ಅಹಮದಾಬಾದ್: ಭಾರತದಲ್ಲಿ ಬಹಳ ಸಡಗರದಿಂದ ಆಚರಿಸುವ ರಾಖಿ ಹಬ್ಬಕ್ಕೆ ಇನ್ನೇನು ಎರಡು ರಾತ್ರಿ ಮಾತ್ರ ಬಾಕಿ ಇದೆ. ಆಗಸ್ಟ್ 3ಕ್ಕೆ ಬೆಳಗ್ಗಿನಿಂದಲೇ ದೇಶದೆಲ್ಲೆಡೆ ಸಹೋದರ ಸಹೋದರಿಯರು ಸಂಭ್ರಮದಿಂದ , ಅರ್ಥಾತ್ ರಕ್ಷಾ ಬಂಧನವನ್ನು ಆಚರಿಸುತ್ತಾರೆ. ಈ ಮಧ್ಯೆ ರಾಖಿ ಹಬ್ಬಕ್ಕೆ ಎರಡು ದಿನ ಇರೋವಾಗಲೇ ಪ್ರಧಾನಿ ನರೇಂದ್ರ ಮೋದಿಗೆ ಅವರ ಪಾಕ್‌ ಮೂಲದ ಸಹೋದರಿ ಅವರು ತನ್ನ ಪ್ರೀತಿಯ ಸಹೋದರಿಗೆ ರಾಖಿ ಕಳುಹಿಸಿದ್ದಾರೆ. ಕಳೆದ 25 ವರ್ಷಗಳಿಂದ ನರೇಂದ್ರ ಮೋದಿಗೆ ರಾಖಿ ಕಟ್ಟುತ್ತಿರುವ ಖಮರ್ ಮೊಹ್ಸಿನ್ ಶೇಖ್ ಅವರು ರಾಖಿ ಸಹೋದರಿ ಎಂದೇ ಪ್ರಸಿದ್ಧಿ ಹೊಂದಿದ್ದಾರೆ. ಮೂಲತಃ ಪಾಕಿಸ್ಥಾನದವರಾದ ಖಮರ್ ಮೊಹ್ಸಿನ್ ಶೇಖ್ ಅವರು ಮದುವೆಯಾದ ನಂತರ ಗುಜರಾತ್‌ನ ಅಹಮದಾಬಾದ್‌ನಲ್ಲೇ ನೆಲೆಸಿದ್ದಾರೆ. ಪ್ರಧಾನಿ ಜೊತೆ 25ನೇ ವರ್ಷದ ರಾಖಿ ಹಬ್ಬವನ್ನು ಆಚರಿಸುತ್ತಿರುವ ಖಮರ್ ಮೊಹ್ಸಿನ್ ಶೇಖ್, ಈ ಬಾರಿ ಕೊರೊನಾದಿಂದಾಗಿ ನೇರವಾಗಿ ಭೇಟಿ ಮಾಡಿ ರಾಖಿ ಕಟ್ಟಲು ಸಾಧ್ಯವಾಗದೇ ಇರೋದ್ರಿಂದ ಪೋಸ್ಟ್ ಮೂಲಕ ಮೋದಿಗೆ ರಾಖಿಯನ್ನು ಕಳುಹಿಸಿದ್ದಾರೆ. ಅಲ್ಲದೇ ನರೇಂದ್ರ ಮೋದಿಗೆ ಉತ್ತಮ ಆರೋಗ್ಯ ಪ್ರಾಪ್ತಿಯಾಗಲಿ ಎಂದು ಹಾರೈಸಿದ್ದಾರೆ. ಈ ಬಗ್ಗೆ ಮಾಧ್ಯಮದೊಂದಿಗೆ ಮಾತನಾಡಿರುವ ಖಮರ್ ಮೊಹ್ಸಿನ್ ಶೇಖ್, ನಾನು ಮೋದಿಯವರನ್ನು ಕಳೆದ 30-35 ವರ್ಷಗಳಿಂದ ಬಲ್ಲೆ. ಮೊದಲ ಬಾರಿಗೆ ನಾನು ಅವರನ್ನು ದೆಹಲಿಯಲ್ಲಿ ಭೇಟಿ ಮಾಡಿದಾಗ ಕರಾಚಿಯಿಂದ ನಾನು ಬಂದಿದ್ದೇನೆ. ಮದುವೆಯಾಗಿ ಗುಜರಾತ್‌ನಲ್ಲಿ ನೆಲೆಸಿದ್ದೇನೆ ಎಂದು ಪರಿಚಯ ಮಾಡಿಕೊಂಡಾಗ ನನ್ನನ್ನು ಸೋದರಿ ಎಂದು ಕರೆದರು. ನನಗೆ ಸ್ವಂತ ಸೋದರ ಇಲ್ಲ. ಆ ನಂತರ ಮೂರು ವರ್ಷದ ಬಳಿಕ ಮತ್ತೆ ಅವರನ್ನು ಭೇಟಿ ಮಾಡಿ ಅವತ್ತಿನಿಂದ ರಾಖಿ ಕಟ್ಟುತ್ತಿದ್ದೇನೆ ಎಂದು ತಿಳಿಸಿದ್ದಾರೆ. ಅಲ್ಲದೇ ಒಂದು ದಿನ ನಾನು ಅವರನ್ನು ಭೇಟಿಯಾದಾಗ ನೀವು ಗುಜರಾತ್ ಮುಖ್ಯಮಂತ್ರಿಯಾಗಬೇಕು ಎಂದು ದೇವರಲ್ಲಿ ಬೇಡಿಕೊಳ್ಳುತ್ತೇನೆ ಎಂದು ಅವರಿಗೆ ತಿಳಿಸಿದ್ದೆ. ಆಗ ಅವರು ನಾನು ಹೇಳಿದ್ದಕ್ಕೆ ನಕ್ಕಿದ್ದರು. ನಂತರ ಗುಜರಾತ್ ಮುಖ್ಯಮಂತ್ರಿಯಾಗಿ ಈಗ ಪ್ರಧಾನಿಯಾಗಿದ್ದಾರೆ. ನನ್ನ ಪ್ರಾರ್ಥನೆ ದೇವರಿಗೆ ಫಲಿಸಿದೆ ಎಂದು ಖಮರ್ ಮೊಹ್ಸಿನ್ ಶೇಖ್ ಹೇಳಿದ್ದಾರೆ.
from India & World News in Kannada | VK Polls https://ift.tt/3ghPnok
