ಹೊಸದಿಲ್ಲಿ: ಚೆನ್ನೈ ಸೂಪರ್‌ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಹಾಗೂ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ಅವರ ನಾಯಕತ್ವವನ್ನು ಸಾಕಷ್ಟು ಕ್ರಿಕೆಟ್ ದಿಗ್ಗಜರು ಶ್ಲಾಘಿಸಿದ್ದಾರೆ. ಇದೀಗ ಈ ಸಾಲಿಗೆ ವೆಸ್ಟ್ ಇಂಡೀಸ್‌ ತಂಡದ ಮಾಜಿ ನಾಯಕ ಸೇರ್ಪಡೆಯಾಗಿದ್ದಾರೆ. ಈ ಎರಡೂ ತಂಡಗಳು ಐಪಿಎಲ್‌ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಫ್ರಾಂಚೈಸಿಗಳಾಗಿವೆ. ಮುಂಬೈ ಇಂಡಿಯನ್ಸ್ ನಾಲ್ಕು ಬಾರಿ ಐಪಿಎಲ್‌ ಟ್ರೋಫಿ ಮುಡಿಗೇರಿಸಿಕೊಂಡರೆ, ಚೆನ್ನೈ ಸೂಪರ್‌ ಕಿಂಗ್ಸ್ ಮೂರು ಬಾರಿ ಐಪಿಎಲ್‌ ಚಾಂಪಿಯನ್‌ ಆಗಿದೆ. ಈ ಎರಡೂ ತಂಡಗಳ ಯಶಸ್ಸಿನಿಂದಾಗಿ ರೋಹಿತ್ ಶರ್ಮಾ ಹಾಗೂ ಎಂಎಸ್‌ ಧೋನಿಯನ್ನು ಡೆರೆನ್ ಸಾಮಿ ಶ್ಲಾಘಿಸಿದ್ದಾರೆ. 2008ರಿಂದ ಧೋನಿ ಚೆನ್ನೈ ಫ್ರಾಂಚೈಸಿಯನ್ನು ಮುನ್ನಡೆಸುತ್ತಿದ್ದರೆ, ರೋಹಿತ್ ನಾಯಕತ್ವದಲ್ಲಿ ಮುಂಬೈ ಇಂಡಿಯನ್ಸ್ 4 ಬಾರಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದೆ. ಎಂ.ಎಸ್. ಧೋನಿ ಮತ್ತು ರೋಹಿತ್ ಶರ್ಮಾ ನಾಯಕತ್ವದ ಶೈಲಿ ಒಂದೇ ರೀತಿ ಇದೆ ಎಂದು ಒತ್ತಿ ಹೇಳಿದ ಡೇರೆನ್ ಸಾಮಿ, ಎರಡೂ ನಾಯಕರು ಆಟಗಾರರನ್ನು ಗುರುತಿಸುವ ಸಾಮರ್ಥ್ಯವನ್ನು ಹೊಂದಿದ್ದಾರೆ ಮತ್ತು ಕಠಿಣ ಸಂದರ್ಭಗಳಲ್ಲಿ ಆ ಆಟಗಾರರ ಸಾಮರ್ಥ್ಯಕ್ಕೆ ತಕ್ಕಂತೆ ಅವರನ್ನು ಬಳಿಸಿಕೊಳ್ಳುವ ಸಮರ್ಥತೆಯನ್ನು ಈ ಇಬ್ಬರೂ ಹೊಂದಿದ್ದಾರೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್‌ ಕಿಂಗ್ಸ್ ತಂಡಗಳ ಯಶಸ್ವಿಗೆ ಕಾರಣಗಳನ್ನು ಬಹಿರಂಗಪಡಿಸಿದ ಡೆರೆನ್ ಸಾಮಿ, ಇದಕ್ಕೆ ಉತ್ತಮ ಉದಾಹರಣೆಯನ್ನು ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ತೆಗೆದುಕೊಂಡರು. 2015ರಲ್ಲಿ ವೆಸ್ಟ್ ಇಂಡೀಸ್‌ ತಂಡದ ನಾಯಕ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಆಡಿದ್ದರು. ವಿಶ್ವದ ಸೂಪರ್‌ ಸ್ಟಾರ್‌ ಆಟಗಾರರಿದ್ದರೂ ನಾಯಕತ್ವದ ವೈಫಲ್ಯದಿಂದ ಐಪಿಎಲ್‌ನಲ್ಲಿ ಪ್ರಶಸ್ತಿ ಗೆಲ್ಲುವಲ್ಲಿ ವಿಫಲವಾಗುತ್ತಿದೆ ಎಂಬುದು ಸಾಮಿ ಹೇಳಿದ್ದಾರೆ. ಧೋನಿ ಮತ್ತು ರೋಹಿತ್ ಇಬ್ಬರೂ ತಂಡದ ಪರ ಹೋರಾಡುವಂತಹ ಆಟಗಾರರನ್ನು ರಚಿಸುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಆದರೆ ವೈಯಕ್ತಿಕ ಪ್ರಶಂಸೆಗೆ ಅಲ್ಲ ಎಂದು ನಗು ಮೊಗದೊಂದಿಗೆ ಸಾಮಿ ತಿಳಿಸಿದರು. "ರೋಹಿತ್ ಶರ್ಮಾ ಹಾಗೂ ಮುಂಬೈ ಇಂಡಿಯನ್ಸ್ ತಂಡವನ್ನು ನೀವು ನೋಡಬಹುದು. ಮುಂಬೈ ಇಂಡಿಯನ್ಸ್ ಹಾಗೂ ಸ್ಟಾರ್‌ ಆಟಗಾರರಿರುವ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಹೋಲಿಕೆ ಮಾಡಿದರೆ, ತಂಡವನ್ನು ಮುನ್ನಡೆಸುವ ಹಾಗೂ ಆಟಗಾರರ ತಂಡವನ್ನು ಒಟ್ಟುಗೂಡಿಸುವ ಸಾಮರ್ಥ್ಯ ಸಾಮಾನ್ಯವಾಗಿ ಎದ್ದು ಕಾಣುವ ಅಂಶವಾಗಿದೆ. ಆದರೆ, ವೈಯಕ್ತಿಕ ವಿಷಯಗಳಿಗಾಗಿ ಮಾತ್ರವಲ್ಲದೆ ತಂಡದ ಯಶಸ್ಸು ಹೆಚ್ಚು ಮುಖ್ಯವಾಗುತ್ತದೆ," ಎಂದು ಡೆರೆನ್ ಸಾಮಿ ಹೇಳಿದರು. ಎಂ.ಎಸ್ ಧೋನಿ ಹಾಗೂ ರೋಹಿತ್ ಶರ್ಮಾ ಈ ಇಬ್ಬರೂ ತಂಡಗಳ ಆಟಗಾರರನ್ನು ಹೇಗೆ ಪ್ರೇರಣೆ ತುಂಬಲಿದ್ದಾರೆ ಎಂಬ ಅಂಶವನ್ನು ಸಾಮಿ ಬಹಿರಂಗಪಡಿಸಿದರು. " ಹೇಗೆ ಆಟಗಾರರಿಗೆ ಪ್ರೇರಣೆ ತುಂಬುತ್ತಾರೆಂದು ನೀವು ನೋಡಬಹುದು, ಸನ್ನಿವೇಶಕ್ಕೆ ತಕ್ಕಂತೆ ಅವರನ್ನು ಹೇಗೆ ನಿಭಾಯಿಸಬೇಕು ಎಂಬುದು ಅವರಿಗೆ ಚೆನ್ನಾಗಿ ಗೊತ್ತು. ರೋಹಿತ್ ಶರ್ಮಾ ಕೂಡ ಇದೇ ರೀತಿ ಮನೋಭಾವವನ್ನು ಹೊಂದಿದ್ದಾರೆ. ಆದರೆ, ನಿಮಗೆ ಬೆಂಬಲ ನೀಡಲು ಮತ್ತು ಯಶಸ್ಸಿನ ವಿಧಾನವನ್ನು ನಂಬಲು ನಿಮಗೆ ಸಿಬ್ಬಂದಿ ಬೇಕು ಮತ್ತು ನಿಮಗೆ ಕೌಶಲ್ಯಗಳೂ ಬೇಕು," ಎಂದು ಸನ್‌ ರೈಸರ್ಸ್ ಹೈದರಾಬಾದ್‌ ಮಾಜಿ ನಾಯಕ ಒತ್ತಿ ತಿಳಿಸಿದರು. 13ನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಸೆ.19 ರಿಂದ ಯುಎಇಯಲ್ಲಿ ಆರಂಭವಾಗಲಿದೆ. ಎಲ್ಲಾ ಫ್ರಾಂಚೈಸಿಗಳು ದುಬೈನಲ್ಲಿದ್ದು ಪೂರ್ವ ತಯಾರಿಯಲ್ಲಿ ತೊಡಗಿವೆ. ಕಳೆದ ಆವೃತ್ತಿಯ ಐಪಿಎಲ್‌ನಲ್ಲಿ ಮುಂಬೈ ಇಂಡಿಯನ್ಸ್, ಚೆನ್ನೈ ಸೂಪರ್‌ ಕಿಂಗ್ಸ್ ತಂಡವನ್ನು ಮಣಿಸಿ ನಾಲ್ಕನೇ ಬಾರಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32vP17W
