವರ ಚಿಕ್ಕಪ್ಪನ ಕೊಲೆ ವಿಚಾರ ಮುಖ್ಯ ಕಾರಣ ಎನ್ನಲಾಗಿತ್ತು. ಆದರೆ ವಾಸ್ತವದಲ್ಲಿ ಇದೊಂದು ನೆಪ ಮಾತ್ರ ಎನ್ನಲಾಗುತ್ತಿದೆ. ಏಕೆಂದರೆ, ಪಂಜಾಬ್‌ನ ಪಠಾಣ್‌ಕೋಟ್‌ನಲ್ಲಿ ಅವರ ಚಿಕ್ಕಪ್ಪನ ಮನೆಗೆ ದರೋಡೆ ಕೋರರು ನುಗ್ಗಿ ಹಲ್ಲೆ ನಡೆಸಿದ್ದ ಘಟನೆ ನಡೆದಿರುವುದು ಆಗಸ್ಟ್‌ 19ರಂದು ಆಗ ರೈನಾ ಇನ್ನೂ ಭಾರತದಲ್ಲೇ ಇದ್ದರು.
ಬಳಿಕ ಆಗಸ್ಟ್‌ 21ರಂದು ಸಿಎಸ್‌ಕೆ ತಂಡದೊಂದಿಗೆ ದುಬೈಗೆ ಪ್ರಯಾಣ ಬೆಳೆಸಿದ್ದರು. ಈ ಸಂದರ್ಭದಲ್ಲಿ ತಮ್ಮ ಚಿಕ್ಕಪ್ಪನ ಸಾವಿನ ಕುರಿತಾಗಿ ತಮಗೆ ಬಂದಿದ್ದ ಎಸ್‌ಎಮ್‌ಎಸ್‌ ತಡವಾಗಿ ಗಮನಸಿದ್ದಾಗಿ ಹೇಳಿಕೊಂಡಿದ್ದಾರೆ. ಆದರೆ, ವಾಸ್ತವದಲ್ಲಿ ಅವರು ತಮ್ಮ ನಿರ್ಗಮನಕ್ಕೆ ಅಸಲಿ ಕಾರಣ ಏನೆಂಬುದನ್ನು ಯಾವುದೇ ಸೋಷಿಯಲ್‌ ಮೀಡಿಯಾಗಳಲ್ಲಿ ಹಂಚಿಕೊಂಡಿಲ್ಲ. ಅಂದಹಾಗೆ ಐಪಿಎಲ್ ಇತಿಹಾಸದಲ್ಲಿ 2ನೇ ಅತ್ಯಧಿಕ ರನ್‌ ಸ್ಕೋರರ್‌ ಆಗಿರುವ ರೈನಾ ಟೂರ್ನಿಯಿಂದ ಹಿಂದೆ ಸರಿದಿರುವುದು ಸಿಎಸ್‌ಕೆಗೆ ಭಾರಿ ಹಿನ್ನಡೆಯನ್ನೇ ತಂದೊಡ್ಡಿದೆ.
'ಕಣ್ಣೀರಿನಲ್ಲಿದೆ ಸುರೇಶ್‌ ರೈನಾ ಕುಂಟುಂಬ' : ಎಡಗೈ ಬ್ಯಾಟ್ಸ್ಮನ್ ಐಪಿಎಲ್ ತೊರೆದ ಕಾರಣ ಶಾಕಿಂಗ್‌.!
ಉದ್ಘಾಟನಾ ಪಂದ್ಯದಿಂದ ಸಿಎಸ್‌ಕೆ ಹಿಂದೆ ಸರಿಯುವ ಸಾಧ್ಯತೆ
ಐಪಿಎಲ್ 2020 ಟೂರ್ನಿ ಈ ಬಾರಿ ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ ಅಂಗಣದಲ್ಲಿ ಆಯೋಜನೆಯಾಗಲಿದ್ದು, ಸೆಪ್ಟೆಂಬರ್‌ 19ರಿಂದ ನವೆಂಬರ್‌ 10ರವರೆಗೆ ಬಯೋ ಸೆಕ್ಯೂರ್‌ ವಾತಾವರಣ ಇರುವ ದುಬೈ, ಶರ್ಜಾ ಮತ್ತು ಅಬುದಾಭಿ ಕ್ರೀಡಾಂಗಣಗಳಲ್ಲಿ ನಡೆಯಲಿದೆ. ಟೂರ್ನಿ ಸಲುವಾಗಿ ಈಗಾಗಗಲೇ ಎಲ್ಲಾ 8 ತಂಡಗಳು ದುಬೈನಲ್ಲಿ ಬೀಡು ಬಿಟ್ಟಿದ್ದು, 3 ವಾರಗಳ ಅಭ್ಯಾಸ ಶಿಬಿರ ಆರಂಭಿಸಿವೆ.
ಆದರೆ, ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಆಟಗಾರರಲ್ಲಿ ಕೋವಿಡ್‌-19 ಸೋಂಕು ಕಾಣಿಸಿಕೊಂಡಿರುವುದು ಇದೀಗ ಕಳವಳಕ್ಕೆ ಕಾರಣವಾಗಿದೆ. ಆಟಗಾರರಲ್ಲಿ ಸೋಂಕು ಕಾಣಿಸಿಕೊಂಡಿರುವ ಹಿನ್ನಲೆಯಲ್ಲಿ ಸಿಎಸ್‌ಕೆ ಮರಳಿ 6 ದಿನಗಳ ಕ್ವಾರಂಟೈನ್‌ಗೆ ಒಳಪಡಬೇಕಿದೆ. ಹೀಗಾಗಿ ಸೆಪ್ಟೆಂಬರ್‌ 19ರಂದು ನಡೆಯಲಿರುವ ಮುಂಬೈ ಇಂಡಿಯನ್ಸ್‌ ವಿರುದ್ದದ ಐಪಿಎಲ್ 2020 ಟೂರ್ನಿಯ ಉದ್ಘಾಟನಾ ಪಂದ್ಯಕ್ಕೆ ಸೂಪರ್‌ ಕಿಂಗ್ಸ್‌ ಅಲಭ್ಯವಾಗುವ ಸಾಧ್ಯತೆ ಇದೆ.
"ಐಪಿಎಲ್ 2020 ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಸಿಎಸ್‌ಕೆ ಸ್ಪರ್ಧಿಸುವ ಸ್ಥಿತಿಯಲ್ಲಿಲ್ಲ. ಈ ಹಿನ್ನಡೆಯಿಂದ ಪುಟಿದೇಳಲು ಸಿಎಸ್‌ಕೆಗೆ ಹೆಚ್ಚು ಸಮಯ ಸಿಗುವಂತೆ ಅವಕಾಶ ಮಾಡಿಕೊಡಲಿದ್ದೇವೆ. ಟೂರ್ನಿಗೆ ಕಂಟಕವಾಗಿ ಎದುರಾಗಿರುವ ಪರಿಸ್ಥಿತಿಯನ್ನು ನಿಭಾಯಿಸಲು ಅಗತ್ಯದ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಇದೇ ಕಾರಣಕ್ಕೆ ಟೂರ್ನಿಯ ವೇಳಾಪಟ್ಟಿ ಬಿಡುಗಡೆಯನ್ನು ತಡ ಮಾಡಲಾಗಿದೆ," ಎಂದು ಟೈಮ್ಸ್‌ ಆಫ್‌ ಇಂಡಿಯಾಗೆ ಬಿಸಿಸಿಐನ ಮೂಲಗಳು ಹೇಳಿವೆ.
5 ತಿಂಗಳ ಬಳಿಕ ಬ್ಯಾಟಿಂಗ್‌ ಮಾಡಿದ್ದಕ್ಕೆ ಸ್ವಲ್ಪ ಭಯವಾಯಿತೆಂದ ವಿರಾಟ್‌ ಕೊಹ್ಲಿ!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3gJzVk3
